DLM +61

DLM +61 DLM IJWI RY'IBIKORWA

: Amafaranga arenga imiliyari 2.4 yakoreshejwe mu kwubaka amasoko ya Cumba na NkoyoyoAmafaranga angana na 2.450.000.000...
17/08/2026

: Amafaranga arenga imiliyari 2.4 yakoreshejwe mu kwubaka amasoko ya Cumba na Nkoyoyo

Amafaranga angana na 2.450.000.000 FBu ni yo yakoreshejwe mu kwubaka amasoko ya Cumba na Nkoyoyo, muri zone , komine Muyinga. Ivyo vyashikirijwe na Amedée Misago, musitanteri wa komine Muyinga, ku wa 16 Myandagaro 2026, igihe yariko arugurura icese isoko ya zone .

Iyo soko yubatswe ku mfashanyo y’umugambi , ku bufatanye n’intwaro. Yashikirijwe ku mugaragaro na musitanteri wa komine Muyinga, ari kumwe n’indongozi zitandukanye zo muri iyo komine.

Mw’ijambo ry’ikaze, uwurongoye zone Cumba, Ndarugirire Melchiade, yashimiye indongozi za komine Muyinga ku gikorwa zakoze co kubafasha mu kwubaka iyo soko. Yarasavye kandi indongozi kubafasha kugira baronke amazi n’umuyagankuba, kugira iyo soko ishobore gutera imbere no gushikira imbonakazoza.

Mu ijambo ryiwe, Amedée Misago, musitanteri wa komine Muyinga, yavuze ko ata mvo n’imwe yotuma abenegihugu bahurira muri iyo soko bayifata umwanda, na rirya hasanzwe hubatswe n’ubwiherero. Yasavye abadandaza n’abakoresha iyo soko kwubahiriza amategeko ajanye n’isuku n’isukura, nk’uko bisabwa na Reta.

Yabasavye kandi kwama bacungera neza ahantu hose hakorera abakoresha umuriro w’imbabura canke amapasi, bakagenda barazimya umuriro igihe bawukoresheje, kugira bakinge impanuka z’umuriro.

Musitanteri Misago yateye akamo abenegihugu bose bo mu micungararo y’ako gace kugira bahurumbire iyo soko. Yabasavye kandi gukorana mu bumwe, ata kuraba aho umwe wese avuka.

Ku ruhande rwiwe, Shaban Nimubona, umushingamateka yatowe mu ntara ya Buhumuza, yasavye abadandaza gukora urudandazwa bacungana, kugira ntihagire abakora urudandazwa rutemewe n’amategeko. Yabahanuriye kandi gutanga amakori n’amatagisi basabwa n’amategeko.

Ico gikorwa co kwugurura icese isoko ya zone Cumba cari citabiriwe n’izindi ndongozi hamwe n’imvukira za zone Cumba, iza komine Muyinga, hamwe n’abatumwe canke abavuye mu ntara zitandukanye.

+61

: Nawe Nuze yatanguje igikorwa co gutanga ibikoresho vy’ishure ku bana b’imfuvyi na ba ntahonikoraIhuriro ry’amashiraha...
16/08/2026

: Nawe Nuze yatanguje igikorwa co gutanga ibikoresho vy’ishure ku bana b’imfuvyi na ba ntahonikora

Ihuriro ry’amashirahamwe ya Nawe Nuze, biciye mu mugambi wa Burunga Urunani Umwana Si Uwumwe, ryatanze ibikoresho vy’ishure ku bana b’imfuvyi na ba ntahonikora bagera ku 15.835, bo mu makomine ya Bururi na .

Amafaranga angana na 232.456.300 FBu ni yo yakoreshejwe mu kugura ivyo bikoresho, yose akaba yatanzwe n’abanywanyi b’amashirahamwe agize Nawe Nuze.

Kuri uyu wa kane, muri komine ya , haratangujwe ku mugaragaro igikorwa co gutanga ivyo bikoresho. Ibirori vyabereye ku murwa mukuru wa zone , aho hatangujwe gutanga ubwo bufasha ku bana bagenewe uwo mugambi.

Iki gikorwa kiri mu ntumbero yo gufasha abana b’imfuvyi na ba ntahonikora kuronka ibikoresho vya nkenerwa vy’ishure, kugira ngo bashobore kwiga neza kandi bateze imbere amashure yabo.

