https://www.facebook.com/104868324723316/

NorMallao, Simeung Commercial Building, 2nd Fl. , Phiawat Village, Sisattanak District, Vientiane (2026)

05/02/2024

❤️ Him

23/07/2023

🎨🖌ມື້ນີ້ ມື້ສຸດທ້າຍແລ້ວກັບງານເປີດ The XYZ art Gallery ໂດຍມີການວາງສະແດງຜົນງານສິລະປະ ຊຸດທີ່ມີຊື່ວ່າ " DEVOTION / ຢາດເຫື່ອ " ໂດຍສິລະປິນລາວ Mick Saylom.

ແອດກໍພາລູກນ້ອຍໄປຮ່ວມເບິ່ງມາແລ້ວ👨‍👩‍👦🖼 ທຸກພາບລ້ວນແລ້ວແຕ່ໄດ້ສ້າງແຮງບັນດານໃຈ ແອດຂໍເປັນອີກກຳລັງໃຈໃຫ້ກັບສິນລະປິນລາວ ສືບຕໍ່ສ້າງສັນຜົນງານດີໆແບບນີ້ອອກມາອີກ❤️

ຮິບຟ້າວໄປເບິ່ງຜົນງານກັນເດີ ມື້ນີ້ຍັງເປິດຢູ່🤩
ເວລາ: 10:00 - 19:000
ສະຖານທີ່: The XYZ art gallery
https://goo.gl/maps/2dWZYkWxM6mE7gi57

03/06/2023

ມາຊ້າ ດີກວ່າບໍ່ມາ !! ກັບ ກິດຈະກຳແຕ້ມຮູບ🎨

ສະເຫຼີມສະຫຼອງວັນສິ່ງແວດລ້ອມແຫ່ງຊາດ💚💙 ແລະວັນສິ່ງແວດລ້ອມໂລກ 2023

ເຊິ່ງຮ່ວມຈັດກິດຈະກຳໂດຍ ບໍລິສັດ ພັນທະມິດ ທົດລອງແລະວິໃຈ ຈຳກັດ ແລະ ກົມສິ່ງແວດລ້ອມ
--

🙋🏻🙋🏻‍♀️ ຂໍເຊີນຊວນນ້ອງໆນັກຮຽນ ຊັ້ນ ປ.1-ປ. 5 🙋🏻🙋🏻‍♀️
ມາເປັນສ່ວນໜຶ່ງ ຮ່ວມປະກອບກິດຈະກຳ ສົ່ງຮູບແຕ້ມເຂົ້າປະກວດ
ພາຍໃຕ້ຫົວຂໍ້🌱
“ສິ່ງແວດລ້ອມຂອງເຮົາຈະດີ ຖ້າຫຼຸດຜ່ອນການນຳໃຊ້ປລາສຕິກ" / ʙᴇᴀᴛ ᴘʟᴀꜱᴛɪᴄ ᴘᴏʟʟᴜᴛɪᴏɴ 🌍

ສະຫມັກເລີຍ: https://docs.google.com/forms/d/1_Lv9a4k-_W59tYeQ5BTyv0CsTrCehBFPU6sw2FrwZDQ/viewform?edit_requested=true&fbclid=IwAR0A724k3TvltYAe-ncOEm1jw6X-qLskyaS8kNdAeKbCZHfL_G1mGKP7pw0

⏳ ປິດຮັບສະໝັກ: ວັນທີ່ 12 ມິຖຸນາ 2023
ປະກາດຜົນ: ວັນທີ່ 19 ມິຖຸນາ 2023

🏆 ລາງວັນ ປ.1-ປ.3:
✔️ລາງວັນທີ 1 ໄດ້ຮັບລາງວັນມູນຄ່າ 1.000.000 ກີບ
✔️ລາງວັນທີ 2 ໄດ້ຮັບລາງວັນມູນຄ່າ 700.000 ກີບ
✔️ລາງວັນທີ 3 ໄດ້ຮັບລາງວັນມູນຄ່າ 500.000 ກີບ
✔️ລາງວັນຊົມເຊີຍ 3 ລາງວັນ ລາງວັນລະ 300.000 ກີບ

🏆 ລາງວັນ ປ.4-ປ.5:
✔️ລາງວັນທີ 1 ໄດ້ຮັບລາງວັນມູນຄ່າ 1.000.000 ກີບ
✔️ລາງວັນທີ 2 ໄດ້ຮັບລາງວັນມູນຄ່າ 700.000 ກີບ
✔️ລາງວັນທີ 3 ໄດ້ຮັບລາງວັນມູນຄ່າ 500.000 ກີບ
✔️ລາງວັນຊົມເຊີຍ 3 ລາງວັນ ລາງວັນລະ 300.000 ກີບ

>> ນ້ອງໆທີ່ໄດ້ຮັບລາງວັນທຸກຄົນ ຈະໄດ້ຮັບໃບຍ້ອງຍໍ ຈາກທາງກົມສິ່ງແວດລ້ອມນຳເດີ້ ງານນີ້ ຊ້າບໍ່ໄດ້ແລ້ວວວວ ສະຫມັກເລີຍ!! ☺️☺️

🖼 ຂໍ້ກຳນົດຂອງການແຕ້ມຮູບ:
- ຈຳກັດໃຫ້ 1 ຄົນ ຕໍ່ 1 ຮູບພາບ
- ຂະໜາດເຈ້ຍແມ່ນ A3 (ຂະໜາດ ກວ້າງ29.7 cm x ຍາວ42.0 cm) (ຕ້ອງເປັນແຜ່ນດຽວ ຫ້າມຕໍ່ເຈ້ຍ)
- ສີທີ່ໃຊ້ແຕ້ມ ຫຼື ລະບາຍສີ ແມ່ນຕ້ອງເປັນສໍສີໄມ້(ບໍ່ໃຫ້ໃຊ້ສີນ້ຳ)

