18/05/2025
ركزي معايا ياست الكل انتي وهي🙈
قبل ما تيجي تحجزي معايا تبقي متأكده من الحجز مليون فالميه قبل ما اكتب الحجز ونسأل بابا وعمه وخالو واصحابنا والجيران لان بعد الحجز ممنوع الالغاء او التبديل لو حتي أقرب الأقربون مش هلغي لحد والعربون لايسترد ولكن لو ظرف طارق مثل حالة وفاه لاقدر الله بأجلك المناسبه لأي وقت فالسنه وطبعا معظم الاتليهات نظامهما ان العربون بيروح عليكي لكن انا لا أقبل اي فلوس مش من حقي ف ب أجل لأي يوم فالسنه غير كده ممنوع الالغاء نهائيا ولا التبديل لان حرفيا انا فموسم وبتوقفي حجز الفستان لحضرتك واوقات بيكون اتجهز فمش هلغي ولا هبدل لحد ابدا ومعاكي الوصل مكتوب فيه كده🙄
لو مدلونه متحجزييييش لو مدلونه متحجزييش 🛑🛑🛑
🛑اي مجموعه مكونه من ٢٠ فرد داخله تحجز فساتين اقسم بالله ما بيحجزوش😇😇😇 ليه تعملو فنفسكم كده بجد ليه تجيبي العيله كلها وانتي جايه تحجزي الاذواق مختلفه وحد بيقول اه وحد بيقول لا طب ليه تشوشي عقلك ما كفايه مامتك وصاحبتك او خالتك وخلاص ليه مرتبطين ببعض والعيله وبنات العيله كلها لازم فالحجوزات اقسم بالله الفستان بيبقي تحفه علي البنت وتطلع واحده خازوق تقولها مش حلو وتكرها فيه ليه يابنات بجد اوقات بتبقي مش عوزاكي احلي منها صدقيني وعن تجربه رابع سنه فالمجال عدا عليا اشكال والوان خليكي مفاجئه يا اوختي للكل مش لازم تختارو سوا 😂😂😅
الفساتين لو سمحتي تختاري اكتر ٣ فساتين عجبينك وتقيسيهم ولكن مش ٢٠ فستان يتقاس دا بيكون تشتت جامد ليكي وبهدله فالفساتين عالفاضي اختاري الي يناسبك وقيسيه لكن مش الي بيجي يقول مش هخسسر حاجه ان شالله اقيس الاتيليه كله 🤨دا ميرضيش ربنا يعني فليكي ٣ او ٤ فساتين قيسيهم وقارني منهم دا افضل ليكي والله 👍
🛑الي بيجي يتفرج او ياخد فكره مش لازم يقيس يا جماعه بدال مش هنحجز اتفرجي براحتك عالاتيليه كله ويوم الحجز وأما تجيبي مامتك والعيله ابقي قيسي براحتك لكن ليه نقيس ١٠ فساتين ونمشي وتاني يوم نقيس العشره تاني أدام مامتنا
واصحابنا ماهي مره وخلاص الجو حرر حتي 🙈😂
🛑البنات الي بتكون حجزه فعرض ال٣٠٠ مثلا الفستان قديم شويه انا طبعا بجهز الفستان بس اكيد مش هرجعه جديد انتي بتشوفي حالته وقت الحجز لو تمام نحجز لو مش مناسب نشوف الأحسن لكن طبيعي السعر بيكون علي حسب حالة الفستان واكيد لو لزق او خياطه او تجهيز الفستان وغسيل انا بعمله مبقصرش والله معاكم
🛑الاطفال يا جماعه والله انا بخاف عليهم من المرايا والكهرباء الي بيكون معاها أطفال يا تاخد بالها منهم يا اما تسبهم عند حد عما تيجي تحجز لكن حرفيا بشوف أمهات تسيب الاولاد وتنشغل بالحجز والمكان بيكون زحمه وفي كهربا وكده ناخد بالنا
🛑بالنسبه للعروض يا جماعه مفيهاش فصال نهائي حتي المعارف والحبايب وكله حرفيا انا منزله من تمن الفساتين والله عشان اعملكم عروض وافرحكم ب اسعار مش موجوده بره والله فمحدش يجي عليا لو سمحتو لاني ورايا التزامات برده ويارب دايما عند حسن ظنكم❤️
