Juggling Parent 萬能家長

02/07/2025

小星星愛心傳遞到校義剪活動今日順利完成，成功位38位同學仔剪個靚髮型🩷

今日有位義工提及，成功為一位非常敏感的孩子剪頭髮後，孩子送佢一個擁抱，義工覺得自己能夠幫到孩子，佢當刻非常感動，這刻小星星愛心傳遞聽到義工這一番心聲，内心都非常感動💕💞✨

尋常人係唔會明白特殊孩子剪髮係可以有幾大嘅困難，就算同係特殊孩子家長，但你嘅小朋友對剪髮沒有敏感反應，你亦不會明白不能在當中。只有一同在這難關上的家長及孩子，才會明白剪髮對孩子的災難性及痛苦⭐🌟✨

這段日子一班義工為特殊寶寶剪髮幫助孩子解決佢哋面對嘅困難，同時孩子亦化身小導師，讓義工家長們更了解更明白特殊寶寶所面對的困難及感統上面與常人的不同，大家就是從這裏開始互相認識，互相學習慢慢建立情感。當中讓本來在社區上互不相識的一衆，變成在對方生命中的一位，這亦是一場社區上的共融教育🩷🩵💛🧡

特別鳴謝萬能家長義剪團隊七位義工刀手今日到場全力支援，小星星恆常義剪活動已經有六七個年頭，義工一個感染一個，大家憑著單純對孩子的愛去感動一班新義工一直的加入，年中無憂毫不吝嗇用放假嘅時間，或者請遲半天工作百忙抽空一齊幫忙，所為的就是希望幫助這一班人生已經面對重重困難的孩子，用愛和耐心與孩子攜手一起克服這個難題，小星星愛心傳遞在此再次感謝多年來一起並肩的萬能家長義工們，Thank you so much🩷🩵💛

20/03/2025

小星星愛心傳遞到校義剪昨日順利完成，成功為一班中度智障外出剪髮困難的同學仔剪個清爽髮型迎接春天潮濕天氣🩷

因為觸感聲音等等的過敏問題，好多自閉症孩子對於剪髮都會表現焦慮以及拒絕，義工們亦都好有豐富經驗知道如何幫孩子克服，為咗驚電產聲音的星兒添置靜音電鏟，有些靜音電剷都唔得的我哋用較剪，唔怕要用多幾倍甚至十倍時間剪一個髮，只係希望孩子由抗拒慢慢變成接受克服障礙，在此感謝每一位義工的用心以及耐性及愛心，thank you🩷

特別鳴謝萬能家長義剪團隊七位師傅到場全力支援，唔該曬大家🩷

22/11/2024

小星星到校義剪活動今日順利完成，成功為43位同學仔剪個靚髮型迎聖誕🩵🩷💛

今日亦邀請咗學校嘅家長一齊做義工，讓家長們除咗認識自己孩子需要之外，亦學習認識其他孩子嘅需要，當中更能夠為群體作出貢獻及幫忙，very good🩷💛🩵

今日繼續感謝一直並肩作戰的萬能家長義剪團隊，六位刀手到場全力協助，每一位義剪刀手除了付出寶貴時間之外，更付出了無限的愛及關懷，thank you everybody💛🩷🩵

今日活動順利完成，各位同學仔有機會下一次再見💞💕

11/07/2024

今日小星星到校義剪活動成功完成，感謝萬能家長義剪團隊六位師傅到場全力支援🤗

34位同學仔成功剪去一頭厚髮清清爽爽迎接暑假，當中見到有同學仔剪完頭髮摸摸個頭笑得好開心，係呀係呀天氣太熱呀，而家清爽舒服咪開心囉🤗

今日係今個學期最後一次剪髮活動，當中有同學仔畢業喇，祝福大家離校之後繼續天天進步，各位同學仔新學期再見，各位義剪師傅大家都係新學期再見啦，到時大家再一起繼續為同學仔們三千煩惱絲努力努力🤗

