27/08/2026
කොහොමද මගෙ ලස්සන ලමයිනේ 💐💐💐💐
මේ මම පොඩ්ඩක් අත් හදා බලපු දේවල් ටිකක්.... 🔥
බ්රශ් එක නැතුව ශේඩ් කරන්න පුළුවන් ද ??????? කියලා බලමුද !
🧐🧐🧐🧐🧐
ෆැබ්රික් පේන්ටිං වලදී ෂේඩිං කරන්න බ්රෂ් එක විතරක් නෙමෙයි තවත් හරිම ලස්සන ක්රම ගොඩක් භාවිත කරන්න පුළුවන්. 🧡
මුලින්ම බ්රෂ් භාවිත කරලා කරන විදිහ සහ අනිත් ක්රම ගැන අලුතෙන්ම පටන්ගන්න කෙනෙක්ට වුණත් පටන්ගන්න පුළුවන් විදිහට ඉතාම සරලව තේරුම් ගනිමුකෝ....
මොනවද ශේඩ් කරන්න හොදම බ්රෂ් ????? 🧐
බ්රෂ් එකෙන් ෂේඩිං කරනවා නම් ඒ සඳහා වඩාත්ම සුදුසු වෙන්නේ
ෆ්ලැට් බ්රෂ්, ඒ කියන්නේ තලතලා අගක් තියෙන බ්රෂ් එක,
ඇන්ගල් බ්රෂ් එක, ඒ කියන්නේ අග ඇලයට කපලා තියෙන බ්රෂ් එක, සහ
ෆිල්බර්ට් බ්රෂ් එක, ඒ කියන්නේ අග තරමක් වටකුරු තලතලා බ්රෂ් එකයි.
ඔය කිව්වෙ මට පහසු වුණ ඒවා හොදද....
මින් ඇන්ගල් බ්රෂ් එක සහ ෆ්ලැට් බ්රෂ් එක භාවිත කරලා ඉතාම පහසුවෙන් වර්ණ දෙකක් එකිනෙකට මිශ්ර කරමින් ෂේඩ් කරන්න පුළුවන්. මතකද දන්නෑ කියලා දුන්නා ඕවා...🧐
මීට අමතරව වියළි ස්වභාවයෙන් ෂේඩ් කරන්න ඩ්රයි බ්රෂ් ක්රමයට රවුම් අගක් තියෙන සොෆ්ට් බ්රෂ් එකක් වුණත් යොදාගන්න පුළුවන්.
හැබැයි සමහර වෙලාවට බ්රශ් නැතුවත් ශේඩ් කරන්න පුළුවන් හොදේ. !
බ්රෂ් එක නැතුව ෂේඩිං කරන්න පුළුවන් අනිත් ප්රධාන ක්රම සහ ඒ සඳහා අවශ්ය දේවල් මෙන්න.😍
✨පළමු ක්රමය ස්පොන්ජ් භාවිතයෙන් ෂේඩිං කිරීමයි.
මෙයට අවශ්ය වෙන්නේ කුඩා ස්පොන්ජ් කැබැල්ලක් සහ ඒක අල්ලගන්න එකක් හෝ කටුවක් පමණයි.
ස්පොන්ජ් කැබැල්ලේ වර්ණ ස්වල්පයක් ගාගෙන රෙද්ද මත තට්ටු කිරීමෙන් ඉතාම ස්වාභාවික මෘදු ෂේඩිං එකක් ලබාගන්න පුළුවන්.
මල් පෙති සහ පසුබිම් ෂේඩ් කරන්න මේ ක්රමය හරිම පහසුයි.
✨✨දෙවන ක්රමය කොටන් බඩ්ස් භාවිතයෙන් ෂේඩිං කිරීමයි.
මෙයට අවශ්ය වෙන්නේ සාමාන්ය කන සුද්ධ කරන කොටන් බඩ්ස් කිහිපයක් පමණයි.
වර්ණයේ ගිල්වා රෙද්ද මත කුඩා තිත් තබමින් හෝ තද කරමින් එකිනෙකට මිශ්ර කිරීමෙන් හරිම ලස්සනට ෂේඩ් කරන්න පුළුවන්. කුඩා මල් සහ නහර රටා සඳහා මේ ක්රමය ඉතා සුදුසුයි.
✨✨✨තුන්වන ක්රමය ඇඟිලි තුඩු භාවිතයෙන් ෂේඩිං කිරීමයි. මෙයට අවශ්ය වෙන්නේ ඔබේ ඇඟිලි තුඩ සහ සිහින් ගොමඩ් හෝ පොලිතීන් කොළයක් පමණයි. අනිත් එක ඉවසීම හොදේ... අනික ඉතින් තීන්ත ටිකක් ගාගන්න වෙනවා අත් වල 😜
රෙද්දට තීන්ත බිංදුවක් තබා ඇඟිලි තුඩෙන් අවශ්ය පැත්තට පිරිමැදීමෙන් ඉතා මෘදු ලෙස වර්ණ පැතිරී යන ෂේඩිං එකක් ගන්න පුළුවන්.
✨✨✨✨හතරවන ක්රමය රෙදි කැබැල්ලක් භාවිතයෙන් ෂේඩිං කිරීමයි. මල් පෙත්තක වගේ නම් පාර දෙකක් ගාලා ඇගිලි තුඩු වලිනුත් ශේඩ් කරන්න පුළුවන් ...
හැබැයි තීන්ත ටිකාක් නාන්න වෙනවා එතකොට.
මෙයට අවශ්ය වෙන්නේ කපු රෙදි කැබැල්ලක් පමණයි. රෙදි කැබැල්ල ඇඟිල්ලේ පටලවාගෙන තීන්ත ස්වල්පයක් ගෙන රෙද්ද මත ඇතිල්ලීමෙන් හෝ තට්ටු කිරීමෙන් පැරණි පෙනුමක් සහිත ස්මූත් ෂේඩිං එකක් ගන්න පුළුවන්.
✨✨✨✨✨පස්වන ක්රමය ටූත් බ්රෂ් එකක් භාවිතයෙන් ෂේඩිං කිරීමයි.
මෙයට පරණ ටූත් බ්රෂ් එකක් අවශ්ය වෙනවා. තීන්ත ටිකක් බ්රෂ් එකේ ගාගෙන ඉසීමෙන් ඉතා කුඩා තිත් වැටෙන ආකාරයේ ලස්සන ෂේඩිං රටාවක් සාදාගන්න පුළුවන්.
මුලින්ම පටන්ගන්න කෙනෙක්ට බ්රෂ් එකකට වඩා ස්පොන්ජ් එකක් හෝ කොටන් බඩ්ස් භාවිත කරලා ෂේඩිං පුරුදු වෙන එකත් හරිම ලේසියි.
කරලා බලන්න ඔයාලත්... 💐✨
මාවත් follow කරන්න. වැදගත් වුණා නම් comment එකක් දාගෙන යන්න..Mark හැම වෙලේම මගෙ reach එක අඩු කරවනවා දැන් දැන් 😭
Ishani's11:11Artistry
