GanChic

09/05/2026

💪🏻❤️“Afouteza é corazón”
Non é só un lema de fútbol⚽, é un xeito de vivir.
Afouteza é a valentía de seguir adiante sen medo, a seguridade en ti mesma, a coraxe sen arrogancia.

Quen o levará é unha muller leonesa de nacemento pero viguesa de adopción que aplica ese lema á súa vida enfrontándoa sen medos.
🎁 Foi un encargo feito pola súa irmá para agasallala no seu aniversario🎂 e que eu fixen con moito agarimo. 💙

03/05/2026

En cada avoa hai unha historia, un abrazo🤗 que acouga e unhas mans que coidan sen medida.

Este Día da Nai🧑🏻‍🍼 quero render homenaxe a elas, ás avoas, raíces de amor que sosteñen toda a familia.

Creei esta pequena colección de cinco colares, cada un coa súa esencia, como cada avoa: única, forte e chea de luz💡.

Un detalle para agradecer, para lembrar, para levar sempre preto.
Porque o amor dunha avoa… non se esquece nunca 💛

30/04/2026

🌿 "Avoa Celina" 🌿
A avoa que nos ensinou a terra
criou os seus cinco fillos coa 💪🏻forza das mulleres galegas.

O máis pequeno, o meu home, herdou dela a paixón pola terra e pola natureza.🌳🌾
Esa mesma paixón💚 foi a que nos transmitiu a nós, á súa familia.

Nos seus últimos anos, cando a memoria esvaecía e as súas conversas perdían ás veces o fío, facíanos rir e era pura ternura 🥹.

Este colar, o último da colección **Avoas**,feito coas cores da terra, leva esa herdanza viva: traballo,natureza e agarimo.💚



emocional

24/04/2026

**Tía Julia*
Miña tía Julia segue vivindo no recordo e no corazón.

🌟Foi luz, foi tenrura, foi cariño sen medida.Tamén foi unha guerreira💪🏻 co que lle tocou vivir.

Para os meus fillos foi a súa terceira avoa, e por iso este colar tamén leva o seu lugar na colección "Avoas"🧓

💮O rosa fala dela: da súa dozura, da súa inocencia, da súa forma tan pura de querer.

Unha homenaxe pequena, feita con amor inmenso. 💗



  PezasConHistoria

04/04/2026

🔥 Chama Interior
Fora da colección "Avoas" este colar naceu como un encargo moi especial para a miña prima, e por iso leva unha enerxía distinta, máis íntima e máis persoal.

🌋Hai luces que dormen na terra ata que algo as esperta. Este colar quere lembrar esa chama que cada persoa leva dentro: calma, equilibrio, ☯️yin e yang, presenza e raíz.

E tamén é unha maneira bonita de dicir que cada peza pode nacer dun 🥹recordo, dunha 💡idea ou dun desexo compartido.

Porque sí, tamén fago colares por encargo, con alma e con historia. ✨

15/03/2026

16/02/2026

**Avoa Amparo**
🧓A miña avoa Amparo non era muller de moitas falas pero soubo,como ninguén, criar unha familia unida arredor da súa cociña de ferro.

🌳O colar do seu nome, que tamén é o meu, leva no seu corazón a imaxe da miña avoa sentada debaixo dun carballo, tecendo un 👒sombreiro de palla, gardando as vacas nos prados verdes de Silleda.

🍒O recendo das cereixas maduras, o son do vento na herba e o calor das noites de inverno arredor desa cociña de ferro... todo iso vive nestes fíos cor palla e verdes.

**Avoa Amparo** é máis ca un colar: é un graciñas ás avoas que teceron vida con paciencia, agarimo e historias que quentan a alma. 💚✨

16/01/2026

**Avoa Consuelo**

✨A avoa Consuelo era luz pequena e constante.
Alegre, faladora, contadora de contos, capaz de encher unha tarde cunha canción o unha lembranza.

Cando os pés no na levaban lonxe, eran 🤲🏻as súas mans as que apuraban a facer colchas, pañitos , coxíns...

Ría moito.😄
E comigo falaba de mozos
sen présa, sen xuízo,
só coa dozura de quen te entende.

Este colar leva o seu nome
porque tamén quere cantar baixiño, acompañar,
e gardar segredos🤫

11/01/2026

🧶Cada vez que fago algo coas mans, é coma se as súas volveran vivir nas miñas.

Unha tecía colchas de cores,🛏️ coxíns e paniños, e deixaba que o silencio falase entre fíos.
A outra facía sombreiros 👒de palla que gardaban o sol do verán.

Na casa dunha, o pan🥖 sabía a mañás lentas e a forno aceso.
Na da outra, as cereixas🍒 dicían que xa era verán.

Entre cociñas de ferro, risas baixas e xeitos herdados, naceu esta colección.
🧓Chámase **Avoas**, porque leva un anaco delas… e tamén de min.