فاروز

24/04/2024

الشخص القادر على تقديم الدعم النفسي ..
هو الشخص اللي قادر يفصل نفسه ..
يعني ..

بيقدر ينفصل عن المجتمع واحكامه وعاداته وتقاليده ..

بيقدر وقت تقديم الدعم ان ينفصل عن حياته الشخصية بحلوها ومرها ..

بيقدر ينفصل عن شخصيته بقيمها ومبادئها واسلوبها في الحياة ..

بيقدر يلبس وقت الدعم شخصية المستمع المتقبل الداعم ( المتعاطف بقدر) وفقط ..

اذا مكنتش قادر تكون هذا الشخص ..
فأتمنى منك انك متفكرش تشتغل في احد مهن الدعم النفسي ..
لانك هتأذي الشخص طالب الدعم ..
وهتأذي نفسك ..

دمتم في سلام وطمأنينة





للتواصل وحجز الجلسات
واتس آب 1028133998

21/04/2024

انت مختلف ..
انت مش اقل من حد ..
ولا احسن من حد ..
انت مختلف يعني ..
مختلف في مواصفاتك الخارجية والداخلية ..
مختلف في قدراتك ..
مختلف في ارزاقك ..
مختلف في اقدارك وابتلاءاتك ..
والاختلاف فيك مقصود ..
ربنا خلقك مختلف لان دورك في الحياة مختلف ..
دورك اللي ربنا عايزك فيه مختلف ..

انت مش موجود في الدنيا ..
عشان تتفاخر بما آتاك الله من فضل ..
لانه ليس من فضلك ولكن بفضل الله عليك ..
او
عشان تفضل تقارن نفسك بغيرك ..
وتحس بالدونية لانك اقل ..
لانك مش اقل من حد ..

انت موجود ..
عشان تحقق مراد ربنا من خلقك ..
وبس ..
وبس ..
وبس ..

دمتم في سلام وطمأنينة




التواصل وحجز الجلسات
واتس آب 01028133998

11/04/2024

كل ما ادراكنا ووعينا بيزيد ..
كل ما تقبلنا لنفسنا وللآخر بيزيد ..
كل ما فهمنا لطبيعة الحياة بيزيد ..
كل ما كبر نفسنا واحساسنا اننا في حتة اعلى من الناس بيقل ..
كل ما رغبتنا في التنظير على غيرنا بتقل ..
كل ما رغبتنا في إظهار معرفتنا بتقل ..
كل ما رغبتنا على التنافس للفوز بالحوارات بتقل ..
كل ما رغبتنا للصعود على المسرح واظهار اننا الاعلم والافهم ،، بتقل ..

بتقل بمنتهى التقبل للآخر ..
بتقل بمنتهى الاريحية والسلام النفسي ..
من غير ما نحس بالنقص او بالهزيمة ..

دمتم في سلام وطمأنينة





للتواصل وججز الجلسات
واتس،آب 1028133998

26/03/2024

عايز تنهي علاقتك مع حد ..
مش بس تنهيها ..
عايز تضربها في مقتل ..
يعني مترجعش تاني ابدا ..

انتقده طول الوقت على الكبيرة والصغيرة واسخر من تصرفاته وقلل منه ..
كتر من اللوم ..
لومه على كل حاجة بيعملها سواء كان قاصدها او مش قاصدها ..
قارنه بناس تانية ووريله انهم احسن منه في نظرك ..
اوعي تتغافل او تتجاوز عن ذلاته ..
اوعى تقدر ظروفه ..
اوعى تقدره لما يعمل حاجة حلوة ..
صدرله الوش الخشب طول الوقت ..
اوعى تشجعه ..
اوعى توريله الحاجات الحلوة اللي فيه ..
ركز دايما على غلطاته ونقاط ضعفه وبروزهاله ..

صدقني مهما كانت قوة العلاقة بينكم ..
هتموت بالتدريج ومش هتصحى ..
إلا لو حاولت تنقذها قبل النفس الاخير ..
واجتهدت بصدق ..
ساعاتها بس ..
ممكن تنقذها ..

دمتم في سلام وطمأنينة





للتواصل وحجز الجلسات
واتس آب 1028133998
او على رسائل الحاص

08/03/2024

اكتر فخ مغري للوقوع فيه ..
فخ الضحية ..
انك تلاقي حاجة او حد ..
يفضل هو السبب في كل اللي بيحصلي ..
لولا الحاجة دي انا كنت عملت كذا وكذا ..
لولا فلان انا كنت حققت كذا وكذا ..
لولا هم انا كنت زماني في حال افضل ..

فخ مريح جدا للانتخة والكسل والتسويف ..
فخ هيريحلك ضميرك ..
ويخليك مستمر في خذلان نفسك ..
وانت بتعلق كل فشل وكل خسارة على شماعة تانية انت شايف ان ملكش يد فيها ..

وللاسف ده مش حقيقي ..
لاننا كلنا المسؤول الاول عن اعمالنا وخطواتنا وافعالنا وردود افعالنا ..
وفي كتابه العزيز سبحانه وتعالى قال :
"إن الذين توفاهم الملائكة ظالمي انفسهم قالوا فيم كنتم قالوا كنا مستضعفين في الارض قالوا ألم تكن ارض الله واسعا فتهاجروا فيها " ..

الافخاخ دي جزء من امتحانك في الارض ..
جزء من عقبات الطريق ..
اللي مش لازم ابدا تستسلم ليها وتقعد تغني ظلموه ..

لكن اعقلها وتوكل وكمل ..
استعين بالله وكمل ..
واقف وحقق اللي ربنا خلقك عشانه ..

دمتم في سلام وطمأنينة




للتواصل وحجز الجلسات
واتس آب 1028133998
او على رسائل الخاص

24/02/2024

يا ترى ايه البداية الجديدة اللي محتاج تاخد فيها خطوة ..؟
خد نية وتوكل على رب العالمين ..
وخد اول خطوة انهاردة ..

صباحكم سعادة ..

دمتم في سلام وطمأنينة




للتواصل وحجز الجلسات
واتس آب او رسايل الخاص 💚🌿

30/03/2019