📩 ວິທີການສົ່ງຜົນງານ:
1. ລົງທະບຽນໃສ່ແບບຟອມໃຫ້ຄົບຖ້ວນ
2. ຖ່າຍວິດີໂອໃນຂະນະກຳລັງແຕ້ມຮູບ ຢ່າງໜ້ອຍ 1 ນາທີ
ສົ່ງມາທີ່ Whatsapp: 020 5555 7623 (ຄິດ/ປາ) ຫຼື Email: [email protected]
3. ຖ່າຍວີດີໂອແນະນຳໂຕ ພ້ອມອະທິບາຍຜົນງານ (ຫຼັງຈາກແຕ້ມສໍາເລັດ)
ຄວາມຍາວບໍ່ເກີນ 1 ນາທີ ສົ່ງມາທີ່ Whatsapp: 020 5555 7623 (ຄິດ/ປາ) ຫຼື Email: [email protected]
4. ຫ້າມພັບ ຫຼື ງໍຮູບພາບ ໃຫ້ກໍ້ ຫຼື ມ້ວນເອົາ ແລະ ສົ່ງຮູບພາບຝາກມາໃຫ້ບໍລິສັດ ພັນທະມິດ ທົດລອງແລະ ວິໄຈ ຈຳກັດ (ບ້ານ ດົງປາລານ ທົ່ງ) ຄ່າໃຊ້ຈ່າຍໃນການຂົນສົ່ງຜົນງານແມ່ນທາງບໍລິສັດຈະຮັບຜິດຊອບ ຫລື ສາມາດມາສົ່ງຜົນງານດ້ວຍຕົວເອງ (ຖ້າສະດວກ)

📌 ຮູບພາບຜົນງານທີ່ສົ່ງເຂົ້າປະກວດທຸກຢ່າງຖືເປັນຊັບສິນຂອງຜູ້ຈັດງານ ແລະ ບໍ່ມີການສົ່ງກັບຄືນ

☎️ ສອບຖາມລາຍລະອຽດໄດ້ທີ່ເບີ:
ໂທ/ວ໊ອດແອັບ: 020 5555 7623 (ຄິດ/ປາ)

25/04/2023

ວ້າວ😲 ກິດຈະກຳດີໆ ຈາກ The XYZ Art Center ຈັດມາໃຫ້ອີກແລ້ວ‼️

🎨 ຄັ້ງນີ້ເອົາໃຈ ສາຍ digital art👩‍🎨💻 ກັບການແຂ່ງຂັນແຕ້ມຮູບດ້ວຍຊ່ອງທາງດິຈິຕອລ ໃນຫົວຂໍ້ "ນິທານພື້ນເມືອງຂອງລາວ" (VALUES - Digital Art Contest 2023)

[English below]

👉 ການແຂ່ງຂັນຂອງ VALUES - Digital Art Contest 2023 ໄດ້ເປີດໃຫ້ສິລະປິນໄດ້ສົ່ງຜົນງານການແຕ້ມຜ່ານຊ່ອງທາງດິຈີຕອລເຂົ້າປະກວດ. ເຊິ່ງເປົ້າໝາຍໃນການແຂ່ງຂັນຄັ້ງນີ້ກໍເພື່ອທີ່ຈະເຮັດໃຫ້ຄົນລະລຶກເຖິ່ງຄວາມງາມຂອງນິທານພື້ນເມືອງລາວເຮົາ ແລະ ເຮັດໃຫ້ນິທານມີຄຸນຄ່າກັບໄວໜຸ່ມຫຼາຍຂຶ້ນ. ເຮົາຈະຄັດເລືອກ 12 ຜົນງານດີເດັ່ນ ໂດຍຈະເລືອກຕາມລວດລາຍການແຕ້ມທີ່ໜ້າປະທັບໃຈ, ຄຳອະທິບາຍທີ່ເຮັດໃຫ້ມ່ວນໄປນຳ, ມີເອກະລັກເປັນຂອງຕົວເອງ ແລະ ບົງບອກເຖິ່ງຄວາມເປັນລາວປະສົມຄວາມທັນສະໄຫມຂອງເຕັກໂນໂລຊີ.

👉 ຊິງລາງວັນມູນຄ່າລວມທັງໝົດ 12,000,000 ກີບ ພ້ອມທັງໂອກາດໃນການວາງສະແດງຜົນງານ ແລະ 12 ຜົນງານການແຕ້ມຮູບດີເດັ່ນກໍຈະໄດ້ຖືກນຳໄປຜະລິດເປັນ Art Coloring book!!

🖌ເງື່ອນໄຂໃນການແຂ່ງຂັນ
- ແຕ້ມດ້ວຍຊ່ອງທາງດິຈີຕອລ ບໍ່ວ່າຈະເປັນໃນ ຄອມພິວເຕີ, drawing tablet, IPad ຫຼື ອື່ນໆ.
- ສິລະປິນໜຶ່ງທ່ານ ສາມາດສົ່ງຜົນງານເຂົ້າຮ່ວມໄດ້ສູງສຸດ 5 ຜົນງານ
- ຜົນງານຕ້ອງເປັນສີຂາວ ແລະ ສີດຳ ເທົ່ານັ້ນ
- ບໍ່ຈຳກັດອາຍຸ ແລະ ສັນຊາດຂອງສິລະປິນ

✅️ວິທີສົ່ງຜົນງານ
- ສົ່ງ file ເຂົ້າທີ່ [email protected]
subject: ( VALUES - Digital art contest )
- ຂຽນ ຊື່, ທີ່ຢູ່, ເບີໂທຕິດຕໍ່, ຊື່ facebook
- ຊື່ຂອງຜົນງານຮູບແຕ້ມ
- ຄຳອະທິບາຍກ່ຽວກັບຮູບແຕ້ມ

_____________________

Hello everyone‼️

VALUES - Digital Art Contest is open for artists to submit their digital artworks on the topic
"Lao Folk Tales"

👉The goal for this contest is to encourage people to see the beauty of Lao Folk tales and make Tales more valuable to youth. We will select 12 outstanding artworks based on the list of Impressive drawings, enjoyable storyline, unique and represent Laos with the combination of modern art.

