19/10/2025
🪡 بين القوة والأناقة.. اكتشفي سحر قماش الدنيم فالخياطة
بما أنو قماش الجينز (الدنيم) راهو ترند ومنتشر بزاف هالفترة 👏
حبيت نحكي عليه اليوم ونشارك معاكم شوية معلومات ونصائح باش تعرفو كيفاه تستغلوه فالخياطة بطريقة احترافية 💪👗
🧷 شنو هو قماش الدنيم؟
هو قماش قطني منسوج بطريقة ميلة (twill) 🔹
هاد النسج هو لي يعطيه القوة تاعو والستايل المعروف لي كامل نحبو 👌
اللون الأصلي تاعو أزرق غامق، بصح تلقاو منو بزاف تدرجات: الفاتح، الغامق، وحتى الأسود 🖤
✂️ وين نقدر نخدموه؟
👖 الدنيم السميك: للسراول، الجاكيطات، والحقائب 💼
👗 الدنيم المتوسط: للحجابات ر العصرية والسراول الواسعة 🌸
👕 الدنيم الخفيف: للقميصات والكيمونو الصيفي ☀️
سعره حاليا فالأسواق ..هو 800دينار جزائري
🪡 نصائح قبل ما تخدمي بيه:
1. 🧺 غسليه قبل ما تقصي خاطر يتقلص شوية بعد الغسيل.
2. 💦 شكليه فالخل والماء أول مرة باش يثبت اللون وما يبهتش 🔵
3. 🔥 مدّيه الحديد قبل الخدمة باش يكون مستوي وماتغلطوش فالقياسات.
4. ⚙️ إبرة قوية ضرورية، خاصة كي تخدمي طبقات.
5. 🚫 خدمة الغرز تكون متوسطة باش الماكينة ماتتعبش والخيط مايتكسّرش.
💬 سؤال اليوم للخياطات المبدعات 👗🧷:
تحبي تخدمي بالدنيم مودالات كلاسيكية ولا عصرية؟
ووش أكثر مودال تحبي يجي بهذا القماش؟ 💬👇
🧵✨ توفر دورة شاملة فـ الخياطة من الصفرRÉMeA
للتسجيل تواصلو معنا عبر الصفحة
