07/09/2026
ඇසළ සඳේ මුදු සිසිලස පැතිරෙන යාමේ
සඳුන් සුවඳ විහිදී රෑ දළදා මැදුරේ
බෙර පද තාලය පැතිරෙන සෙංකඩ පුරයේ සිංහල බල තේජස පැතිරෙන බල මහිමේ....
හේවිසි නද දසත පුරා පැතිරී බැතිනේ
පහන් එළිත් නලවයි තාලයටම සොඳිනේ සෙංකඩගල වීදී පුරා ගජ සෙන් රැඳුනේ
දළදා හිමි වඩම්මන්න මග බලමින් නෙ...
සුවඳ පැනින් සුවඳ දුමින් නහවා ගතද
රත් පැහැදරනා සේලය පළඳා හැඩට
නාදස්වර එක් කර බෙර පද තාලයට
ගජ රජිදුන් පා තැබුවා තෙත් කර දනන් නෙත......
මල් සුවඳින් පිරුණු තව්තිසාවේ ඉඳලා
පින් බෙර නෙත් කෙවෙණි අගට මුතු පලන්දලා දොහොත් මුදුන් දී වැදගෙන බැතින් මත්වෙලා නැදුන් නුඹත් ඉන්නවාද අපිට ලංවෙලා...
කඳ සුරිඳුගේ බල මහිමෙන් සුරැකෙන නිරිඳේ කතරගමින් සෙංකඩගල වෙත ආ සුරිඳේ
මඟුල් ලකුණු සමග පිනට බිහි වූ ගජි දේ
පුතේ වාසනා නුඹ අපේ නෙත්මන බැන්දේ
අහස් කුසට නැඟ දළදා දජ ලෙලදෙන්නේ
ගජ නිරිඳුන් ගමන් යන්නේ සේසත් සෙවණේ
සඳ එළියෙන් නැහැ වී කරඬුව බැබලෙන්නේ ගම්භිර සිංහල තේජස ලොවට කියමිනේ
සින්දු තායි සිංහ බුරුම මියන් ඇත් රජුන් ලංකාවේ නම ලෝකය වෙත රැගෙන ගිය පුතුන්
ජනරාජා ඉන්දි වාසනා මෙලෝ උපන්
පින් ආත්ම සංස්කෘතිය බබලන රුවන්
දිව්‍ය ලෝකෙ ඉඳලා නෙත් අගිස් තෙත් කර
නැදුන් රජා දොහොත් නගා වඳිමින් නිතර
වාසනාගේ හදවත වෙත තට්ටු කර කර
පවසයි දළදා රකින්න ප්‍රාණ සම සමකර
ලංකා පොළොවේ පිනටම උපන් මේ පුතුන් තේජස් බල මහිම දැරූ ලක්මිණි දරුවන්
සිංහල අපි සංස්කෘතියෙ කිරුළු දැරූවන්
සුරැකිය යුතුවේ දෑසේ තබා මනු සතුන්,
✍️✍️ Ovinya Sathsarani
#දළදාපෙරහැර
#සෙංකඩගල
#නැදුන්ගමුවේරාජා
#වාසනාඇතා
#සිංහලසංස්කෘතිය