+61

: Hafashwe ingingo ruhasha zerekeye isuku n’isukuraMuri komine Kiremba y’intara ya Butanyerera, harafashwe ingingo ruha...
16/08/2026

: Hafashwe ingingo ruhasha zerekeye isuku n’isukura

Muri komine Kiremba y’intara ya Butanyerera, harafashwe ingingo ruhasha zigamije guteza imbere isuku n’isukura no kwirinda indwara zituruka ku mwanda. Izo ngingo zafashwe hamwe n’umugambi wo gusiga canke gusasa amabuye imbere y’inyubakwa ziri ku mabarabara makuru.

Muri zone , twasanze aho badandariza urwarwa harafashwe ingingo zo gukomeza isuku. Urwarwa rusabwa gushirwa mu macupa hakoreshejwe igikombe canke ijage, aho kuyivoma n’indobo irimwo amabombo. Abadandaza urwarwa, abari mu buriro n’abotsa inyama na bo basabwa kwambara amataburiya.

Mu gusangira icupa, abantu ntibakigomba gukurako umunwa ngo bahereze uwundi canke guhanahana umukenke; ahubwo basuka urwarwa mu dukombe, umwe wese agakoresha akiwe. Vyongeye, imiryango itatu itatu y’ubudandarizo isabwa kugira igikon co gutamwo imyanda.

Jeannette Abintore arongoye zone Musasa avuga ko izo ngingo zafashwe kubera isuku rike ryari ryibonekeza mu badandaza urwarwa no mu bayangayanga inyama. Avuga ko ababadandaza urwarwa basabwa guhisha ibikombe canke amajage, mu gihe abayanga inyama bose basabwa kwambara itaburiya zera kandi zimeshe.

Abintore amenyesha ko izo ngingo zubahirizwa mu mitumba yose igize zone arongoye. Uwutazubahiriza abanza kuganirizwa no guhanurwa, ariko uwunanirwa gukurikiza izo ngingo agahanwa hisunzwe itegeko nshikiranganji rusangi ryo ku wa 18 Ruhuhuma 2026 ryerekeye ihadabu ritangishwa abagararije amategeko yerekeye isuku n’isukura.

Joseph Riyazimana, umwenegihugu twasanze ariko yihereza urwarwa ku Masanganzira, arashima izo ngingo, avuga ko zituma banywana mu buryo busukuye kandi zikabafasha kugira amagara meza.

+61

Ibiro birenga 1.300 vy’urumogi vyafatiwe mu ntara ya vyaraturiweIbiro birenga igihumbi n’amajana atatu (1.300) vy’urum...
16/08/2026

Ibiro birenga 1.300 vy’urumogi vyafatiwe mu ntara ya vyaraturiwe

Ibiro birenga igihumbi n’amajana atatu (1.300) vy’urumogi vyafatiwe mu bice bitandukanye vy’intara ya Bujumbura vyaraturiwe kuri uyu wa gatanu, igenekerezo rya 14 Myandagaro 2026, n’Ubushikirizamanza Bukuru bwa Repuburika, ku mutumba wa , komine , intara ya Bujumbura.

Ico gikorwa cari kiyobowe na François Nkezabahizi, icariho ca mbere c’Umushikirizamanza Mukuru wa Repuburika, yari ahagarariye Ubushikirizamanza muri ico gikorwa.

Mu majambo yiwe, François Nkezabahizi yamenyesheje ko benshi mu bahereza urumogi ari urwaruka.

Yahamagariye abahereza urumogi hamwe n’abarucuruza kubihagarika, asigura ko urumogi rwonona amagara y’urwaruka, ari rwo Burundi bw’ejo, kandi ko rufise n’ingaruka mbi ku gihugu.

Yasavye rero ko hashirwa imbere inguvu zo gukinga ikoreshwa n’icuruzwa ry’urumogi, kugira ngo urwaruka rurindwe ingaruka zishobora guterwa n’ikoreshwa ry’ico kiyovyabwenge.

+61

14/08/2026

: Abakukuruke 12.945 bamaze kuronswa pansiyo nshasha mu mezi atatu

Abakukuruke 12.945 baramaze kuronswa pansiyo mu mezi atatu, hisunzwe ingingo y’Umukuru w’Igihugu ijanye no kuduza pansiyo yahora itangwa n’ishirahamwe INSS.

