Golden Eye Care

14/04/2026

Happy New Year 2026 ! 🎉🎆

31/12/2025

Happy New Year 🎆

01/06/2025

මේ ඇසේ සුද නිසා පූර්ණ අන්ධභාවයට පත්වූ පුද්ගලයෙක් (AI),
ඔහුට කිසිවක් පෙනෙන්නේ නෑ, ඔහු රජයේ රෝහලකට ගියත් වසරකට වඩා වැඩි කාලයක් සමහර විට ගතවෙන්න පුළුවන් මෙම සැත්කම කරගන්නට.
සමර අවස්ථා වලදී සැත්කම නොකරම අන්ධවම මියැදෙන්නට සමහරුන්ට සිදුවෙනවා.
ලංකාවේ ලක්ෂ පහළොවක් දෙනා ඇසේ සුද සැත්කම බලාගෙන අවුරුදු පහක්ම ඉන්නවා.
නිසි සැලසුම් මුල්‍ය ප්‍රතිපාදන හා වඩාත් වැදගත් වශයෙන් උනන්දුව නොමැති කම නිසා මේ දෙමාපියන් අන්ධභාවයෙන් මුදවා ගන්නට අපට නොහැකි වේ තිබෙනවා.
හොඳ ඇස් පෙනීමක් ඇතිව ජීවත් වන්නට අප හැමට අයිතිය ක් තිබෙනවා, මුදල් ඇති අය ඇසේ සුද සැත්කම කරගන්නටත් නැති අය අන්ධවී මියයන්නටත් යුතු නැහැ.
ඒ වෙනුවෙන් අප නැගී සිටිය යුතුයි.
මහජන බදු මුදලින් පවත්වාගෙන ලබන සෞඛ්‍ය සේවාවෙන් සහ එම බදු මුදලින් වේතන ලබා අපගෙන් මේ යුතුකම ඉටු විය යුතුමයි.

01/06/2025

13/04/2025

27/04/2024

✳️ඇසේ සුද ගැන ඔයාලට අදහසක් තියෙනවද?👀

✳️ඔයාලට ඇසේ සුද ගැන අවබෝධයක් දෙන්න ඕනේ කියලා හිතුණු හින්දා අද අපේ පේජ් එකෙන් ඒක ගැන කතා කරනවා.🤗

✳️ඇත්තට ඇසේ සුද කියන්නේ මොකක්ද?🤔

✳️ ඔයාලට පුංචි හරි මතකයක් තියෙනවා නම් ඉස්සර ඉස්කෝලේ විද්‍යා පාඩමට ඇහැ ඇඳලා නම් කරනවා මතක ඇතිනේ.

✳️ඉතින් ඒ ඇහේ කාචය තුළින් ආලෝක කිරණ ගමන් කරලා දෘෂ්ටිවිතානය මතට නාභිගත වෙලා ඒ සංඥා මොළයට ගියාම තමයි අපිට රූප පේන්නේ.

✳️ඉතින් මේ කාචය හැදිලා තියෙන්නේ ප්‍රෝටීන තන්තුවලින්.හරියට වීදුරු කෙඳි වගේ.

✳️වයසට යන්න යන්න සම රැළි වැටෙනවා,කොණ්ඩ ඉදෙනවා ඒ වගේම මේ කාචයේ තියෙන ප්‍රෝටීනත් වෙනස්කම් වලට භාජනය වෙනවා.

✳️ඊට පස්සේ තමයි පාරදෘශ්‍ය කාචය පාරාන්ද බවට පත්වෙන්නේ.

😍එතකොට මේ වයසට යන එක විතරමද ඇසේ සුද ඇතිවීමට බලපාන්නේ ?🫤

👁️90% වගේ ලොකු ප්‍රතිශතයක්ම බලපාන්නේ වයසට යන එක තමයි.

👁️ඇහැට හදිසි අනතුරු වෙලා තියෙනවනම් සුද ඇති වීමේ ප්‍රවණතාවයක් තියෙනවා.

👁️පාලනය නොවන දියවැඩියාව

👁️සමහර ඖෂධ වර්ග දීර්ඝ කාලයක් භාවිතය.(steroids ,antipsychotic)

👁️සමහර අක්ෂි රෝග

👁️දැඩි හිරු එළියේ ඇති විකිරණ වලට නිරාවරණය වීම.

👁️මේවට අමතරව උපතින්ම ඇතිවන අවස්ථා තියෙනවා.

