01/11/2024
الزمن مش بيرجع..!
وأي قرار سابق أثر على حياتنا، الندم عليه، والوقوف عنده، وشغل البال في الحسرة على ملابساته خيبة وقلة حيلة ..وضياع.
القرار الغلط يتعالج بقرار صح، والماضي نرميه ورا ضهرنا ونرمي معاه أهله وناسه، ونبدأ صفحة جديدة، مش هكدب وأقولك على نضافة، أكيد أثر معارك الأمس هتفضل معانا، لكن العاقل اللي يحجمها، يعرف يعيش بيها، يحاربها بالانشغال في الحاضر، بأحلام جديدة، وتحديات جديدة، وأمل جديد.
الشمس هتطلع سواء حضرتك فتحت شباكك أو لا، والساعة هتمشي حتى لو وقفت العقارب، وانت الخسران الوحيد لو فكرت توقف عمرك عند لحظة بعينها.
شيل شيلتك.. وساعد نفسك.. وركز في اللي باقي..
واللي باقي كتير.. لو أحسنت الظن بالله.
