𝐑𝐞𝐝 𝐟𝐚𝐟𝐢 𝐝𝐞𝐬𝐢𝐠𝐧

31/12/2025

من صفحة Red Fafi Design ✨
مع بداية سنة جديدة، بنحب نشكركم على وجودكم معنا ودعمكم المستمر 🤍
كل عام وأنتم بخير، وإن شاء الله تكون سنة 2026 مليانة بالفرح، النجاح، الصحة، واللحظات الحلوة اللي بتترك أثر جميل في حياتكم.
نحن متحمسين نشارككم بكل جديد ومبدع، ونعدكم بمفاجآت وإبداعات أكتر في السنة القادمة 🎁✨
خلينا نبدأ السنة بطاقة إيجابية وأمل متجدد، ونزرع كل يوم بسعادة وابتسامة 💫

03/09/2025

04/08/2025

04/08/2025

بيروت…
شو بعد فينا نقول؟
شو بعد فينا نحكي بظل وجع ما بينحكى؟
٤ آب ما كان يوم... كان زلزال،
لحظة سوداء سرقت منّا كل شي…
صرخة دوّت بين الشوارع، وعيون اتجمدت على مشاهد ما بتنمحى.
بيوت اتكسّرت، قلوب انشطرت، وأرواح طارت فجأة… بلا وداع… بلا تفسير.

صرنا نعد الأحباب بالصوت والصورة،
صورهم عالحيطان، أسماؤهم بالحناجر، ودموعنا صارت رفيقة ليلنا.
كل زاوية بالمرفأ بتحكي وجع،
وكل ركن ببيروت حامل وجّ، وريحة موت...
كأن المدينة ما عاد فيها نفس.

٤ آب ما خلّى شي متل قبل…
ما ضلّ بيت إلا دخله الحزن،
ولا قلب إلا نزف،
ولا أم إلا وحملت بعيونا أسى ما بينوصف.

ما نسينا…
ولا رح ننسى.
مش لأننا منحب نحزن،
بس لأن في ناس ماتت بلا ذنب…
في ناس صارت ذكرى من بعد ما كانت حياة،
وفي وطن اتوجّع وما لقي حدا يداويه.

العدالة بعدها ضايعة…
والصمت صاير أقسى من الانفجار نفسه.
بس نحنا بعدها دمعتنا صاحية،
وبعدنا منعد الأيام… مش لننسى،
بل لنطالب، لنحكي، لنصرخ…
حتى ما يصير ٤ آب مجرد تاريخ...
وحتى يبقى الجرح شاهد على وجع ما بينغلق.

💔٤-آب-ذكرى-انفجار-مرفأ-بيروت #
#تصميمي #كلماتي