චුට්ටි

05/08/2023

"මාව දරාගන්න පුලුවන්ද....?"

"හ්ම්ම්ම්...."

"මම අනික් කෙල්ලෝ වගේ නෙවි...."

"අපොයි ඔව්. මං ඒක හොඳටම දන්නවා. ඒකනේ ඔයාව තෝරගත්තේ...."

"ඔයාට ලේසි වෙන එකක් නෑ...."

"මං ආසයි අමාරු දේවල් කරන්න...."

"එපා වුණොත් මාව....?"

"එපා වුණොත් ආයේ මාව පොළඹවගන්න. ඒත් එහෙම වෙන එකක් නෑ. ඔයාගේ මේ වෙනසට මං මාරම කැමතියි...."

"මට වෙලාවකට ට්‍රැක් අවුට් වෙනවා...."

"ට්‍රැක් අවුට් ගෑණු තමයි ට්‍රැක් අවුට් පිරිමින්ව හරියටම දන්නේ...."

"මං වෙලාවකට ඔහේ කියවනවා...."

"ඒක හොඳයි. ඔයා ඔයාගේ අදහස් ප්‍රකාශ කරන්න ඕනේ මගෙත් එක්ක...."

"මං වෙලාවකට සයිලන්ට් වෙනවා...."

"මරුනේ.... ඒ වෙලාවට අපි දෙන්නම නිහඬතාවයේ අපූර්වත්වය අත්විඳිමු...."

"මං උයන්න බෑ කිව්වොත්....?"

"බයවෙන්නෙපා. මට උයන්න පුලුවන්. බඩගින්නේ තියන්නෑ ඔයාව මං...."

"මං අවුලෙන් නම්....?"

"එන්න මා ගාවට...."

"මට කේන්ති ගියොත්....?"

"දන්නවා යක්ෂණියක් වගේ කියලා. මං චුට්ටක් ඉවසන්නම්. මොනා කරන්නද....?"

"ඔයාට ඇති වුණොත්....?"

"ඇතිවෙන එකක් නම් නෑ මදිවුණොත් මිසක්...."

"ඇත්තටම මාව දරාගන්න පුලුවන්ද...?"

"පුලුවන් මැණික.... ඔය හැමදේම දැනගෙනයි මං උ ඹ ට ආදරෙයි කිව්වේ...."🙂🥺♥️