https://www.facebook.com/908508852342160/

Baby Liyana, Piliyandala (2026)

28/08/2026

පොඩ්ඩා තනියම කෑම කන්න පටන් ගන්න කාලෙට (මාස 8-9 සිට) අතට අහුවෙන, ලේසියෙන් හපන්න පුළුවන් Finger Foods දෙන්න පටන් ගන්න එක එයාගෙන් වර්ධනයට ගොඩක් වැදගත්. අද අපි බලමු ගෙදර තියෙන දේවල් වලින් හරිම ලේසියෙන් හදාගන්න පුළුවන් රසවත් කෑම වර්ග 5ක්!

1.Steamed Carrot & Beetroot Sticks.

හදාගන්නේ මෙහෙමයි: කැරට් සහ බීටෲට් ඇඟිල්ලක දිගට දිගැටියට කපාගන්න. පොඩ්ඩට ඇඟිලි වලින් අල්ලගන්න පුළුවන් වෙන ලෙසත්, විදුරුමසින් තද කරලා තලාගන්න පුළුවන් වෙන ලෙසත් හොඳින් තම්බාගන්න (Steamed).

වාසිය: ඇස් පෙනීමට සහ රුධිර නිෂ්පාදනයට ඉතා හොඳයි.

2. Banana & Oats Pancake.

හදාගන්නේ මෙහෙමයි: හොඳින් ඉදුණු කෙසෙල් ගෙඩියක්(බබා කන)ගෑරැප්පුවකින් හොදින් පොඩි කර ගන්න.ඒකට ඕට්ස් පිටි (Oats powdered) මේස හැඳි 2ක් සහ බිත්තර කහ මදය (මාස 12ට වැඩි නම් මුළු බිත්තරයම) එකතු කරලා හොඳින් මිශ්‍ර කරන්න. කැමති නම් Blender කරගන්න පුළුවන්.පෑන් එකකට unsalted butter ටිකක් දාලා රත් වුනාට පස්සේ කුඩා පැන්කේක් සාදා ගන්න.

වාසිය: බඩ පිරෙන, ශක්තිය දෙන රසවත් කෑමක්.

3.Vegetable & Cheese Omelette Strips.

හදාගන්නේ මෙහෙමයි: බිත්තරයක් ගසා එයට සිහින්ව ලියාගත් නිවිති සහ හොදින් තම්බාගත් අල, කැරට් ,ගාගත් චීස් (Unsalted cheese) ටිකක් එකතු කරන්න.එම මිශ්‍රණයෙන් ඔම්ලට් එකක් සාදාගෙන, නිවුණු පසු පොඩ්ඩට අතින් අල්ලගන්න පුළුවන් දිගැටි තීරු (Strips) වලට කපාගන්න.

වාසිය: ප්‍රෝටීන් සහ කැල්සියම් වලින් පිරිපූර්ණයි.

4.Baked Sweet Potato Wedges.

හදාගන්නේ මෙහෙමයි: බතල හෝ අල දිගැටියට කපාගන්න. ඔලිව් තෙල් හෝ බටර් පොඩ්ඩක් ගා, අවන් එකේ Bake කරගන්න.

වාසිය: ලේසියෙන් දිරවන අතර ප්‍රතිශක්තිකරණය වර්ධනය කරයි.

5. Apple & Cinnamon Finger Toast.

හදාගන්නේ මෙහෙමයි: ඇපල් ගෙඩියක් ගාගෙන (Grated) පොඩියට තම්බාගන්න. පාන් පෙත්තක කුරුඳු කුඩු (Cinnamon) සමඟ ඒ ඇපල් මිශ්‍රණය ගාගෙන දිගැටි තීරු වලට කපාගන්න.

වාසිය: වෙනස්ම රසයක් සහ සුවඳක් එකතු කරයි.

⚠️ අම්මලා මතක තියාගන්න ඕන වැදගත් කරුණු.

✅Finger foods දෙද්දී හැමවෙලාවෙම පොඩ්ඩා ළඟින්ම ඉන්න (Choking Hazard අවදානම වළක්වාගැනීමට).

✅කෑම කැබලි ඇඟිල්ලෙන් තද කළ විට තැලෙන තරමට මෘදු විය යුතුය.