👁️එහෙම වෙන්න හේතුව තමයි ,ගර්භනී කාලයේ පළවෙනි මාස තුන ඇතුළත රුබෙල්ලා තත්ත්වය ඇතිවුවහොත් දරුවාට ඇසේ සුද ඇතිවීමේ ප්‍රවණතාවය වැඩියි.
(Congenital cateract)

✳️ඇසේ සුද ඇතිවන එක හඳුනා ගන්නේ කොහොමද?🧐

🔷ඇසේ පෙනීම අඩු වෙනවා. බොඳ වෙලා වගේ පේන්න ගන්නවා.ඇහැට දැලක් දැම්මා වගේ පේන්න ගන්නවා.

🔷මීදුමක් අස්සෙන් බලනවා වගේ තමයි පේන්නේ.

🔴මේක ටිකෙන් ටික වෙන දෙයක්.මේක එන්න එන්න වැඩි වෙනවා මිසක් අඩුවීමක් නම් වෙන්නේ නෑ.

🔷රාත්‍රී කාලයේ පෙනීම අඩුවෙලා යනවා.

🔷සමහර අයට වර්ණවල පැහැදිලිබාවය අඩුවෙලා යනවා.

🔷දෙක දෙක වගේ පේන්න ගන්නවා.

🔷තද ආලෝකයක් ඇහැට ඇතුල් උනාට පස්සේ ඇහේ විසිරිලා ගිහිල්ලා එකපාරටම සුළු මොහොතකට නොපෙනී වගේ යන්න පුළුවන්.

🔷සමහර අයට දුර පේන්නෙ නෑ වගේම සමහර පුද්ගලයන්ට ළඟ පෙනීම එන්න එන්න අඩුවෙනවා.

🔷ඉතින් එයාලා සැරෙන් සැරේ කණ්ණාඩිය 👓 මාරු කරන්න උත්සාහ කරනවා.

✳️සමහර කට්ටිය හිතන් ඉන්නවා එසේ සුද ආවාම ටිකක් කල් ගියාම හරියනවා ඇති කියලා.ඒක වැරදි මතයක්.

✳️එක ඇහැකට ආවම ගොඩක් වෙලාවට අනිත් ඇහැටත් එන්න පුළුවන්.

✳️ අපි ඉක්මනටම ප්‍රතිකාර ගත්තොත් අන්ධභාවය වළක්වා ගන්න පුළුවන්.

✳️ඇසේ සුද ඉවත්කර ගැනීමට නම් කුඩා ශල්‍ය කර්මයක් කළ යුතුය.

✳️ඇත්තටම ඒකට බය විය යුතුද?🤨

✳️ඉස්සර වගේ නම් නෙවෙයි.අලුත් තාක්ෂණ යොදාගෙන කරන මේ ඇසේ සුද ඉවත් කිරීමේ ශල්‍ය කර්මය ලෝකය ගත්තත් ලංකාවේ ගත්තත් ඉතාම සාර්ථක ලෙස සිදුකරන ශල්‍ය කර්ම වර්ග වලින් එකක් .😍

✳️ඒ නිසා මෙයට බිය විය යුතු නැත.

✳️මෙහිදී 2.2mm වැනි ඉතා කුඩා සියුම් කැපුමක් යොදා ඔබගේ ස්වභාවිකව පිහිටා ඇති කාචය ඉවත්කර ඒ වෙනුවට අලුත් කාචයක් සවිකිරීම සිදුකරයි.

✳️මෙහිදී ඔබට ඉස්සර වගේ ඉන්ජෙක්ෂන් විඳලා හිරිවට්ටන්නේ නැත.

✳️හිරි වැටෙන්නට යොදන ජෙල් එකක් ඇහැට යොදයි.

✳️ඉතාමත් අඩු වේලාවකින් ⏰ සිදු කරන ශල්‍ය කර්මයක් වෙයි.බොහෝ කල් රෝහල් ගත වී සිටීමට අවශ්‍ය නැත.

✳️ශල්‍යකර්ම ඉවර වූ පසු eye pad ඇස ආවරණය සඳහා යොදා ගනියි.

✳️පැය විසි හතරක් වැනි සුළු කාලයකදී ඇසේ යොදන ලද කැපුම සුවපත් වේ.

✳️දිය ගිලී නෑම සුදුසු නොවේ.බාහිර පරිසරයේ ඇවිදීම නිසා ඇස විසබීජ වලට නිරාවරණය විය හැකියි .එම නිසා දවස් තුනක් වත් නිවස තුල රැඳී සිටීමට උත්සාහ කරන්න.

✳️ඔබගේ අක්ෂි වෛද්‍යවරයා ඔබට ලබා දෙන උපදෙස් හරියාකාරවම පිළිපදින්න.

🌐මෙම දැනුම යහළුවන් අතරේ ශෙයා කරන්න.

~ කායික රෝග විශේෂඥ වෛද්‍ය ලක්නාත් වෙලගෙදර~