👉Prizes total 12,000,000 kip, as well as an opportunity to exhibit your artworks and 12 outstanding drawings will be part of our Art Coloring book!!

🖌Conditions :
- Draw with digital platforms: computer, drawing tablet, IPad, etc
- An artist can submit a maximum of 5 works
- Works must be black and white only
- There is no age limit and we're open for every nationality

✅️How to submit :
- Send the file to [email protected]
subject: ( VALUES - Digital art contest )
- Write name, address, contact number, facebook name
- The name of the artworks
- Description of the artworks

❤️Share your creative artworks with us!

31/03/2023

ນອກຈາກວົງການແຟຊັ່ນທີ່ມີເສື້ອຜ້າບໍ່ມີເພດແລ້ວ ວົງການເຄື່ອງຫອມກໍເລີ່ມມີທ່າອ່ຽງປ່ຽນໄປໃນຮູບແບບ Unisex ທີ່ບໍ່ນຳສະເໜີເພດຜ່ານກິ່ນ ແຕ່ບອກເລົ່າໂຕຕົນ ແລະ ບຸກຄະລິກກະພາບແທນ.

Skin Scent ເປັນເທຣນຄວາມຫອມທີ່ນວນເປັນອັນໜຶ່ງອັນດຽວກັບຜິວກາຍ ໂດຍນ້ຳຫອມປະເພດນີ້ໂດດເດັ່ນດ້ວຍກິ່ນແບບ musk, sandalwood ຫຼື powdery ເປັນກິ່ນອ່ອນໆ ບາງເບົາຄືກັບການແຕ່ງໜ້າແບບບໍ່ແຕ່ງ, ໃຫ້ຄວາມຮູ້ສຶກເຂົ້າເຖິງງ່າຍ ແລະ ເບິ່ງຄືບໍ່ຕັ້ງໃຈຈົນເກີນໄປ.

ສຳລັບນ້ຳຫອມຜິວສະໄຕລ໌ skin scent ສ່ວນຫຼາຍຈະມີສ່ວນປະສົມຂອງ Iso E Super ຫຼືສານສັງເຄາະຊື່ Patchuli Ethanol ເຊິ່ງຈະຊ່ວຍກະຕຸ້ນກິ່ນຫອມ, ຊ່ວຍເພີ່ມໄລຍະເວລາການສະແດງກິ່ນ ແລະ ເນັ້ນຄວາມຊັດເຈນ ເຮັດໃຫ້ກິ່ນມີຄວາມໂດດເດັ່ນຂຶ້ນ.

ພ້ອມກັນນັ້ນ Iso E Super ຍັງເປັນ super floralizer ຫຼືໂຕທີ່ເຮັດໃຫ້ກິ່ນດອກໄມ້ເດັ່ນຂຶ້ນມາ ແລະ ຖືເປັນສານປະກອບຫຼັກໃນການຜະລິດນ້ຳຫອມແນວ Fine Fragrance ນຳອີກ

ຄຸນສົມບັດດັ່ງກ່າວເຮັດໃຫ້ Iso E Super ທີ່ປະສົມລົງໃນນ້ຳຫອມໃຫ້ຄວາມຮູ້ສຶກເຖິງຄວາມເປັນ Minimalistic Fragrance ທີ່ສຳພັດໄດ້ເຖິງຄວາມດຶງດູດ, ຊວນຫຼົງໄຫຼ ດ້ວຍກິ່ນ musk ທີ່ອົບອຸ່ນປະສົມກັບກິ່ນໄມ້ ມອບຄວາມຮູ້ສຶກສົດໃໝ່ ແລະ ຮ່ວມສະໄໝໄດ້ຢ່າງພໍດີ. ສ່ວນສຳຄັນແມ່ນມັນຍັງສາມາດສ້າງກິ່ນສະເພາະໃຫ້ກັບບຸກຄົນນັ້ນໆຈົນກາຍເປັນກິ່ນສະເພາະໂຕໄດ້ ໂດຍອີງຕາມເຄມີເທິງຮ່າງກາຍແຕ່ລະຄົນ.

ທີ່ມາ: https://www.lips-mag.com/article/skin-scent-perfumes/

30/03/2023

ເພດ ງານສິລະປະ ແລະ pop culture ສາມສິ່ງຫຼັກທີ່ບົ່ງບອກຈຸດຢືນຂອງແບຣນ Ludovic ຜູ້ຊາຍຂອງແບຣນນີ້ມີອິດສະຫຼະ ສາມາດປົດປ່ອຍຄວາມເປັນໂຕເອງ ໄດ້ສວມໃສ່ໃນສິ່ງທີ່ຕົນເອງຕ້ອງການ ສະແດງໂຕຕົນໄດ້ແບບບໍ່ມີຂອບເຂດຈຳກັດ

ມີຈຸດເຄິ່ງກາງລະຫວ່າງຄວາມສະຫງ່າງາມກັບຄວາມດຶງດູດ ຈຸດຢຶນຂອງ Ludovic ໄດ້ມາຈາກສິ່ງທີ່ລາວເປັນ ແລະ ຮູ້ສຶກ ເຊິ່ງສະທ້ອນອອກມາຜ່ານງານອອກແບບໄດ້ຢ່າງຊັດເຈນດ້ວຍແນວຄວາມຄິດທີ່ສາມາດຕໍ່ຍອດໄດ້ເລື້ອຍໆ.

