Bidkin DMIC, AURIC City, Chhatrapati Sambhaji Nagar

20/07/2026

Soil test at Ekod-Pachod for Karmad-Bidkin-Dhoregaon Greenfield Expressway.!

19/07/2026

ऑरिक या जागतिक दर्जाच्या औद्योगिक शहरामुळे बिडकीन आणि शेंद्रा परिसरातील जमिनींना आता सोन्याचे भाव आले आहेत. नुकत्याच पार पडलेल्या ऑरिकच्या ई-लिलाव प्रक्रियेत समोर आलेल्या आकडेवारीवरून बिडकीन औद्योगिक क्षेत्रातील भूखंडांसाठी उद्योजकांमध्ये मोठी चुरस निर्माण झाल्याचे स्पष्ट झाले आहे.

या लिलावात पूर्वी एकरी २३ लाख रुपयांनी संपादित केलेली जमीन आता प्रति चौरस मीटर १० हजारांपर्यंत पोहोचली आहे. दरम्यान, औद्योगिक क्षेत्रासाठी जमीन देणाऱ्या शेतकऱ्यांना मोबदला म्हणून एकूण जमिनीच्या १५ टक्के भूखंड मात्र एकरी २३ लाखांच्या दरानेच मिळणार आहे.

ऑरिक प्रशासनाने औद्योगिक वाणिज्य आणि निवासी भूखंडांसाठी १३ एप्रिल २०२६ रोजी जाहिरात प्रसिद्ध केली होती. या संपूर्ण प्रक्रियेत प्राप्त झालेल्या अर्जांवर आणि बोलींवर १४ जुलै रोजी झालेल्या बैठकीत अंतिम निर्णय घेऊन बिडकीन गुंतवणुकीचे मंजुरी देण्यात आली.

-दिव्य मराठी

18/07/2026

शेंद्रा–बिडकीन ग्रीनफिल्ड महामार्ग : विकासाचा नवा कॉरिडॉर

महाराष्ट्र शासनाने २५ जून २०२६ रोजी राजपत्राद्वारे छत्रपती संभाजीनगर DMIC नोड-१ करमाड–बीडकीन (३२ किमी) आणि बीडकीन–ढोरेगाव (३५.८० किमी) असा एकूण ६७.८० किमी लांबीचा नवीन ग्रीनफिल्ड राज्य महामार्ग (राज्य महामार्ग क्र. ६१३) अधिसूचित केला आहे. या मार्गासाठी छत्रपती संभाजीनगर, गंगापूर आणि पैठण तालुक्यातील ४६ गावांमधील सुमारे ४४० हेक्टर जमीन संपादित केली जाणार आहे.

हा महामार्ग केवळ नवीन रस्ता नसून, छत्रपती संभाजीनगरच्या वाहतूक, उद्योग, लॉजिस्टिक्स आणि भविष्यातील शहरी विस्ताराचा पाया ठरू शकतो. शहरावरील वाहतुकीचा ताण मोठ्या प्रमाणात कमी होणार
आज मराठवाडा, विदर्भ, जालना, परभणी या भागातून पुणे, सातारा, कोल्हापूर, सांगली किंवा पश्चिम महाराष्ट्राकडे जाणारी बहुतांश वाहने छत्रपती संभाजीनगर शहर, बीड बायपास, एनएच-५२ आणि वाळूज मार्गे जातात. त्यामुळे शहरातील औद्योगिक आणि नागरी वाहतुकीवर मोठा ताण निर्माण होतो. नवीन ग्रीनफिल्ड महामार्गामुळे ही वाहने शहरात प्रवेश न करता थेट बिडकीनमार्गे पुण्याकडे वळतील. त्यामुळे शहरातील जड वाहनांची संख्या मोठ्या प्रमाणात कमी होण्याची शक्यता आहे.

- वेळ आणि इंधनाची मोठी बचत
सध्या शेंद्रा किंवा वाळूज औद्योगिक क्षेत्रातून पुण्याकडे जाण्यासाठी शहराच्या बाहेर पडून बीड बायपासमार्गे एनएच-५२ पकडावा लागतो. हे अंतर 64 किमी असून, या प्रवासाला वाहतुकीनुसार किमान दोन तास लागू शकतात. ग्रीनफिल्ड महामार्ग सुरू झाल्यानंतर शेंद्रा करमाड परिसरातून पुणे महामार्गावर पोहोचण्याचे अंतर सुमारे ६८ किमी असून, हा प्रवास सुमारे एक तासात पूर्ण होण्याची शक्यता आहे. त्यामुळे मालवाहतूक, उद्योग आणि प्रवाशांचा वेळ तसेच इंधनाची बचत होईल.

- छत्रपती संभाजीनगरसाठी बाह्य रिंगरोडची भूमिका
हा महामार्ग प्रत्यक्षात शहरासाठी Outer Ring Road प्रमाणे काम करेल.
शेंद्रा, बीडकीन, DMIC आणि AURIC परिसरातून विदर्भ, उत्तर भारत किंवा पूर्व भारताकडे जाणारी वाहने शहरात न येता थेट नवीन मार्ग वापरू शकतील. तसेच जड मालवाहतूक शहराबाहेर राहिल्याने वाहतूक कोंडी, प्रदूषण आणि अपघातांचे प्रमाण कमी होण्यास मदत होईल.

- उद्योगांसाठी मोठा गेमचेंजर
शेंद्रा MIDC, ऑरिक शेंद्रा- बिडकीन, वाळूज एमआयडीसी आणि परिसरात मोठ्या प्रमाणावर उद्योग येत आहेत. यामुळे हा शहराचा पूर्व-दक्षिण-पश्चिम परिसर उत्पादन केंद्र म्हणून विकसित होत आहे.