Jean Petit Ndikumasabo, ajejwe gutunganiriza abanywanyi muri INSS, ni we yabishikirije kuri uyu wa 13 Myandagaro 2026.

+61

: Umutambukanyi w’Umukuru w’igihugu yashigikiye iterambere n’ubworozi muri GiharoUmutambukanyi w’Umukuru w’igihugu, Ang...
13/08/2026

: Umutambukanyi w’Umukuru w’igihugu yashigikiye iterambere n’ubworozi muri Giharo

Umutambukanyi w’Umukuru w’igihugu, Angeline Ndayishimiye, yagendeye kuri uyu wa kane zone , muri komine , intara ya , mu ntumbero yo gushigikira umugambi wo gutsimbataza ubumwe no kwumvikana mu kibano, guteza imbere ubutunzi no guteza imbere ugufashanya hagati y’abenegihugu bakira impunzi z’abanyekongo.

Muri urwo rugendo, amakoperative icenda yaronkejwe impene 20 hamwe n’amafaranga imiriyoni 10 y’amafaranga y’amarundi kuri koperative imwe. Abanyeshure icenda bo muri komine Musongati na bitwaye neza mu kibazo co mu mwaka w’icenda na bo baronse ama bourse yo kubandanya amashure y’inyuma y’ishure shingiro kw’ishure Socle du Savoir riri i . Ishure rya Kayero na ryo ryaronkejwe imfashanyo y’imatera 100.

Mw’ijambo ryiwe, Umutambukanyi w’Umukuru w’igihugu, Angeline Ndayishimiye, yamenyesheje ko iyo mfashanyo igamije gufasha abenegihugu kwongerereza ubumenyi n’ubuhinga, kugira bashobore kwitunganiriza ibikorwa bibinjiriza amahera no guteza imbere imiryango yabo.

Yasabye abaronkejwe ibitungwa kubibona nk’umutahe wo gutangurirako, bakabifata neza, bakabirinda indwara kandi bakabireka birwire, kugira bibafashe kwiteza imbere. Ku banyeshure bahawe ama bourse, yabasavye kuzokwiga n’umwete, kugira indero nziza no kwubaha abarezi babo, kuko ubumenyi bazoronka buzobafasha guteza imbere igihugu.

Umupfasoni w’Umukuru w’igihugu yashimiye kandi abafatanyabikorwa bagize uruhara mu gushira mu ngiro uwo mugambi. Yashimangiye ko ubworozi bw’ibitungwa bitobito bushobora kuba isoko ry’amafaranga ku miryango no ku makoperative, mu gihe amase yavyo afasha mu guteza imbere uburimyi.

Yasabye indongozi kuzokurikirana neza ivyo vyatanzwe, kugira vyemezwe ko biriko bikoreshwa mu bikorwa vy’iterambere, biganisha ku Burundi bw’ibonakazoza bw’igihugu cifashe mu 2040 kandi giteye imbere mu 2060.

+61

: Nitunga Aline, umukenyezi w’imyaka 48 akaba umwigisha n’umuvyeyi w’abana batatu, akora kandi umwuga wo gutwara abantu...
13/08/2026

: Nitunga Aline, umukenyezi w’imyaka 48 akaba umwigisha n’umuvyeyi w’abana batatu, akora kandi umwuga wo gutwara abantu kwipikipiki, igikorwa gisanzwe kimenyerewemwo n’abagabo.

Avuga ko uwo mwuga umufasha kwongereza ku mushahara wiwe, gutunga umuryango no kwigenga mu vy’ubutunzi. Afise kandi ibikorwa vy’uburimyi n’ubworozi bimwunganira mu vyinjira mu rugo.

Mu ntango, Nitunga yarahuye n’abamuca intege kubera imico n’ivyiyumviro bivuga ko hari imirimo igenewe abagabo gusa. Ariko yahisemwo kubandanya.

Ati: «Abakenyezi barashoboye. Nta mwuga ukwiye gufatwa nk’uw’abagabo gusa. Iyo abakenyezi bahisemwo kuwukora, barashobora gutera imbere.»

Muri iki gihe, avuga ko mu gisagara ca Gitega hari abagore babiri gusa bakora uwo mwuga. Arizera ko abandi bakenyezi bashobora kuwukurikira hamwe bobona ababashigikira.

