20/05/2026
بما إن بفضل الله الشحنة خلصت فقبل ما تستخدموهم بالهنا لازم تعرفو إن
السدر بيتحط علي أرضية الرأس فقط هو شغله أصلا علي الفروة أو الجلد عموما علشان كده بنستخدمه ماسكات للبشرة وله وصفات سكراب كمان للجسم تحفة هبقي أنزلهالكم بإذن الله تحفففة اتعلمتها من ناس سعوديين المهم السدر ميتحطش علي الشعر بينشف الشعر جدااااا وغير مفيد للشعراية من أساسه شغله كله علي تنضيف الفروة وتهيأتها لإستقبال للي هتعمليه فيه بعد كده
حناء المدينة عاوزاها كعلاج لشعرك مش لون متخمريهاش أعجنيها بزبادي وزيت لوز أو أي زيت خفيف ومتحطيش مشاط هيديكي لون وحطيها وقت قليل واغسليها
أما لو عاوزاها لون حطي الزبادي معلقة مشاط كبيرة كام نقطة زيت شعرك بيحبه مش محتاجة تحطي ميه كركديه لأن المشاط فيه اوريدي وسيبيها تخمر عدد ساعات طووويل هديكي لون تحفة ولو علي حجر قرمز هيدي لون معاكي أحلي وأحلي وسيبيها علي شعرك أقل حاجة 4 ساعات وكلميني بقي علي اللون والتركيب
المشاط بقي حبيب قلبي أحمر أو أخضر ميتحطش علي الشعر آكتر من سااااعة واحدة فقط عن تجاااارب و داومي عليه وبإذن الله وبفضله شعرك هيتبدل حاله
أنا مردتش أشتغل في الحاجات دي غير لما أجربها فترة وأشوف نتيجة صدقيني لما أقولك عن تجربة
بحط عليه علبة زبادي بس علي معلقتين كبار أو تلاتة حسب طول شعرك وغلفي بيه الشعراية تمامااااا واعملي كده مرتين في الاسبوع وبعدها بشهرين مرة بس في الاسبوع
حاجة مهمة برده مشاط أو حنة أول غسلة ليهم تكون بلسم فقط وتاني يوم بشامبو وبعده بلسم
إن شاء الله أروق كده بس وهنزلكم حاجات كتير عن موضوع إهتمامك بالشعر ده علشان ننقذ ما يمكن إنقاذه 🫣🫣