महामार्गामुळे उद्योगांना मिळणारे फायदे:
- पुणे व मुंबई बंदरांशी जलद संपर्क
- कंटेनर वाहतुकीचा कमी खर्च
- लॉजिस्टिक्स वेळेत घट
- निर्यातक्षम उद्योगांना चालना
- नवीन वेअरहाऊस आणि लॉजिस्टिक्स पार्क उभारणी
- ओपन ॲक्सेसमुळे रिअल इस्टेटला चालना

ग्रीनफिल्ड महामार्गाला योग्य ठिकाणी Open Access उपलब्ध झाल्यास महामार्गालगतच्या परिसराचा चेहरामोहरा बदलू शकतो.
यामुळे:
- नवीन निवासी टाउनशिप
- व्यावसायिक संकुले
- वेअरहाऊस
- लॉजिस्टिक्स हब
- फूड प्लाझा आणि पेट्रोल पंप
- MSME औद्योगिक पार्क

यांसारख्या प्रकल्पांना मोठी चालना मिळू शकते. विशेषतः शेंद्रा–बिडकीन दरम्यानचा पट्टा भविष्यात शहराच्या विस्ताराचा नवा विकास कॉरिडॉर बनू शकतो.

- निखिल भालेराव

16/07/2026

16/07/2026

आरापूरमध्ये मोबदल्यावरून अडल्याने बिडकीनमध्ये उद्योगांसाठी जागेचा शोध.!!

आरापूर औद्योगिक वसाहतीसाठी काही भागाची मोजणी पूर्ण झाली असली, तरी जमिनीच्या दराबाबतची कोंडी अद्याप कायम आहे. त्यामुळे आरापूरला जमीन मिळाली नाही, तर बिडकीन परिसरात जागा घेण्याच्या पर्यायावरही एमआयडीसी विचार करत आहे.

त्यासाठी प्रशासनाने बिडकीन येथे पाहणी केल्याची माहिती विश्वसनीय सूत्रांनी दिली. ऑरिक सिटीच्या पहिल्या आणि दुसऱ्या टण्यासाठी आतापर्यंत एकूण १० हजार एकर जमीन संपादित करण्यात आली आहे. बिडकीन औद्योगिक पट्ट्यातील वाढती मागणी लक्षात घेता, एमआयडीसी आणि सरकारने आणखी ५ ते ८ हजार एकर नवीन जमीन संपादित करण्याची प्रक्रिया सुरू केली आहे.

पुढील टप्प्यासाठी बिडकीनलगतच्या प्रामुख्याने चित्ते पिंपळगाव, चितेगाव, खोडेगाव, घारदोन, घारदोन तांडा, गाडीवाट व बिडकीन परिसरातील इतर लगतच्या क्षेत्राचा समावेश आहे. आता या ठिकाणी एमआयडीसी जमिनीचा पर्याय शोधत आहे.

-दिव्य मराठी

15/07/2026

छत्रपती संभाजीनगर ऑरिक सिटी बिडकीन औद्योगिक क्षेत्रासाठी जमीन देणाऱ्या शेतकऱ्यांना मोबदला म्हणून महाराष्ट्र इंडस्ट्रियल टाऊनशिप लिमिटेड (एमआयटीएल) कडून हक्काचे औद्योगिक भूखंड देण्याची प्रक्रिया सुरू आहे.

सध्या प्रशासनाकडे २ हजारांवर प्रकल्पग्रस्तांचे औद्योगिक भूखंडांसाठी अर्ज आले आहेत. मात्र, पर्यावरणाची हानी टाळण्यासाठी, तसेच परिसरातील नागरिकांच्या आरोग्याच्या सुरक्षिततेसाठी येथे आम्ल, स्फोटके आणि वायू (गॅस) निर्मिती या प्रकारात मोडणारे धोकादायक उद्योग उभारता येणार नाहीत.

यासंदर्भात पर्यावरण आणि रहिवाशांच्या सुरक्षिततेसाठी एमआयटीएलकडून कडक नियमावली जारी करण्यात आली आहे.

-दिव्य मराठी

13/07/2026

दिल्ली-मुंबई इंडस्ट्रियल कॉरिडॉर अंतर्गत ऑरिक स्मार्ट इंडस्ट्रियल सिटीचा विस्तार आता वेगाने होत आहे. उद्योगांची वाढती संख्या, देश-विदेशातून येणारी मोठी गुंतवणूक आणि भविष्यातील पाण्याची गरज लक्षात घेऊन जायकवाडी धरणातून बिडकीन औद्योगिक क्षेत्रासाठी ७२ एमएलडी (दशलक्ष लिटर प्रतिदिन) पाणी राखीव ठेवण्यात आले आहे.

या पाणीपुरवठ्यासाठी जायकवाडी ते बिडकीन ९०० मि.मी. व्यासाची जलवाहिनी टाकण्याचे काम अंतिम टप्प्यात आहे. बिडकीन डीएमआयसी क्षेत्र भविष्यात औद्योगिक, निवासी आणि व्यावसायिकदृष्ट्या पूर्ण क्षमतेने कार्यान्वित झाल्यानंतर लागणारी पाण्याची मोठी गरज या योजनेमुळे पूर्ण होणार आहे.

-दिव्य मराठी

10/07/2026

JSW’s upcoming EV Truck reach at Bidkin DMIC, AURIC City, Chhatrapati Sambhaji Nagar