08/04/2026
Hand paintings සාරි සෝදන්නෙ මෙහෙමයි 💦
අපි කවුරුත් ආසයි ලස්සන පින්තාරු සාරි අඳින්න. ඒක හරිම සියුම්, කලාත්මක වැඩක්නේ! හැබැයි මේ ලස්සන පින්තාරු සාරියක් හරි ඇඳුමක් හරි "අලුත් පිටම" දිගු කාලයක් තියාගන්න නම්, අපි සෝදනකොට පොඩි පොඩි දේවල් ටිකක් ගැන සැලකිලිමත් වෙන්නම ඕනේ.
1. අතින්ම සෝදන්න: "Washing Machine" එකට නම් පින්තාරු රෙදි කවදාවත් දාන්න එපා. ඒකෙන් රෙද්දට හානි වෙන්න පුළුවන්. හොඳම දේ තමයි මෘදු විදියට, අතින් හෝදන එක. ටිකක් ඉවසීමෙන් හෙමින් සීරුවේ හෝදන්න.
2. සබන් තේරීම හරිම වැදගත්: සැර සබන් කුඩු පින්තාරු පාටට නරකයි. ඒ වෙනුවට, දියර සබන් වගේ මෘදු දෙයක් පාවිච්චි කරන්න. බ්ලීචින් අඩංගු දේවල් නම් කොහෙත්ම පාවිච්චි කරන්න එපා! ඒකෙන් පාට ලේසියෙන් මැකී යන්න පුළුවන්. ඒ වෙනුවට fabric conditioner, සැර අඩු shampoo වර්ග භාවිතා කරන්න පුළුවන්.
3. සෝදන විට පුළුවන් තරන් සෑම වෙලාවේම සීතල වතුර පාවිච්චි කරන්න. උණු වතුරෙන් පින්තාරු පාට මැකී යන්න පුළුවන්.
4. මද පවනේ වියළීම: පින්තාරු ඇඳුම් කවදාවත් තද අව්වේ වේලන්න එපා. හිරු එළිය නිසා ඇඳුමේ පාට ඉක්මනින් මැකී යන්න පුළුවන්. ඒ නිසා හොඳට හුළං වැදෙන, අව්ව තදින් නොවැටෙන හෙවනක වේලා ගන්න.
5. Iron කිරීම : සාරියේ කනපිට iron කළ යුතුය. Pearls, beads එකතු කළ ඇති විට ද කනපිට iron කිරීම පහසු වේ.
මේ පුංචි දේවල් ටික අනුගමනය කළොත්, ඔයාගේ ලස්සන පින්තාරු Collection එක ගොඩක් කල් යනකම් අලුත් වගේ ලස්සනට තියාගන්න පුළුවන්! එහෙනම් මේ උපදෙස් මතක තියාගෙන, ඔයාගේ පින්තාරු ඇඳුම් පරිස්සම් කරගන්න!
නීනා 🦋
(යම් කරුණු උපුටා ගෙන ඇත.)