Inkuru ya Nitunga Aline irerekana ko uburongozi bw’abakenyezi butagarukira ku myanya ya politike gusa, ahubwo buboneka no mu kwiremera akazi, kwigenga mu vy’ubutunzi no kugira uruhara mu guteza imbere imiryango n’ikibano.

+61

: Igikorwa co gufyatura no gupanga amatafari azokoreshwa mu kuzokwubakira inzu z’abafise amikoro make muri Zone ya , k...
13/08/2026

: Igikorwa co gufyatura no gupanga amatafari azokoreshwa mu kuzokwubakira inzu z’abafise amikoro make muri Zone ya , kigeze ku ntambwe ishimishije.

Kuri uyu wa kane, igenekerezo rya 13 Myandagaro 2026, , Umukuru wa Zone ya , yamenyesheje ko igikorwa co gufyatura amatafari kiriko kirarangurwa n’abenegihugu bo muri iyo Zone, mu bikorwa vy’iterambere rusangi. Muri ico gikorwa, abanyeshure bari mu buruhuko bw’ici na bo nyene baragize uruhara mu gufyatura ayo matafari.

Umukuru wa Zone ya amenyesha kandi ko ayo matafari ariko arapangwa kugira bihutire kuyaturira, imvura y’igihungurabayi itarayonona.

Mu Zone ya naho, , Umukuru wa Zone , yariko yifatanya n’abenegihugu bo ku Mutumba wa mu gikorwa co guca ibarabara rihuza uwo Mutumba n’agacimbiri ka .

+61

Abanyagihugu bo ku mutumba wa basabwa kwirinda ingeso yo guharika no gucikiza Abanyagihugu bo ku mutumba wa , muri z...
13/08/2026

Abanyagihugu bo ku mutumba wa basabwa kwirinda ingeso yo guharika no gucikiza

Abanyagihugu bo ku mutumba wa , muri zone na komine , basabwe kuvavanura n’ingeso yo guharika no gucikiza, kuko bishobora gutera indyane mu miryango no guhungabanya umutekano mu kibano.

Ako kamo gatewe kuri uyu wa kabiri, igenekerezo rya 11 Myandagaro, na Sofiya Nizigiyimana, umukuru wa zone Rutana, mu nama yagirishije abo benegihugu ari kumwe n’umuhanuzi wiwe ajejwe intwaro n’amategeko hamwe n’uwuserukira umutekano muri iyo zone. Iyo nama yari igamije kuganira ku bibazo bibangamira imibereho n’iterambere ry’abo benegihugu.

Uwo arongoye zone yasavye abavyeyi kwitwararika indero y’abana, kwirinda inda zishushu no gukora ibishoboka vyose kugira abana ntibahebe amashure. Sophie Nizigiyimana yasavye kandi abavyeyi gufata iya mbere mu kuganiriza abana babo kuva bakiri bato, bakabigisha ingeso nziza kandi bakabasigurira ingaruka zishobora kuva ku nyifato mbi.

Yahamagariye kandi abo benegihugu kwirinda guturira imiriro ya Nyakanga, ahubwo bakabungabunga amashamba, kuko afasha mu gukinga inkukura, gutuma imvura iboneka no kuronka akayaga keza.

Uwuserukira umutekano muri zone Rutana, Audreille Idufashe, yarashimye ingene umutekano wifashe kuri uwo mutumba, ariko asaba abanyagihugu gukomeza gukorana n’inzego z’ubuyobozi hamwe na komite ya bose y’umutekano, bakamenyesha hakiri kare ikibazo cose cotera umutekano muke.

Mu bijanye n’iterambere, umukuru wa zone Rutana yarahimirije abenegihugu ba Gaseri kwijukira ibikorwa bibateza imbere, bigateza imbere n’umutumba babako, na cane cane uburimyi bw’amavoka y’ubwoko bwa Ruhere hamwe n’ikawa.

Yabasavye gukoresha neza ubutaka bafise no kwitaho ivyo biterwa kugira bongereze umwimbu n’amafaranga binjiza, gutyo bateze imbere imibereho y’imiryango yabo.

+61

Address

Rumonge

Website

,

Alerts

Be the first to know and let us send you an email when DLM +61 posts news and promotions. Your email address will not be used for any other purpose, and you can unsubscribe at any time.

Shortcuts

Share