12/07/2026
🌸 سلام لبنات. حبيت نوضح نقطة مهمة بخصوص أسعار الخياطة.
كاين بزاف لي يبعثولي ويحوسو على بري 700 أو 800 أو 900 دج، وحبيت نقولكم بكل احترام بلي هاذي الأسعار ما نقدرش نخدم بيها.
حتى وإن كنت مازلت في بداية المشوار، راني نخدم بإتقان ونعطي كل موديل حقه من الوقت، التركيز، التعب، والتفاصيل باش تخرج النتيجة أحسن مما تتوقعو بإذن الله. 🤍🧵
لهذا أقل بري عندي يبدأ من 1000دج، والسعر يختلف حسب الموديل والخدمة المطلوبة.
إذا ناسبك البري مرحبًا بيك، وإذا ما ناسبكش مرحبتين كذلك، لكن من فضلكم ما تفاوضونيش في السعر، لأن كل بري محسوب على المجهود والوقت وجودة الخدمة.
شكرًا لكل شخص يقدّر الحرفة والتعب، وثقتكم هي أكبر تشجيع ليا. 🤍✨