31/05/2024

今日小星星愛心傳遞繼續到校義剪服務，成功為31位同學仔剪個靚髮迎接炎炎夏日🤗

今日亦有第一次參與剪髮的一年班同學仔，特殊寶寶好多感覺過敏嘅情況，先聯絡感情建立信任，同學仔同義工先互相摸摸頭梳梳頭，剪髮布先冚大髀，慢慢接受唔使急💪🏻

特別鳴謝萬能家長義剪團隊六位師傅到場全力支援，以細心愛心耐心令每一位同學仔們安心接受剪髮服務💕

每個小朋友由抗拒到接受剪髮所需嘅時間都唔同，今日每個同學仔都好叻叻呀，大家繼續加油，下一次再見🩵🩷

21/04/2024

風雨無阻，今日繼續為小星星們剪個靚髮，感謝萬能家長義剪團隊四位師傅全力協助，成功為22位小星星剪個靚靚髮型🤗

小星星剪頭髮從來都不簡單，每一場恆常剪髮活動，就是希望孩子們能在每一次體驗中逐漸適應，每一次一小進步，希望成就孩子們將來能夠同家長獨自外出剪髮，小豆釘們每一位都好努力，大家一起繼續加油加油🤗

08/03/2024

今日第一場活動到校義剪順利完成，成功為35位同學仔剪個靚髮，特別鳴謝萬能家長義剪團隊5位師傅到場全力支援💓

今日亦有第一次剪頭髮嘅同學仔，義工們都好溫柔陪佢哋慢慢熟習，當中有位同學仔高度敏感以及焦慮，其中兩位義工花時間陪佢坐一段時間聯絡感情，之後獲取信任後一位義工負責攞iPad俾小朋友睇，小朋友手托住頭挨在另一位義工大腿上睇 iPad，義工就慢慢輕巧地幫佢完成剪髮💜

今日每位同學仔都好叻叻啊，大家下一次再見💚

11/01/2024

今天的義剪服務在將軍澳愛培學校為38個學生提供免費剪髮服務.

小星星到校義剪活動今日又一次順利完成，感謝萬能家長義剪團隊五位師傅到場全力支援， thank you💌

今日成功為38位同學仔剪個靚髮迎新春， 當中一位同學仔經過多次體驗後，今日能夠坐定定完成整個剪髮程序，此番情景看在每位義工眼内大家都好鼓舞好感動💌

一個簡單的剪髮對於有各樣 觸感過敏的孩子來說一啲都唔簡單，感恩能夠沿路陪著你們一起去體驗一起去克服💌

10/12/2023

10/12 義剪活動

今日第一場活動為來自十八區的22位小星星們成功剪個靚髮💌

今天一位第三次嚟剪髮高度敏感的孩子， 在父母們的努力及孩子對師傅的信任下， 一次比一次做得好，每次看見孩子們的努力， 看見家長們所發出的喜樂，看在每位義工師傅眼內都好感動💟

感謝萬能家長義剪團隊5位 師傅到場全力支援，感謝天父給機會我們與每個家庭同行，一同克服一個又一個的困難， 爸爸媽媽們和孩子們你們是最棒的💟

09/11/2023

三千煩惱絲話咁快又快速長成，剪頭髮確實是不能夠拖延的事情，今日小星星到校剪髮服務繼續順利完成，成功為37位同學仔剪個靚髮迎初冬💞

特別鳴謝萬能家長義剪團隊四位心慈貌美 女師傅到場全力支援，亦感謝兩位家長義工到場幫忙🥰

今日剪髮活動順利完成，同學仔們下一次再見🤗

01/11/2023

31/10 在明愛樂群學校義剪活動.

22/10/2023

🍁小星星剪個靚髮迎深秋活動今日順利完成，特別鳴謝萬能家長義剪團隊五位師傅今日到場全力支援🥰

今日其中一個小妹妹上次要媽媽抱住今次已經可以自己坐定定，叻叻呀💟

特殊寶寶好多 旁人覺得生活必須的事情亦會面對好多困難，有困難唔使怕唔需要徬徨，小星星愛心傳遞會陪著你走💕