30/04/2026
සංසාර ගමනේ සුන්දර හමුවීම්...මේ හාමුදුරුවො මට මුලින් මුණ ගැහුනෙ වසර ගණනාවකට පෙර.ඒ පූජ්යපාද කඹුරාගල්ලේ නන්ද හාමුදුරුවන් සමග Dallas Fortwarth හි Huong dao විහාරස්ථානයෙදි. ඒ මේ හාමුදුරුවන්ගෙ පන්සල.එදා සහ පසුදා මං නවාතැන් ගත්තෙ ඒ පන්සලේ.එදා මේ හාමුදුරුවො ප්රසිද්ධ නෑ.පැවිදි කරනකොට පඤ්ඤාකර කියන නම තියල තියෙන්නෙත් අපේ නන්ද හාමුදුරුවො.ඉන් පස්සෙ මට මුණ ගැහුනෙ අමෙරිකානු පා ගමනෙ Washington DC අගනුවර. ඒ තොරතුරු අටපට්ටමේ පෙන්නුව.ලංකාවට වැඩම කළ අවස්ථාවෙ මුණ ගැහුනෙ අත්තනගල්ලෙ නායක හාමුදුරුවන්ගෙ ආරාධනයෙන් මා එහි ගිය අවස්ථාවෙ.මාත් දන්න හඳුනන නිසාත්,මා ඒ පන්සලට ගිය කෙනෙක් නිසාත් ,අමෙරිකානු පා ගමනට ගිය එකම විද්යුත් මාධ්යවේදියා මා නිසාත් මට එන්ට කිව්ව. ඒ ගිය අවස්ථාවෙ ගත් ඡායාරූපයක්.
