19/08/2026
معلومات يمكن تعرفوها بس الميعرفها خلي افيدكم بيها بحكم تجربتي ،
بنـات اني عن نفسي من قبل بشرتي جدا حساسة ومجرد انقهر تطلعلي حبة
بس اول فترة بالحمل بشرتي انهارت خاصة اول اربع اشهر كمت اخاف اباوع ع روحي حتى مااركز اكول بلكت تروح ، كتبتلي الطبيبة كريم سيكيورين بصراحة ملتزمت بيه ابدا يوم احط واسبوع لأ ،خفت منة مع العلم الطبيبة كتبتة 🥲
الى ان اقتنعت اعوفة ومااحط شي ع وجهي هدأ نوعا ما ورد رجع بس عالمرة بلشت اخلي الكريم وبصراحة كلش فادني صح النتيجة تطول بس ينطي فائدة الف الحمدلله ، اما موضوع البچي والحساسية المفرطة الصارت عندي مو طبيعية بجي ليل نهار ومنهارة بس دمووع 🤣 ابتعدت عن هوايا اشياء حتى الشغل وصرت مااحب الطلعة ولا الاختلاط اريد انام او ابجي 🌚
بس عشت التجربة مكذبت ع نفسي ومبقيت اخفي احساسي بالعكس اي شي احسة ابينة ، فقدت الشغف وواهسي كلش بس ع غفلة يجيني الهام اريد اضحك واطلع او اسوي شغل يعني الحلو انه صح نوكع بس نفسنا الحمدلله تساعدنا نكوم ونرجع طبيعي ، كل شي يمر عيشوا بس اهم شي لتبقون مستمرين ولتخافون من شي دام الله وياكم وحاميكم طول الوقت اني احجي ويا رب العالمين وحدة احن عليكم من كل شي خلوا ايمانكم قوي بربي حبيببي والصعب يعدي ويصير احلى من العسل ،
اهم شي اتمنى الحوامل الله يكومكم بالسلامة والتنتظر هالشي الله يرزقكم لذة الشعور ويعوظكم خير ، ولك بنية جميلة يارب نصيب حلو يسعدج ويشوفج الدنيا وردية