Ludovic de Saint Sernin ຜູ້ກໍຕັ້ງແບຣນຈົບການສຶກສາທີ່ l’ESAA Duperré ປະເທດຝຣັ່ງໃນສາຂາອອກແບບ Womenswear ທັງຍັງເຄີຍຝຶກງານກັບແບຣນ Saint Laurent ແລະ Balmain. ຄວາມຕັ້ງໃຈທຳອິດໃນການເລີ່ມຕົ້ນແບຣນຂອງລາວແມ່ນການເຮັດຄໍເລັກຊັ່ນເສື້ອຜ້າຜູ້ຍິງຕາມທີ່ຕົນເອງໄດ້ຮຽນມາ

ແຕ່ລາວກໍມັກຕັ້ງຄຳຖາມໃນຂະນະທີ່ອອກແບບຢູ່ສະເໝີວ່າ ສິ່ງທີ່ຕົນເອງກຳລັງອອກແບບຢູ່ນັ້ນຜູ້ຊາຍສາມາດຈັບໄປສວມໃສ່ໄດ້ຫຼືບໍ່? ເຊິ່ງນັ້ນເປັນຈຸດທີ່ເຮັດໃຫ້ລາວເລີ່ມທົດລອງເອົາເສື້ອຜ້າທີ່ຕົນເອງມັກໃສ່ໄປລອງເທິງໂຕໝູ່ໃນບາງເທື່ອ ເພື່ອໃຫ້ເກີດພາບຈຳ ແລະ ຄວາມເປັນໄປໄດ້ໃໝ່ໆ. ຈາກນັ້ນກໍຕັດສິນໃຈໃຊ້ fitting model ຜູ້ຊາຍສຳລັບລອງເສື້ອຜ້າຂອງລາວ ແລະ ປ່ຽນຈາກ Womenswear ສູ່ Unisex ນັບຈາກນັ້ນ.

ຄໍເລັກຊັ່ນ spring/summer 2018 ເປັນຄໍເລັກຊັ່ນເປີດໂຕຂອງ Ludovic ທັງເປັນຄໍເລັກຊັ່ນທີ່ສະທ້ອນໂຕຕົນຂອງລາວຜ່ານປະສົບການຊີວິດທີ່ເຕີບໂຕ ແລະ ໄດ້ຮຽນຮູ້ຫຼາຍສິ່ງຫຼາຍຢ່າງ ເຊິ່ງນັ້ນລວມເຖິງການເປີດເຜີຍ ໂຕຕົນ ຂອງຕົນເອງ

Ludovic ຍັງໃຊ້ຄໍເລັກຊັ່ນດັ່ງກ່າວສ້າງບົດສົນທະນາກັບຄົນອື່ນໆທີ່ຮູ້ສຶກຄືກັບລາວໄດ້ຄຳນຶງ ແລະ ກ້າທີ່ຈະຍອມຮັບໃນສິ່ງທີ່ຕົນເອງເປັນ.

ປັດຈຸບັນ Ludovic ໄດ້ເຮັດໄອເທັມສຳລັບຜູ້ຍິງເພີ່ມລົງໄປນຳ ເຖິງວ່າຄວາມຕັ້ງໃຈຈະແມ່ນ ເສື້ອຜ້າແບບບໍ່ມີເພດ ແຕ່ດ້ວຍຂໍ້ຈຳກັດເຊັ່ນ: ສະລີລະ ແລະ ຄວາມສູງທີ່ແຕກຕ່າງກັນ ເຮັດໃຫ້ລາວຕ້ອງມີໄອເທັມທີ່ເໝາະສົມສຳລັບສະລີລະຜູ້ຍິງແຕ່ກໍຍັງເກັບຄວາມຄິດແບບເກົ່າໄວ້ຄື ຜູ້ຊາຍກໍສາມາດຈັບໄປສວມໃສ່ໄດ້ເຊັ່ນກັນ.

ສາມາດເບິ່ງຂໍ້ມູນເພີ່ມຕື່ມໄດ້ທີ່ ludovicdesaintsernin.com

ທີ່ມາ: https://www.gqthailand.com/style/article/ludovic-de-saint-sernin

29/03/2023

ການນຳໃຊ້ເສື້ອຜ້າມືສອງຍືນຍົງແທ້ບໍ່? ແລ້ວຕ້ອງເລືອກໃຊ້ແບບໃດໃຫ້ເປັນການຮັກໂລກຢ່າງແທ້ຈິງ?

ຈາກການລາຍງານປະຈຳປີຂອງ thredUP ພື້ນທີ່ກາງອອນລາຍສຳລັບຊື້ຂາຍເສື້ອຜ້າມືສອງຄຸນນະພາບສູງ ເຫັນວ່າໃນໄລຍະເວລາພຽງ 1 ປີ (2021-2022) ຕະຫຼາດເສື້ອຜ້າມືສອງເຕີບໂຕຂຶ້ນສູງເຖິງ 24 ເປີເຊັນ ແລະ ຄາດການວ່າຈະຂະຫຍາຍໂຕຈົນມີມູນຄ່າສູງເຖິງ 7.7 ໝື່ນລ້ານໂດລາ ໃນປີ 2025.

ນັ້ນເປັນການສະທ້ອນໃຫ້ເຫັນວ່າ ຜູ້ຄົນໃນຍຸກປັດຈຸບັນເລີ່ມຕື່ນຮູ້ກ່ຽວກັບອຸດສາຫະກຳເສື້ອຜ້າຕາມກະແສ (Fast Fashion) ແລະ ບັນຫາສິ່ງແວດລ້ອມ ທັງຍັງເຫັນວ່າການຊື້ເຄື່ອງມືສອງເປັນໜຶ່ງໃນວິທີປະຢັດຄ່າໃຊ້ຈ່າຍທີ່ເຮັດໄດ້ງ່າຍໃນປັດຈຸບັນ.

ແຕ່ການເຕີບໂຕແບບກ້າວກະໂດດຂອງຕະຫຼາດສິນຄ້າມືສອງ ກໍເຮັດໃຫ້ບາງປະເທດເກີດບັນຫາຕາມມາເຊັ່ນດຽວກັນ ເນື່ອງຈາກປະເທດທີ່ພັດທະນາແລ້ວເຊັ່ນ: ສະຫະລັດອາເມລິກາ, ການາດາ, ສະຫະລາຊະອານາຈັກ, ຈີນ ແລະ ເກົາຫຼີໃຕ້ ຈະສົ່ງເສື້ອຜ້າມືສອງໃຊ້ແລ້ວທີ່ມີຄຸນນະພາບຕ່ຳສ່ວນຫຼາຍໄປຫາປະເທດກຳລັງພັດທະນາໃນທະວີບອາຟຣິກກາ ແລະ ອາຊີ.

