20/06/2025
سلام عليكم
مع اني نحشم نظل نهدر في سوجي واحد لكن اغلب نسا للأسف ميحشموش وهدا مساج ليهم
عندي شحال من شهر مخدمتش لاني كرهت تعامل مع نسا مع اني حمد الله نساعد فالسعر والوقت لكن بعض نسا يحبو يركبو واحدة عاقلة
الفئة لي جي تقيس ويجوني 5 و4 نسا وحدة راح تقيس مراحش نزيد ندخلكم تريحو برا مارانيش حالة صالو جي وحدة تقيس جي معاها وحدة لاغير
وحدة تبعتلي باه جي تقيس روبة نستقبلها ونخليها في شامبرا على راحتها لالا تقيس روبة وتجبد قع لي روب تقيسهم وتخلي ريحتها مبعد تقولي جيت على جال هدي ومجاتنيش جيتي عليها قيسيها غير هي مجاتكش تربحي متجبديليش قع لحوايج وتشقيني
جماعة لي يدخلو كليكا يضربو زوج سوايع انا حانوت نروح نشري في كابين ديسياج كي نضرب بلافو ربع ساعة نخرج انتم زوج سوايع وتقصرو وبعقلكم هدي دار ديرو حساب ناس
جماعة لي تقيسلي قع دنيا ومبعد معنديش باه نفارسي وخليلي ماجوني مانخليلكم
جماعة نفارسي 30 الف وخمسين الف معندكش ختي ماجيش حتى توصل لادات وشوفي لاروب لاتكون ديسبونيبل
جماعة لي يدخلو بصبابطهم رانا نصلو فالارض ونظل نسيق عيب تزدمو لديور ناس بالصبابط خاصة لي يجيبولي دراري رافدين شيكولة واخواتها من نيتكم واحد حشم احشموا راكم نسا
وجماعة لي هي تدي روبة وفالروتور تبعتلي راجلها مرانيش راعية تبعتيلي راجل نخرج انا ليه ولا تبعتيلي طفل صغير تكون روبة مقطعة مانقدر ندير معاه والو
وجماعة كي جي جي تدي وفالروتور تعيطلي هبطي راني مزروبة مانقدرش نهبط تم راح نقولك دي روبة وروحي ونعرف وش ندير مبعد 👌
جماعة لي تدو روبة مقية خاصة لي يدوهم بالتيكي عيب ترجعوهم يصرعو كاين حاجة وسمها ستيك مام نغسل لي روب مي منحملش ريحة عرقكم كاين ما وكاين صابون
جماعة لي تدي روبة وانهار 3 جيبها كما حبت كما وحدة دات روبة بالاربعا تفاهمنا ليوم ترجعها عال2 الان مابانت ماترجع عالتلفون بوغتو فهمتها كاين وحدة جيت تقيس مع لول يجوك بوجه مبعد وجه آخر ضيعلي كليونت وحدخرا وكي تقولي كونسين ميعجبهمش الحال من هنا نقولكم عيب انتم هكا وزيد لخرا فيكم ام كفاه راح تكوني قدوة لجيل انت أصلا ماعندكش أسس تربية
ولي معجبتهاش هدرتي ماجينيش مالاخر حاشا نسا لحرار لي تعاملت معاهم معياوني ماعييتهم وسلام عليكم
