Bufanda by reem

Bufanda by reem Contact information, map and directions, contact form, opening hours, services, ratings, photos, videos and announcements from Bufanda by reem, al madineh al monawarah Street, Amman.

مهارات و حرف بأيدي مُحبة✂️
مدربة متخصصةو معتمدة في الفنون اليدوية🎨
ورش تعليمية وجاهياً و اونلاين💻
لان الابداع هو حياتنا❤️

https://www.instagram.com/bufanda_by_reem?igsh=Y2k1Mm9md3k4ZzYx&utm_source=qr

19/08/2026

بتعرفي ليش أحيانًا المقص اللي عندك ببطل ماضي، حتى لو كان نوعيته ممتازة؟ ✂️👀

لأن المقص إله استخدامه، ولازم نحافظ عليه بنفس الاستخدام 🤍

✂️ مقص الورق → يضل للورق
✂️ مقص الخيوط → يضل للخيوط
✂️ مقص القماش → يضل للقماش

لأنه مهما كانت جودة المقص ممتازة، لما نغيّر طبيعة الأشياء اللي عم نقصّها فيه، ممكن مع الوقت يخرب ويخسر حدّته.

وإذا حسّيتي إن المقص بطل ماضي مثل الأول، في طريقة بسيطة ممكن تساعد ترجعله حدّته:
مرّري الشفرة بلطف على طرف كاسة قزاز أو طرف صحن بورسلان، وبعدين جرّبيه ✨

وأهم نصيحة: خصصي لكل نوع شغل مقصه، وحافظي عليه… وراح يضل معك ماضي لفترة أطول 🤍✂️

احكيلي… كنتِ تعرفي هالمعلومة من قبل؟ 👀

هذا بوست سريع عملتلكم ياه عشان أساعدكم باختيار أنواع الخيوط المناسبة للشناتي 🧶👜✨طبعًا اختياراتي هون مش قاعدة ولا إشي إجب...
18/08/2026

هذا بوست سريع عملتلكم ياه عشان أساعدكم باختيار أنواع الخيوط المناسبة للشناتي 🧶👜✨

طبعًا اختياراتي هون مش قاعدة ولا إشي إجباري، هي ببساطة الأنواع اللي بنصحكم فيها وبشوف إنها بتعطي نتيجة حلوة ومناسبة لكل تصميم.

وبالنهاية، إنتِ حرة تختاري الخيط اللي بتحبيه حسب ذوقك، شكل الشنطة اللي بدك تعمليها، والنتيجة اللي بتتخيليها 🤍

وتذكري دايمًا…
الكروشيه فن، والفن ما إله قواعد. 🎨🧶

وأحلى جزء بالفن إننا أحيانًا نكسر القواعد، نجرب، نخلط خامات وألوان مختلفة، ونحط بصمتنا الخاصة على كل قطعة بنعملها ✨

فلا تخافي تجربي… يمكن أجمل شنطة تعمليها تكون من اختيار ما كان موجود بالقواعد أصلًا! 🩷

15/08/2026

إذا إنتِ أم، أكيد بتعرفي قديش كلمة «وقت فراغ» صارت عملة نادرة 😂❤️

عشان هيك عملناها أونلاين وبوقتك إنتِ…
مش لازم تفضّي يوم كامل، ولا تلتزمي بموعد حصة، ولا توقفي كل شي عشان تتعلمي 🥹✨

تخيّلي تعملي كل هدول بإيدك… بدون سنارة، بأصابعك بس! 😳🧶

وخلال تقريبًا ١١ ساعات تعلّم، رح تبدئي من الصفر وتوصلي لأول دمية من شغلك بإيدك ❤️

وبالدورة رح تتعلمي:
✨ كيف تقرئي باترونات الكروشيه وتطبقيها على خيوط البافي
🎨 كيف تدمجي الألوان والخيوط بطريقة مرتبة واحترافية
🧵 تجميع الدمى بطريقة دقيقة
🌸 تطبيق قانون الدائرة وعمل مفرش الورد
🧶 Granny Square بالأصابع، ومنه بتفتحي باب لشغل كثير: شالات، بطانيات، شناتي وغيرها 😍

والأحلى؟
🎥 فيديوهات شرح مفصلة لأكثر من دمية، بتضل عندك مدى الحياة
📖 كتاب باترونات هدية
🤍 متابعة مجانية بعد الدورة
📱 اشتراك بمنصتنا الخاصة

يعني بتتعلمي وإنتِ بالبيت…
بعد ما يناموا الأولاد، أو وإنتِ بتشربي قهوتك، أو بأي وقت يناسب يومك 🥰

ومش بس مهارة حلوة لإلك…
ممكن تكون بداية لمشروع وشغل من البيت ودخل إضافي 💸✨

💰 سعر الدورة: 85 دولار فقط
🌸 أونلاين | بوقتك | ومن أي مكان

إذا نفسك تتعلمي شغلة جديدة بس دايمًا بتحكي «ما عندي وقت»…
يمكن هاي الدورة بالذات معمولة عشانك ❤️