✅ලුණු හෝ සීනි එකතු කිරීමෙන් වළකින්න.

ඔයාගේ පොඩ්ඩා ආසම Finger Food එක මොකක්ද? පහළින් Comment එකක් දාගෙන යන්න! 👇

-Baby Liyana-
✍Copy,Paste කිරීමට නොව Share කිරීමට පමණී.

මෙවැනි ලිපි කියවීමට Baby Liyana Fb page එක Follow කරලා තියාගන්න ❤️

27/08/2026

ඇනෝමලී ස්කෑන් (Anomaly Scan) එක කියන්නේ මොකක්ද?

ගැබිනි සමයේදී අම්මා කෙනෙක් කරන ඉතාම වැදගත් ස්කෑන් පරීක්ෂණයක් තමයි Anomaly Scan (එහෙමත් නැත්නම් Detailed Ultrasound Scan / 20-Week Scan) කියන්නේ.

මේ ස්කෑන් එක කරන්නේ ඇයි?

✅ පැටියාගේ හිසේ සිට දෙපතුල දක්වා සෑම ශරීර අවයවයක්ම (මොළය, හදවත, කොඳුඇට පෙළ, වකුගඩු, බඩවැල්, අත් සහ පයින්) නිවැරදිව වර්ධනය වී ඇත්දැයි සවිස්තරාත්මකව පරීක්ෂා කිරීමට.

✅ළදරුවාගේ උපතින් පසු හඳුනාගත හැකි ශාරීරික හෝ ව්‍යුහමය වෙනස්කම් (Congenital abnormalities) කලින්ම හඳුනා ගැනීමට.

✅ වැදමහල්ල (Placenta) පිහිටා ඇති ස්ථානය, ඇම්නියොටික් දියර (Amniotic fluid) ප්‍රමාණය සහ ගර්භාෂ ගෙලෙහි (Cervix) දිග පරීක්ෂා කිරීමට.

ස්කෑන් එක කරන්නේ කවදාද?

✅සාමාන්‍යයෙන් මෙම ස්කෑන් පරීක්ෂණය ගැබ්ගෙන සති 18 ත් 22 ත් අතර කාලයේදී සිදු කරනු ලබයි.

අම්මිලා දැනගත යුතු වැදගත් කරුණු.

🔅කාලය: මෙය ඉතා සවිස්තරාත්මක පරීක්ෂණයක් නිසා විනාඩි 20 සිට 45 දක්වා පමණ කාලයක් ගත විය හැක.

🔅 පැටියාගේ පිහිටීම: පැටියා ඉන්න ඉරියව්ව අනුව අවයව පැහැදිලිව පෙනෙන්න නැත්නම්, දොස්තර මහත්මයා ඔබට ටිකක් ඇවිදලා එන්න කියන්න පුළුවන්.

🔅බිය විය යුතු නැත: මෙය සම්පූර්ණයෙන්ම වේදනා රහිත, අල්ට්‍රාසවුන්ඩ් (Ultrasound) තාක්ෂණය භාවිතයෙන් කරන ආරක්ෂිත පරීක්ෂණයකි.

ඔබේ වෛද්‍යවරයා නියම කරන නිවැරදි කාලයේදී මේ ස්කෑන් එක කරගන්න අමතක කරන්න එපා!❤️

-Baby Liyana-
✍Copy,paste කිරීමට නොව share කිරීමට පමණී.

තවත් වැදගත් ලිපි කියවීමට Baby Liyana Fb Page එක Follow කරලා තියා ගන්න ❤️

26/08/2026

1. අලිගැටපේර (Avocado)

ගුණය: සෞඛ්‍ය සම්පන්න අසංතෘප්ත තෙල් (Healthy Fats) සහ කැලරි ඉහළින්ම අඩංගු පලතුරකි.

දෙන ආකාරය: අලිගැටපේර පොඩි කර ඒ අයුරින්ම හෝ මව්කිරි/formula ස්වල්පයක් මිශ්‍ර කර පියුරි එකක් ලෙස දිය හැක. මාස 8-9ට වැඩි බබාලට අලිගැටපේර කැබලි පෙති කපා finger food ලෙසද දිය හැක.

