19/06/2024
رسالة صغيرة لكل مدرسين الصف الثالث الثانوى، بداية من دلوقتى لغاية لما تعدى فترة الامتحانات الطلبة محتاجين منكم ان انتو تشجعوهم ونقوى من عزيمتهم وياريت بلاش الاسئلة بتاعت المراجعة تكون صعبة كلها لازم تكون متدرجة، وبلاش جزئية انت ما عملتش اللى عليك، الطالب اللى ذاكر ومستواه كويس زود ثقتة فى نفسة كمان وكمان علشان يقفل والطالب الضعيف هو دة اللى محتاجك فى التوقيت دة انك تقف جمبه اكتر من اى وقت عدى وياريت الحصة ما تبقاش كلها جد، ياريت يبقى فيها تغيير وتكون فيها شوية ضحك وهزار تخلى الطلبة تخرج من الضغط النفسى و الضغط المنزلى اللى احنا مش شايفينة ولكن بنحسة فى عيون اولادنا اللى هما الطلاب بتوعكم حاول انك تفاجئ الطلبة باى حاجة صغيرة فى كل حصة تخليهم يفرحوا، والاكثر اهمية من كل دة العامل النفسى والتشجيع الكافى اللى يخليهم يعدوا اصعب فترة فى حياتهم وهما فاكرينك انك انت وقفت جمبهم واديتهم التشجيع الكافى انهم يعدوا الفترة دى فى سلام داخلى وطمأنينة.
