09/01/2026
أول ما تصحي من النوم تصلي ركعتين وتقولي أزكار الصباح ده هتطرد أي طاقه سلبيه موجوده فى البيت وهتفتح نفسك على شغل البيت
تشغلي الراديو على محطة القرآن الكريم وانتي في المطبخ هتديكي راحه نفسيه رهيبه
التلاجه أيدك فيها على طول بعد ما تخلصي المواعين بفوطه او قماشه نضيفه مبلوله بشوية أريال وامسحي التلاجه وطلعي أى حاجه ملهاش لازمه وبلاش الأكياس السوده اللي منطوره على الشبكه وفى باب التلاجه😂
البوتجاز يتمسح كل يوم بعد ما تخلصي الاكل ومتكسليش عشان الدهون متلزقش عليه
وبعد ما تخلصي البوتجاز بنفس الفوطه هتغسليها وتمشي على السيراميك اللي جنب البوتجاز كله عشان الزيوت
الحنفيات بردو يوميا هتدعكيها بعد ما تخلصي هتلاقيها دايماً بتبرق وتفتح النفس
هتدخلي ع الحمام يوميا الحوض والقاعده يتغسلوا بليفه لوحدهم غير ليفة المواعين وتلمعي المرايات وتروشي معطر وتخلي شقتك فٌله عشانك انتي عشان تحسي براحه نفسيه طول ما شقتك نضيفه هتبقي على طول مرتاحه وبالك مرتاح
غرفة الاطفال هتلمي اللعب كلها فى صندوق وتشليه ولما ييجوا يلعبوا فهميهم يشيلوا اللعب بعد ما يخلصوا وحاولي تكافئيهم بأي حاجه هما بيحبوها علشان يستمروا على كده .👌
تعالي بقى لأوضة النوم هقولك على كام حاجه أعمليها وانتي بتروقيها💥
هتبتدي الاول بالسرير متخليش ملاية السرير بالأسبوع متغيريهاش حتى لو نضيفه غيريها كل ٣ أو ٤ أيام بالكتير.
هويها كل يوم وخلي الشمس تدخلها ولمعي المرايه وأكنسيها وخلي صوت التنفيض الجيران تسمعه😂 حتى لو مفيش تراب التنفيضه ده بتخلي لو فيه أييييه فى شقتك هيهرب من الصوت ده ،
وبعد ما تخلصي خالص ولعي عود بخور ريحته حلوه كده فى الاوضه وخلي الشباك مفتوح لحد ما عود البخور يخلص
وبعدين أقفلي الشبابيك ومتسيبهاش مفتوحة
صلوا على النبي صلى الله عليه وسلم ❤️❤️
