Farah.Boutique

13/07/2025

28/05/2025

23/04/2025

20/04/2025

08/04/2025

لكل #عروسه اسمعي مني الكلمتين دول كويس عشان متندميش ندم السنين لازم تخدي بالك من الحجات دي كويس اوي اوي بعد #الجواز

١_💢متهمليش في نفسك وتعززي كل حاجة علي حساب صحتك
💢2_متعمليش فيها شاطره ولهلوبه في كل حاجه لان في الاخر هيبقي ده المفروض عليكي
💢3_متعمليش فيها شاطره بقي في المطبخ وتعملي ٣٠٠ صنف كل يوم لان هيبقي ده الطبيعي ولازم مهما كنتي مشغوله أو تعبانه وعندك عيال اعملي صنف واحد او صنفين كفايه
💢4_عوديه لازم تخرجي يوم في الاسبوع ولو خروجه بسيطه مش لازم مكلفه لو متعودش هيبقي ده الطبيعي ويوم ما تقولي عايزه اخرج هيوديكي عند امه ويحسسك انه سفرك برا
💢5_لازم من اول يوم تعوديه انك ليكي مصروف شخصي ملوش علاقه بالبيت ان شاالله تجيبي بمب وتفرقعيه(والمصروف بيتحدد علي حسب امكانيات جوزك وظروفه حتي ولو ١٠ جنيه)

💢6_عوديه ان #المكوه وغسيل السجاد مش ضمن شغل البيت يا تكوي الهدوم وتغسلو السجاد عند الدراي كلين
أو لو ظروفه متسمحش تشتركون فيها سوا وتغسلوهم مع بعض الشقه مليانه سجاد ومشايات يسعدك عشان تفضلي
بصحتك مش تغسلي السجاد ويرجع يلاقيكي بتغني اه يا ضهري وربطه راسك باشارب تلات ايام من التعب
💢7_لازم تعوديه انك انتي اللي تمسكي المصروف وتنزلي تشتري طلباتك بنفسك مش تقعدي مستنيه يجبلك الحاجه وهيجبها غاليه
💢٨_لازم تحوشي من حتي ولو ٥ جنيه وتنسيهم خالص عشان اي ظروف تعرفي تتصرفي
💢9_عوديه من اول يوم ان #الاكل البايت بيتاكل ومش لازم كل يوم نطبخ وان ممكن تتغدو يوم في الاسبوع اي حاجه بيض وفول مثلا عشان متجيش في يوم تحتاجه لحد
💢10_لازم يعرف من اولها انك كل موسم لازم تشتري هدوم ومكياج وحاجات لاهتمامك بنفسك وبردو علي اد امكانياته عشان متهمليش في نفسك مش تقعدي كام سنه علي هدوم جهازك وهو يتعود ميجبش وبعد كده تيجي تطلبي يكون مش في باله اصلا بند الحجات دي
💢11_ ملحوظه⁉️جوزك علي ما تعوديه اللي هتعوديه عليه من اولها هيبقي الطبيعي طول العمر عشان متشتكيش من حاجه انت معوتهوش عليها وترجعي تقولي الاهتمام مبيطلبش🤣🤣

❤️لوعجبك كلامي دوسي لايك وقوليلي هتعوديه ولا ⁉️

للمهتمين اكتب تم ليصلكم كل مشاركات الصفحه
تبعونى عشان يوصلكم كل جديد💙🌿
ودعوة حلوة من قلبك ليا بصلاح الحال💙🌿
ومتنسوش تحمدو ربنا على كل نعمه علينا💙🌿🌿
صلوا على الحبيب المصطفى ❤️

19/02/2025