27/09/2026
لو محتاج تبعت صورة بطاقتك أو مستند أو صورة شخصية لحد وخايف إنه يحتفظ بالملف عنده على الجهاز أو ياخدله سكرين شوت أو يبعته لغيرك ففيه ميزة أمان متطورة ومدمجة جوه نظام المشاركة في الأندرويد بتشفر الملف وتمنع حفظه أو صور الشاشة وتخليه يختفي تلقائيا
ادخل على معرض الصور واختار الملف اللي عايز تبعته واضغط على مشاركة أو Share واختار Quick Share واضغط على الثلاث نقط فوق واختار تشغيل المشاركة الخاصة أو Turn on Private sharing وحدد وقت انتهاء صلاحية عرض الملف زي ساعتين أو يوم
أول ما تبعت الملف للطرف التاني النظام هيمنعه تماماً من أخذ سكرين شوت أو تسجيل الشاشة وهيلغي خيار إعادة التوجيه أو الحفظ في المعرض وبمجرد ما تنتهي المدة اللي حددتها، الملف هيتمسح تلقائياً من موبايله بدون أي أثر
أما لو بتستخدم آيفون فنظام أبل مفيش فيه ميزة مدمجة جوه نظام AirDrop لمنع السكرين شوت أو وضع تاريخ انتهاء للملفات المشاركة للأسف، والبديل الوحيد للمستخدمين هو الاعتماد على أداة (العرض لمرة واحدة) جوه تطبيقات التواصل زي واتساب وتليجرام
حيلة حماية جبارة وهتضمنلك خصوصية كاملة لملفاتك، ادخل جرب تبعت بيها ملفاتك دلوقتي وخليك في الأمان
