29/06/2026
ආත්ම ගෞරවය කියන්නෙ හරි වටින දෙයක්..! 💜
අපිට පේනවා නම් කෙනෙක් අපිට සලකන්නෙ, එයාට තියෙන ඔප්ෂන් ගොඩකින් එක ඔප්ෂන් එකක් විදියට විතරයි කියලා, එයාව අපිට කොච්චර වටිනවා වුණත්-දිගින් දිගටම එයා අපිව ගණන් ගන්නෙ නෑ කියලා, අපිට කොච්චර දුකක් දැනුණා වුණත් ඒ කෙනාගෙන් ඈතට ගිහිං ජීවත් වෙන්න අපි පුරුදු වෙන්න ඕනි.
නිතරම අපේ ජීවිත වල පෞද්ගලිකත්වය හාර
අවුස්සන, බඳින දවස්-දරුවො හදන දවස් වගේ හැමදේම ගැන නිතර නිතර ප්‍රශ්න කරන මිනිස්සු, කොයි තරම් හිතවත් වුණත් කමක් නෑ කියලා එයාලා ඉස්සරහ ටිකක් තදින් හැසිරෙන්න අපි පුරුදු වෙන්න ඕනි.
අවුරුදු බර ගාණක ඉඳන් දැනගෙන හිටියා වුණත්, උදව්වක් ගන්න ඕනෙ වුණාම විතරක් සීනි බෝල වචන තවරලා කතා කරන, අපි නැති තැන් වල අපිව විවේචනය කරන විදියෙ යාලුවො, ඈත් කරලා තියාගෙන ජීවත් වෙන්න අපි ඉගෙන ගන්න ඕනි.
එහෙම ජීවත් වෙනවා කියන්නෙ ලොකු කමින් ජීවත් වෙනවා කියන එක නෙමේ. අහංකාර වෙනවා හෝ නපුරු වෙනවා කියන එකත් නෙමේ. ඒකෙ තේරුම අපි අපේ ආත්ම ගෞරවයට වටිනාකමක් දෙනවා කියන එක.
අපිට වටිනාකමක් නොදෙන මිනිස්සු වෙනුවෙන් අපි කාලය නාස්ති කරන්න ඕනි නැහැ. අපිට වටිනාකමක් නොදෙන තැන් වල අපි නතර වෙන්න ඕනිත් නැහැ.
ඒ නිසා,
පුලවන් හැම වෙලේම ඔයාගෙ ආත්ම ගෞරවය ආරක්ෂා කරන, ඒකට වටිනාකමක් දෙන මිනිස්සුන්ව විතරක් ජීවිතේ වටේ තියාගන්න උත්සාහ කරන්න..!💜
✍️ Purple Vibes by Mekala - මේකලා දහනායක