12/08/2026

أول مرة حكت معي هالصبية وسجلت معي، كنت كتير مبسوطة… لأنها اختارت تسجل بأكبر دورتين عندي 🥹🤍

بس بعدين، لما بلشنا نحكي أكتر وتعرفت شوي على شخصيتها، حبيتها أكتر… واليوم لما شفتها بالمحل وأعطيتها أغراضها، بصراحة حبيتها أكتر وأكتر! 🥹✨

شخصية بتشع حيوية وطاقة، وبني آدمة حلوة من جوّا قبل ما تكون حلوة بأي شيء ثاني. وأنا بصراحة بقدّر كتير الناس اللي عندهم هالروح والطاقة، واللي رغم كل مسؤولياتهم بيلاقوا مساحة لأنفسهم وللأشياء اللي بحبوها. ❤️

هي جاية من فلسطين، من القدس 🇵🇸❤️
أم لأربعة أطفال، وبتشتغل، ومع كل هالمسؤوليات قررت تستثمر بوقتها وبحالها، وسجلت بأكبر دورتين عندي:
🧶 دبلوم الحياكة بالأصابع
🧶 دبلوم الكروشيه

والأجمل؟ إنها لسه حريصة يكون إلها وقت خاص فيها، وتتعلم الكروشيه، وتعمل إشي بتحبه.

وبصراحة… من أول لقاء بينا وأنا مبسوطة إنها صارت من متدرباتي، بس اليوم طلعت من عندي وأنا بفكر: مبدئيًا أنا اللي لازم آخدها قدوة! 🥹❤️

لأنه أحيانًا إحنا بنفكر إن الظروف هي اللي بتمنعنا نعمل الأشياء اللي بنحبها… وبننسى إنه ممكن نلاقي إلنا مساحة، حتى وسط كل المسؤوليات. ✨

فخورة فيكي من أول يوم… ومتحمسة أشوف شو رح تعملي بهالمهارات اللي اخترتي تتعلميها 🤍🧶

08/08/2026

⁨ ⁨ ⁨ ⁨ ⁨ تخيّلي تعملي كل هدول بإيدك… بدون سنانير 😳✨
اه، حرفياً بأصابعك بس!

واحلى شي انها مش رح تاخد منك أيام ولا تعب عيون وإيدين 👀

💡 خلال ٧-١٠ ساعات عمل بس، بتكوني عاملة أول دمية بإيدك!

مو بس هيك 👇
بدورتنا رح تتعلمي:
✨ قراءة باترونات الكروشية بسهولة واحتراف و كيفية تطبيقها و اسقاطها على خيوط البافي لتصبحي قادره على تطبيق اي دمية
🎨 دمج الألوان والخيوط بطريقة احترافية
🧵 تجميع الدمى بدقة عالية
🌸 تطبيق قانون الدائرة و بالتالي مفرش الورد
🧶 مربعات granny square بالأصابع → ومن بعدها عالم كامل (شالات، بطانيات، شناتي 😍)

و هدية ولا أروع:
فيديوهات شرح مفصل لخطوات العمل لاكثر من دمية لتبقى لديكِ مدى الحياة
بالاضافة لمتابعة مجانية بعد الدورة

🎯 خلال 4 أيام بس… رح نفتحلك باب مشروع جديد + مهارة ممكن تدر عليك دخل 💸

✔️ كل المواد متوفرة
✔️ كتاب باترونات هدية
✔️ متابعة مجانية بعد الدورة
✔️ اشتراك بمنصتنا الخاصة
✔️ فاليه مجاني 🎁

💰 كل هاد بـ 75دينار فقط!

📅 المقاعد محدودة جداً (والحجز عم يخلص بسرعة!)
احجزي مكانك قبل ما تروحي عليك الفرصة 👇

📍 الموقع: مركز ميامي - شارع المدينة
🕚 صباحي: 11:30 - 1:30
تبدا الدورة الاثنين ١٠/٨. و الاربعاء ١٢/٨.
و الاثنين ١٧/٨. و الاربعاء. ١٩/٨

او اونلاين و ببيتك و على راحتك و بالوقت الي بناسبك🥰❤️⁩⁩⁩⁩⁩

05/08/2026

كم قصة بتقرأي قبل النوم 😂😂😂

Address

Al Madineh Al Monawarah Street
Amman

Opening Hours

Monday 11:30 - 21:30
Tuesday 11:30 - 21:30
Wednesday 11:30 - 21:30
Thursday 11:30 - 21:30
Saturday 11:30 - 21:30
Sunday 11:30 - 21:30

Website

Alerts

Be the first to know and let us send you an email when Bufanda by reem posts news and promotions. Your email address will not be used for any other purpose, and you can unsubscribe at any time.

Shortcuts

Share