ສົ່ງຜົນໃຫ້ຫຼາຍປະເທດໃນກຸ່ມກຳລັງພັດທະນາເຫັນວ່າ ສິນຄ້າເຫຼົ່ານັ້ນກໍໃຫ້ເກີດບັນຫາກັບລະບົບເສດຖະກິດ ແລະ ອຸດສາຫະກຳໃນທ້ອງຖິ່ນໃນປະເທດຂອງຕົນ.

ນອກຈາກນັ້ນ ກໍອາດຈະສົ່ງຜົນຕໍ່ສິ່ງແວດລ້ອມຫຼາຍກວ່າຄວາມຍືນຍົງ ເນື່ອງຈາກສິນຄ້າມືສອງຈະມີການເດີນທາງທີ່ຍາວນານຈາກການຂົນສົ່ງໄປຫາງປະເທດທີ່ຫ່າງໄກ ແລະ ປ່ອຍ carbon footprint ອອກມາປະລິມານຫຼາຍ ທັ້ງນີ້ມີພຽງແຕ່ 20 ເປີເຊັນຈາກສິນຄ້າທັງໝົດທີ່ຮັບມາເທົ່ານັ້ນທີ່ສາມາດຂາຍໄດ້.

ເມື່ອເຫັນວ່າການນຳໃຊ້ເຄື່ອງມືສອງຍັງເຮັດໃຫ້ສົ່ງຜົນເສຍຕໍ່ໂລກໄດ້ ໜຶ່ງໃນທາງອອກແມ່ນທຸກຄົນຕ້ອງຄຳນຶງເຖິງຄວາມກຸ້ມຄ່າ ແລະ ການນຳໃຊ້ສິນຄ້ານັ້ນໆ; ໃນເວລາທີ່ຊື້ສິນຄ້າແຕ່ລະເທື່ອເຮົາອາດຈະບໍ່ສາມາດລະບຸແຫຼ່ງທີ່ມາຂອງສິນຄ້າໄດ້ຢ່າງຖືກຕ້ອງ ການຖາມເຖິງທີ່ມາ, ແນວຄິດຂອງຮ້ານ ຫຼື ການເບິ່ງແຍງສິນຄ້າຈາກເຈົ້າຂອງຮ້ານ ເພື່ອສ້າງຄວາມສະບາຍໃຈໄດ້ກໍເປັນເລື່ອງດີບໍ່ໜ້ອຍ.

ສຳລັບຜູ້ທີ່ມີງົບປະມານພຽງພໍຕໍ່ການຊື້ເຄື່ອງມືສອງ ໄປພ້ອມກັບການສະໜັບສະໜຸນສິນຄ້າມືໜຶ່ງຈາກແບຣນທີ່ມີການຜະລິດແບບຍືນຍົງ ຫຼືໃຊ້ວັດສະດຸທີ່ເປັນມິດຕໍ່ສິ່ງແວດລ້ອມ ກໍເປັນອີກວິທີໜຶ່ງທີ່ຈະຊ່ວຍໃຫ້ເກີດການປ່ຽນແປງອຸດສາຫະກຳໃຫ້ດີຂຶ້ນໄດ້ເຊັ່ນກັນ.

ທີ່ມາ: https://urbancreature.co/second-hand-market/

28/03/2023

Iris Van Herpen ດີຊາຍເນີຊື່ດັງຈາກແບຣນເສື້ອຜ້າແຟຊັ່ນໃນຊື່ດຽວກັນ ທຸກຜົນງານທີ່ລາວໄດ້ສ້າງສັນຂຶ້ນມາໄດ້ກາຍເປັນເຄື່ອງບົ່ງຊີ້ເຖິງອະນາຄົດຂອງແຟຊັ່ນວ່າມັນສາມາດບັນຈົບກັບສິລະປະ ແລະ ຍິ່ງໄປກວ່ານັ້ນຄືຄວາມສາມາດໃນການນຳເອົາບົດບາດຂອງວິທະຍາສາດ-ເຕັກໂນໂລຊີມາປະສານເຂົ້າກັນຢ່າງພໍດີ ໃຫ້ເຫັນໄດ້ວ່າທຸກຢ່າງມີຄວາມເປັນໄປໄດ້ໃນວົງການແຟຊັ່ນ.

ໄອຣິສ ເລີ່ມເຮັດເສື້ອຜ້າດ້ວຍມືມາແຕ່ຊ່ວງອາຍຸ 12 ປີ ແລະ ຕໍ່ມາໄດ້ເຂົ້າສຶກສາທາງດ້ານນີ້ໃນມະຫາວິທະຍາໄລ ArtEZ ໃນເມືອງ Arnhem; ໃນເວລາຝຶກງານລາວກໍໄດ້ເລືອກໄປເຮັດວຽກກັບຫ້ອງເສື້ອ Alexander McQueen ທີ່ກຸງລອນດອນ

ໃນຫ້ອງເສື້ອດັ່ງກ່າວໄດ້ເປີດໂລກໃຫ້ໄອຣິສໄດ້ເຮັດວຽກກັບເນື້ອຜ້າ ແລະ ວັດສະດຸຕ່າງໆທີ່ມີຄວາມແຕກຕ່າງ ທັງຍັງສອນໃຫ້ລາວເຫັນວ່າການໄດ້ໄອເດຍມາແຕ່ລະເທື່ອເກີດຂຶ້ນຈາກການລົງມືເຮັດເອງ ຫຼາຍກວ່າພຽງແຕ່ຮ່າງພາບຫຼື ສ້າງມູດບອດ (Mood Board) ຂຶ້ນມາ. ເຊິ່ງຈົນມາຮອດປັດຈຸບັນໄອຣິສກໍຍັງນຳໃຊ້ຫຼັກການນີ້ ແລະ ເຮັດໃຫ້ທຸກຢ່າງເກີດຂຶ້ນແບບທຳມະຊາດພາຍໃນຫົວ ພ້ອມໆກັບການຕັດຫຍິບທຸກຢ່າງເທິງຫຸ່ນ.

