11/02/2020
#მერილაინიიუბილარია
#მოდა #სტილი #დიზაინი
დღეს, 10 თებერვალს ერთი წელი შესრულდა, რაც თბილისში დაარსდა მოდის პატარა კერა, ატელიე
" მ ე რ ი ლ ა ი ნ ი".
ატელიეს არსებობა აღნიშნული სახელით ჯერ მცირე ასაკისაა, თუმცა დამფუძნებელი და ხელმძღვანელი ქალბატონი მერი ალადაშვილი, როგორც მან აღნიშნა ათეულობით წელია ამ საქმეს წარმატებით და ნაყოფიერად ემსახურება.
არ მალავს, რომ თავად 80 წლისაა და აქტიურ საქმიანობას ეწევა.
ქალბატონ მერი ალადაშვილთან საუბრისას ბევრი რამ მისი ძვირფასი საქმიანობის შესახებ შევიტყვე და მინდა საზოგადოებასაც გაგიზიაროთ, მაგალითად ის, თუ როგორ შეიძლება გახდეთ წარმატებულები,
ის ,რომ ასაკს არასდროს არ აქვს მნიშვნელობა,როცა საკუთარი იდეების სათავე ხელთ გიპყრია და ისიც, თუ როგორ გახდე სხვისთვის სარგებლისმომტანი.
🔲❗❓მინდა დიალიგი გავასაჯაროვო.
🔹️ ქ.ნ მერი, რამდენი წელია ემსახურებით ამ ძალიან მნიშვნელოვან და საჭირო პროფესიას?
🔸️ 30 წლიდან თბილისის პედაგოგიურ ინსტიტუტში დავიწყე მუშაობა შრომის მასწავლებლად. ბევრს ვშრომობდი ბავშვებთან.
როცა ვიგრძენი, რომ მზად ვიყავი იმისათვის, რომ ცალკე ვითარებაშიც მემუშავა მათთან, ბავშვები ოჯახში მომყავდა და იქ ვასწავლიდი ჭრა-კერვისა და მოდის ხელოვნებას. 2000 წლამდე რუსთავში ვცხოვრიბდი.
🔹️ როგორც ვიცი, წიგნიც გამოეცით ამ ხელსაქმის გზამკვლევად, ეს წიგნი ხელმისაწვდომია ნებისმიერი მსურველისთვის, თუ მხოლოდ თქვენი მოსწავლეებისთვისაა განკუთვნილი?
🔸️ იმ დროს შრომითი სწავლებისათვის არ იყო ლიტერატურა, ვსწავლობდი რუსულიდან და ფრანგულიდან. ჩავთვალე საჭიროდ, რომ ქართულ ენაზე უნდა ყოფილიყო წიგნი, რომელიც გაუმარტივებდა ჭრა-კერვის შესწავლის მსურველ და არა მხოლიდ დამწყებთ მუშაობას. ამის შედეგად შეიქმნა წიგნი, რომელზეც 3 წელი ვმუშაობდი. შვილი კომპიუტერულ გრაფიკაზე მუშაობს და იგი დამეხმარა წიგნზე გრაფიკულ მუშაობაში.
დღეს კი ეს სახელმძღვანელო ძალიან მნიშვნელოვანი ატრიბუტია მათთვის, ვინც ამ პროფილით მუშაობს.
ამ წიგნში არის მაღალი ბრენდის მოდელირებები. მე კი ვასწავლი შანელის კაბას.
🔹️ მამაკაცები, ვაჟები თუ გყავთ მოსწავლეები, რამდენად ინტერესდებიან ამ პროფესიით?
🔸️ რა თქმა უნდა მყავს და არა ერთი.
ეთნიკურად სომეხი ახალგაზრდა ბიჭი მყავდა სახელად ერიკ, რომელსაც დღეს უკვე საკუთარი ხაზი აქვს, სპორტულ ტანსაცმელს აწარმოებს.
🔹 ️როგორ ფიქრობთ ეს სახელმძღცხნელო არის თუ არა საკმარისი თვითსწავლებისათვის, სიახლეს ხომ არ გეგმავთ ამ მხრივ?
🔸️ მალე გამოვა წიგნი "ტანსაცმლის ტექნოლოგიური პროცესების თანამიმდევრობა", ახლა ამ წიგნზე მუშაობის პროცესში ვართ.
🔹️ როგორც შევიტყვე, თქვენ საქველმოქნედო პროექტებსაც აწარმოებთ, რა შეგიძლიათ გვითხრათ ამის შესახებ?
🔸️ ინოვაციური პროექტი იყო, როცა ბოლო დროს რუსთავში გავმართეთ ჩვენება სპეციალური საჭიროების მქონე ბავშვებისთვის, ჩვენი ხარჯებითა და მასალით შევქმენით მოდელები და ეს სამოსი მოვარგეთ აღნიშნულ ბავშვებს.
არაჩვეულებრივი დღე იყო, ძალიან გაიხარეს ამ საჩუქრებით და შემოქმედებითი დღით.
ასევე , 12 იანვარს უპატრონო ბავშვებს ჩავაცვით ჩვენი სამოსი.
იგეგმება მორიგი საქველმოქმედო პროექტიც.
🔹️ თქვენი ტიტულებიც მაღალ საფეხურებზე მეტყველებენ როგორც ვიცი....
🔸️ დიახ!
მაქვს მეთოდისტი მასწ.წოდება.
წლის მასწ.წოდება.
საუკეთესო მასწ. წოდება.
კვალიფიკაცია პირველი კატეგორიით.
და ა.შ
🔹️ "მერილაინი"-ს სასწავლო ცენტრში რამდენ ხანში შეისწავლის დაინტერესებული მოსწავლე ამ ხელოვნებას, რომელიც მხოლოდ ვარკეთილის მეტროსთან სავაჭრო ცენტრ "ფენიქსში" მდებარეობს?
🔸️ სასწავლო კურსი 6 თვიანია, 24 საათი თვეში.
დიდი მადლობა ამ არაჩვეულებრივი დიალოგისთვის.
გილოცავთ იუბილეს!
აქვე მადლობას ვუხდი დიზაინერს ეკა მარშანიას საინტერესო ქალბატონის გაცნობისთვის.
ნათია ჯიმშელეიშვილი
10.02.2020
