20/10/2025
عميلة بتسألني البطانية دي بكام
قولتلها مقاس كبير خيط ممتاز وشغل متقن 2500 جنيه
قالتلي إييييه ليه كتير كده دي شوية خيوط وخلاص
سألتها طيب حضرتك شايفة المفروض تتكلف كام
قالت يعني 1000 جنيه كفاية
قولتلها جميل جدا طب جربي تعمليها بنفسك وتوفري الـ1500
قالت بس أنا معرفش أعمل كروشيه
قولتلها ولا يهمك ممكن أعلمك الأساسيات وأجيبلك الخامات بـ1000 جنيه وتعمليها بإيدك بعد كده
قالت بس أنا معنديش وقت أتعلم ومليش خلق للكلام ده كله
وقالت كمان وبعدين حتى لو اتعلمت هيكون شغلي في الأول متقن كام من 10
سكت ومحبتش أحرجها
وبابتسامة قلتلها يبقى تسيبي الشغل للي تعب سنين علشان يتقنه
وفجأة قالتلي خلاص فهمت خدي الـ2500 وانا مغمضة فهمت إنك مش بتبيعي خيط وإبرة انتي بتبيعي تعبك وخبرتك
قلتلها بالظبط
السعر مش تمن خيوط
ده تمن سنين
وصبر
وشغف
ودقة
وإتقان
والأهم روح فنانة بتحط نفسها في كل غرزة ❤️🧶
المغزي من القصه
قدري شغلك لانه جزء من روحك مش مجرد منتج بيتباع
منقول
علشان كدة انا بطلت شغل علشان الناس اللى مش بتقدر المجهود وشغل الهاند ميد اللى بياخد من روحك ووقتك وصحتك مرة زمان عميله كانت عاوزة اعملها ايس كاب وقلتلها ساعتها ٢٥٠ ايم الخيط ما كان رخيص عن دلوقتى
ردت عليا ليه دة فى المحلات بأقل من كدة وهو شغل مكن يعنى يخلص فى نص ساعة
مش مقدرة تعب الشغل بالأيد
قدروا الهاند ميد و قدروا التعب علشان تخرج لكم قطعة منفردة مفيش زيها one piece