ຮອດຊ່ວງປີ 2007 ໄອຣິສໄດ້ຕັດສິນໃຈເລີ່ມແບຣນຂອງຕົນເອງໃນຊື່ Iris Van Herpen ທີ່ເມືອງ Arnham ແລະ ໂຊຄໍເລັກຊັ່ນທຳອິດທີ່ Amsterdam Fashion Week. ຫຼັງຈາກກໍ່ຕັ້ງແບຣນໄດ້ 3 ປີ ລາວເປັນດີໄຊເນີຄົນທຳອິດຂອງໂລກທີ່ນຳເອົາວັດສະດຸ polyamide ສີຂາວມາປຣິ້ນເປັນແບບ 3D ເພື່ອສ້າງສັນເປັນເສື້ອທັບທີ່ເບິ່ງຄືເປືອກຫອຍ

ເສື້ອດັ່ງກ່າວຖືກນຳຂຶ້ນສູ້ຣັນເວໃນຊື່ Crystallization ເຊິ່ງປີຕໍ່ມາວາລະສານ Time ໄດ້ຍົກໃຫ້ຊຸດເດຣສປຣິ້ນ 3D ເປັນ 1 ໃນ 50 ສິ່ງປະດິດທີ່ດີທີ່ສຸດປະຈຳປີ ແລະ ທາງ Chambre Syndicale de la Haute Couture ຂອງປາຣີ ກໍໄດ້ເຊີນໃຫ້ໄອຣິສໄປສະແດງຜົນງານເສື້ອຜ້າຊ່ວງລະດູການໂອກູຕູ 2 ຄັ້ງຕໍ່ປີ ມາຈົນຮອດປັດຈຸບັນ.

ອີກປັດໄຈໜຶ່ງທີ່ເຮັດໃຫ້ໄອຣິສເປັນທີ່ຮູ້ຈັກໃນກະແສຫຼັກແມ່ນການທີ່ບັນດາ Celebrity ໄດ້ເລືອກສວມໃສ່ຊຸດຂອງລາວ ເຊິ່ງແຕ່ລະຄົນກໍມີພາບລັກ ແລະ ໂຕຕົນທີ່ຊັດເຈນຄືກັບແບຣນເຊັ່ນ: Lady Gaga ໃນຊຸດອາຄິລິກສີດຳໄປງານເປີດໂຕນ້ຳຫອມ Fame ໃນປີ 2012, Cate Blanchett ໃນຊຸດຈາກຄໍເລັກຊັ່ນ Ludi Naturae, Björk ໃສ່ຊຸດຂຶ້ນປົກອາລະບ້ຳ Biophillia…

ທາງພິພິທະພັນ Metropolitan Museum of Art ໃນນິວຢອກກໍໄດ້ຊື້ຊຸດຂອງໄອຣິສໄປເຖິງ 6 ຊຸດ ເພື່ອຈັດສະແດງ ແລະ ເກັບໄວ້ໃນຄໍເລັກຊັ່ນພິພິທະພັນ.

ສຳລັບຜູ້ທີ່ສົນໃຈຢາກຮູ້ຈັກກັບ Iris Van Herpen ທີ່ເປັນທັງດີຊາຍເນີ ແລະ ແບຣນ ສາມາດເຂົ້າໄປເບິ່ງຄວາມອະລັງການຂອງຜົນງານການສ້າງສັນໄດ້ທີ່ irisvanherpen.com

ທີ່ມາ:
https://www.harpersbazaar.co.th
https://thestandard.co/iris-van-herpen/

27/03/2023

📣📣 ນໍມໍ້ລາວຂໍແນະນຳແບຣນລາວນ້ອງໃໝ່ ✨ “ເປັນມິດ Penhmit ” ✨

🍃 ເປັນມິດ ແມ່ນແບຣນຄອສເມຕິກ ແລະ ເຄື່ອງຫອມ ທີ່ໄດ້ເປີດໂຕຜະລິດຕະພັນໃໝ່ຫຼ້າສຸດໃນຊ່ວງກາງເດືອນທີ່ຜ່ານມາ ໂດຍຜະລິດຕະພັນຕ່າງໆຂອງພວກເຂົາແມ່ນມີຄຸນສົມບັດກົງກັບຊື່ແບຣນເລີຍ ກໍຄືເປັນມິດຕັ້ງແຕ່ຜູ້ນຳໃຊ້ທັງເດັກນ້ອຍ ແລະ ຜູ້ໃຫຍ່ ທີ່ສຳຄັນແມ່ນເປັນມິດຕໍ່ສິ່ງແວດລ້ອມນຳອີກ. 🍃

📌 ປັດຈຸບັນ ເປັນມິດ ມີຜະລິດຕະພັນອອກມາຈຳໜ່າຍແລ້ວ 3 ປະເພດຄື: ຄີມທາມື, ສະເປໄລ່ຍຸງ ແລະ ທຽນຫອມ. ເຊິ່ງເອກະລັກຂອງແບຣນອີກຢ່າງໜຶ່ງແມ່ນ ການປະສົມປະສານກິ່ນອາຍຄວາມເປັນລາວໃຫ້ເຂົ້າໄປຢູ່ໃນແຕ່ລະຜະລິດຕະພັນຢ່າງພໍດີ.

👉 ໃນສ່ວນຂອງຄີມທາມືຂອງພວກເຂົາ ມີຄຸນສົມບັດໃນການສ້າງຄວາມກະຈ່າງໃສ, ເພີ່ມຄວາມຊຸ່ມຊື່ນໃຫ້ແກ່ມື ແລະ ເລັບຂອງຜູ້ນຳໃຊ້ ຫຼ້າສຸດມີໃຫ້ເລືອກທັງໝົດ 2 ກິ່ນຄື: ກິ່ນພາຂວັນຈຳປາ ທີ່ຊ່ວຍສ້າງຄວາມຊຸ່ມຊື່ນ ກະຈ່າງໃສ ແລະ ຫຼຸດຜ່ອນຈຸດດ່າງດຳ ມາພ້ອມກັບ ກິ່ນນ້ຳສົງດອກຄູນ ຈະມາຊ່ວຍໃຫ້ຜິວເຕັ່ງຕຶງ, ຕໍ່ຕ້ານຮ່ອງຮອບ ແລະ ບັນເທົາອາການຄັນ ອັນເນື່ອງມາຈາກບັນຫາຜິວແຫ້ງ.

