28/08/2026
🤍 مبادرة صغيرة… لعلّها تكون سببًا في فرحة كبيرة
بعد ما شفنا الظروف الصعبة اللي يعيشوها المتضررين من حرائق جيجل وبجاية، حبيت نساهم بالشيء اللي نقدر عليه: الخياطة.
راح نتكفل بخياطة أطقم صلاة وحجابات وتقديمها للنساء المحتاجات والمتضررات، وكل هذا تطوعًا ومن دون أي مقابل 🤍
ولأن أي مبادرة تكبر بأهل الخير، حابة ندعو أصحاب محلات الخياطة والأقمشة وكل شخص يحب يساهم، يشارك معايا بما يستطيع:
🧵 أصحاب محلات الخياطة: إذا عندكم أقمشة، بقايا أقمشة أو خامات صالحة للخياطة وتقدرو تخصصوها للمبادرة، نكون شاكرة جدًا لمساهمتكم.
🤍 ولكل شخص حاب يشارك: حتى قطعة قماش واحدة تقدر تتحول إلى طقم صلاة أو حجاب يوصل لامرأة محتاجة.
وأنا نتكفل بالباقي: القص، الخياطة وتجهيز القطع، باش تخرج في أحسن صورة وتوصل لأصحابها.
ما نطلبش المستحيل، كل واحد يساهم على قد استطاعته، واللي ما يقدرش يساهم بالقماش يقدر يساعد فقط بنشر المنشور حتى توصل المبادرة لأكبر عدد من الناس.
ربي يقدرنا على فعل الخير، ويعوض كل متضرر خيرًا، ويحفظ بلادنا وأهلها 🤲🏻🤍
📩 اللي حاب يساهم أو يتعاون معايا، يتواصل معايا في الخاص
كل واحد يطاقي اصدقائه 🫡