👉 ແລະເພື່ອປົກປ້ອງຄົນທີ່ທ່ານຮັກຈາກການລົບກວນຂອງຍຸງ ເຊິ່ງເປັນພາຫະຂອງພະຍາດໄຂ້ມາລາເລຍ ເປັນມິດກໍມີສະເປໄລ່ຍຸງໃຫ້ເລືອກເຖິງ 2 ກິ່ນຄື: ກິ່ນດອກຄູນ ແລະ ກິ່ນໝາກຂີ້ຫູດ ເຊິ່ງຜະລິດມາຈາກວັດຖຸດິບທຳມະຊາດຈຶ່ງໝັ້ນໃຈໄດ້ເລີຍວ່າປອດໄພຈາກຍຸງ ແລະ ມີກິ່ນຫອມສົດຊື່ນແນ່ນອນ.

👉 ນອກຈາກນັ້ນ ທຽນຫອມຂອງທາງແບຣນຍັງເປັນໂຕຊ່ວຍຊັ້ນດີໃນການສ້າງບັນຍາກາດ ແລະ ຜ່ອນຄາຍອາລົມ ພວກເຂົາມີໃຫ້ທຸກຄົນເລືອກເຖິງ 2 ກິ່ນ: ກິ່ນພາຂວັນຈຳປາ ໂຕຊ່ວຍໃຫ້ອາລົມຜ່ອນຄາຍ ຮູ້ສຶກສະຫງົບ ດ້ວຍກິ່ນຫອມທີ່ໃຫ້ຟິລຄືກັບຢ່າງຢູ່ໃນດົງດອກຈຳປາ

ສຳລັບທຽນຫອມກິ່ນຕໍ່ມາແມ່ນ ກິ່ນນ້ຳສົງດອກຄູນ ມີສັບພະຄຸນຊ່ວຍໃຫ້ນອນຫຼັບດີຂຶ້ນ, ເໝາະສົມກັບການພັກຜ່ອນ ແລະ ຍັງໃຫ້ຄວາມຮູ້ສຶກຄິດເຖິງບຸນປີໃໝ່ລາວ

💕 👨‍👩‍👧‍👦 ສຳລັບໃຜທີ່ກຳລັງຊອກຫາຂອງຂວັນໄປຝາກຄົນທີ່ທ່ານຮັກໃນຊ່ວງງານເທສະການບຸນປີໃໝ່ລາວ ທີ່ຈະມາຮອດນີ້ ຜະລິດຕະພັນຂອງເປັນມິດຈຶ່ງເປັນອີກໜຶ່ງທາງເລືອກທີ່ດີທີ່ສຸດ ເພາະນອກຈາກຈະເປັນການສົ່ງມອບສິ່ງດີໆໃຫ້ກັນໃນມື້ຂຶ້ນປີໃໝ່ລາວແລ້ວຍັງເປັນການອຸດໜຸນ ແລະ ສົ່ງເສີມຜະລິດຕະພັນຂອງຄົນລາວນຳອີກ 🤩

📌 ໂດຍສາມາດສັ່ງຊື້ ຫຼື ເບິ່ງລາຍລະອຽດເພີ່ມຕື່ມທາງເພຈ: Penhmit

#ຂອງຂວັນ

25/03/2023

Rina Sawayama ນັກສະແດງຈາກໜັງເລື່ອງ John Wick: Chapter 4 ກຳລັງເປັນທີ່ຈັບຕາຂອງສາວົກສາຍແຟຊັ່ນຈາກການທີ່ສ້າງຄວາມຕື່ນຕາຕື່ນໃຈກັບລຸກເທິງພົມແດງໃນງານໂປຣໂໝດໜັງຕາມເມືອງສຳຄັນຕ່າງໆ.

ຊຸດທີ່ Rina ເລືອກມາສວມໃສ່ລ້ວນແຕ່ມາຈາກແບຣນທີ່ມີສະໄຕລ໌ໂດດເດັ່ນ ແລະ ຄຳວ່າໂດດເດັ່ນໃນນີ້ກໍໝາຍເຖິງຄວາມບໍ່ຊ້ຳໃຜ ເຊິ່ງການປັບໂຕໃຫ້ເຂົ້າກັບສະໄຕລ໌ຫຼາກຫຼາຍຮູບແບບຈຶ່ງເປັນເລື່ອງທີ່ໜ້າສົນໃຈ. ໂດຍ Rina ປາກົດໂຕໃນຮອບປະຖົມມະທັດຂອງໜັງທີ່ຕົນເອງຮ່ວມສະແດງດ້ວຍຊຸດຈາກແບຣນ Luis De Javier, Wiederhoeft, Thom Browne ແລະ ອີກຫຼາກຫຼາຍແບຣນ.

Rina Sawayama ເປັນນັກສະແດງ ແລະ ສິລະປິນຄົນຍີ່ປຸ່ນ ອາຍຸ 32 ປີ, ເປັນຄົນທີ່ມີໂຕຕົນຊັດເຈນ ທັງຍັງສາມາດປັບໂຕເຂົ້າກັບແຟຊັ່ນໄດ້ຫຼາຍຮູບແບບ; ດ້ວຍຄວາມໂດດເດັ່ນດັ່ງກ່າວຈຶ່ງເຮັດໃຫ້ລາວເປັນທີ່ກ່າວເຖິງໃນວົງກວ້າງຢູ່ແລ້ວ ເມື່ອເຂົ້າມາຮັບບົດ Akira ໃນໜັງ John Wick ກໍຍິ່ງເຮັດໃຫ້ໄດ້ຮັບຄວາມສົນໃຈຫຼາຍຂຶ້ນ.

ສຳລັບໃຜທີ່ເປັນສາຍແຟຊັ່ນທີ່ມັກຕິດຕາມບັນດາ celebrity ຊື່ດັງຂອງໂລກໜ້າຈະຕ້ອງເພີ່ມຊື່ Rina Sawayama ເຂົ້າໄປຕື່ມນຳແລ້ວ.

ທີ່ມາ: https://www.vogue.co.th/fashion/article/rina-sawayama-john-wick

23/03/2023

📣📣 Share Brand ມີວາງຂາຍແລ້ວທີ່ NorMallao❗

✨ Share Brand ✨ ເປັນແບຣນເສື້ອຜ້າຂອງຄົນລາວ ທີ່ຜະລິດຕະພັນເກືອບທັງໝົດເປັນສີມືຂອງຄົນລາວເອງ ເສື້ອຜ້າຂອງທາງແບຣນເປັນດີຊາຍທີ່ສາມາດສວມໃສ່ໄດ້ຫຼາຍໂອກາດ ບໍ່ວ່າຈະໄປທ່ຽວຫ້າງ, ອອກເດດ, ໄປຄາເຟ່, ໄປວຽກ ລວມທັງງານທີ່ເປັນແບບເຄິ່ງທາງການ ແລະ ຍັງເລືອກຈັບຄູ່ໄດ້ງ່າຍເພາະວ່າເປັນສີພື້ນ ເຊັ່ນ: ສີຂາວ, ສີດຳ, ສີກົມ, ສີເທົາ ຫຼືອາດຈະມີສີພິເສດສະເພາະຊ່ວງງານເທສະການ.

👉 ໂດຍຜະລິດຕະພັນຂອງ Share Brand ທີ່ທຸກຄົນສາມາດມາເລືອກຊັອບນຳນໍມໍ້ລາວໄດ້ໃນປັດຈຸບັນມີ ເສື້ອຄໍຈີນແຂນຍາວ, ເສື້ອຍືດແຂນສັ້ນ ແລະ ໂສ້ງຂາຍາວຊົງກະບອກ. ເຊິ່ງມີໃຫ້ເລືອກຫຼາຍໄຊສ໌ຕັ້ງແຕ່ M-XL ສຳລັບເສື້ອ, ເບີ 28-36 ສຳລັບໂສ້ງຂາຍາວ (ຖ້າລູກຄ້າຕ້ອງການໂສ້ງເບີພິເສດ ນອກຈາກທີ່ເຮົາມີຢູ່ແມ່ນສາມາດສັ່ງ pre-order ໄດ້).

📌 ສາມາດສັ່ງຊື້ ຫຼື ສອບຖາມເພີ່ມຕື່ມໄດ້ທີ່: https://wa.me/8562056969168 ຫຼື Inbox ເພຈ NorMallao
📌 ແລະ ຍັງສາມາດເຂົ້າມາເບິ່ງສິນຄ້າໂຕຈິງໄດ້ທີ່ໜ້າຮ້ານຂອງພວກເຮົາທີ່ຮ້ານ Au8ust the Living Factory.

22/03/2023

ເພື່ອໃຫ້ການສ້າງສັນເສື້ອຜ້າອອກມາໃຫ້ສົ່ງຜົນເສຍຕໍ່ສະພາບແວດລ້ອມໜ້ອຍທີ່ສຸດ ການໝຸນໃຊ້ວັດສະດຸຈາກສິ່ງທີ່ມີຢູ່ຈຶ່ງເປັນອີກໜຶ່ງທາງອອກຂອງວົງການແຟຊັ່ນ ໂດຍວັດສະດຸທີ່ຮູ້ຈັກກັນຢ່າງແພ່ຫຼາຍມາຕັ້ງແຕ່ຍຸກບຸກເບີກຂອງເທຣນແຟຊັ່ນຮັກໂລກແມ່ນວັດສະດຸໜັງສັງເຄາະຈາກພືດ ໂດຍສະເພາະແມ່ນ Piñatex ຫຼື ໜັງທີ່ເຮັດມາຈາກໝາກນັດ.

ໜັງສັງເຄາະຊະນິດນີ້ຖືກພັດທະນາໂດຍບໍລິສັດທີ່ມີຊື່ວ່າ Ananas Anam ໂດຍເຮັດມາຈາກເສັ້ນໃຍໝາກນັດເຫຼືອໃຊ້ ຈຸດເດັ່ນຂອງມັນແມ່ນຄວາມແຂງແຮງ ແຕ່ມີນ້ຳໜັກເບົາ; ເຮັດໃຫ້ມັນກາຍເປັນໂຕເລືອກໃນການຜະລິດເກີບ, ກະເປົາ ແລະ ຍັງສາມາດເອົາມາຜະລິດເປັນເສື້ອແຈັກເກັດ, ຊຸດກະໂປງ ແລະ ສູດ ໄດ້ນຳອີກ.

ດ້ວຍຄຸນສົມບັດດັ່ງກ່າວ ຫຼາຍໆແບຣນຈຶ່ງເລືອກໃຊ້ວັດສະດຸໜັງ Piñatex ມາຜະລິດເປັນສິນຄ້າເຊັ່ນ: H&M, Paul Smith, Hugo Boss ລວມໄປເຖິງ Chanel ທີ່ເປັນແບຣນແຟຊັ່ນຫຼູກໍເຄີຍເລືອກໃຊ້ວັດສະດຸດັ່ງກ່າວໃນການເຮັດໝວກປະຈຳຄໍເລັກຊັ່ນ Pre-Fall 2019 ເຖິງວ່າພວກເຂົາຈະບໍ່ໄດ້ຕັ້ງໂຕເປັນແບຮນຮັກໂລກຢ່າງຈິງຈັງກໍຕາມ.

ທີ່ມາ: https://www.lips-mag.com/lips/fashion/sustainable-material

NorMallao

05/02/2024

23/07/2023

03/06/2023

25/04/2023

31/03/2023

30/03/2023

29/03/2023

28/03/2023

27/03/2023

25/03/2023

23/03/2023

22/03/2023

Address

Telephone

Website

Alerts

Shortcuts

Share