2. රටඉඳි සහ කජු (Nut & Date Paste)

ගුණය: ප්‍රෝටීන්, යකඩ සහ කැලරි බහුල බැවින් බබාගේ බර ඉක්මනින් වැඩි කිරීමට උපකාරී වේ.

දෙන ආකාරය: කජු හෝ බදම් පෙඟවා අඹරාගත් පේස්ට් එකක් (Nut butter) හෝ පොඟවාගත් රටඉඳි පේස්ට් එකක් කැඳ, සුපිරි හෝ වෙනත් පලතුරු පියුරි එකකට තේ හැන්දක් එකතු කරන්න. (සැ.යු: ඇලජි (Allergy) තත්ත්වයන් පිළිබඳව සැලකිලිමත් වන්න).

3. යකඩ සහ කැලරි පිරි අල වර්ග (Sweet Potato & Potato)

ගුණය: කාබෝහයිඩ්‍රේට් සහ ශක්තිය හොඳින් අඩංගු වේ.

දෙන ආකාරය: බතල, ඌව අල හෝ අර්තාපල් තම්බා හොඳින් පොඩි කර ගී (Ghee) හෝ බටර් ස්වල්පයක් එකතු කර දෙන්න.

4. බිත්තර කහ මදය (Egg Yolk)

ගුණය: හොඳ තෙල්, ප්‍රෝටීන් සහ විටමින් A, D, B12 බහුල ආහාරයකි.

දෙන ආකාරය: බිත්තරයක් හොඳින් තම්බා එහි කහ මදය පමණක් ගෙන පොඩි කර බටර් ස්වල්පයක් හෝ මව්කිරි මිශ්‍ර කර දෙන්න. (මාස 8න් පසු සම්පූර්ණ බිත්තරයම ලබා දිය හැක).

5. එළගි තෙල් (Ghee) සහ ලුණු නොදැමූ බටර් (Unsalted Butter)

ගුණය: කුඩා ආහාර ප්‍රමාණයකින් වැඩි කැලරි ප්‍රමාණයක් ලබා දීමට හොඳම ක්‍රමයකි.

දෙන ආකාරය: බබාට සාදන එළවළු පියුරි, කැඳ හෝ තම්බාගත් අල වර්ගවලට එළගි තෙල් හෝ අන්සෝල්ටඩ් බටර් තේ හැඳි භාගයක් එකතු කරන්න.

6. කෙසෙල් (Bananas)

ගුණය: පෝෂ්‍යදායී, ජීරණය පහසු මෙන්ම කැලරි අධික පලතුරකි.

දෙන ආකාරය: හොඳින් පැසුණු කෙසෙල් ගෙඩියක් පොඩි කර හෝ වෙනත් පලතුරු/යෝගට් සමඟ මිශ්‍ර කර ලබා දිය හැක.

7. මුදවාපු කිරි (Curd) / යෝගට් (Full Fat Fresh Yogurt)

ගුණය: කැල්සියම්, ප්‍රෝටීන් සහ ජීරණයට උපකාරී වන ප්‍රොබයෝටික්ස් අඩංගු වේ.

දෙන ආකාරය: මාස 7-8 සිට බබාට සම්පූර්ණ යොදය සහිත (Full Cream) මුදවාපු කිරි හෝ යෝගට් ස්වාභාවික පලතුරු පියුරි (කෙසෙල්, ඇපල්) සමඟ මිශ්‍ර කර දෙන්න.

🌸මව්වරුන් සැලකිලිමත් විය යුතු වැදගත් කරුණු.

• ඕනෑම අලුත් කෑමක් හඳුන්වා දීමේදී දින 3 රීතිය (3-day Wait Rule) අනුගමනය කරන්න.

• අවුරුද්දට අඩු බබාලගේ කෑමවලට සීනි හෝ ලුණු කිසිසේත්ම එකතු කරන්න එපා.

•බබාගේ බර එකවරම වැඩි කිරීමට උත්සාහ නොකර, සෞඛ්‍ය සම්පන්න ලෙස සක්‍රීයව තබා ගැනීමට අවධානය යොමු කරන්න.

-Baby Liyana-
✍ Copy, Paste කිරීමට නොව Share කිරීමට පමණී..

තවත් මෙවැනි ලිපි කියවීමට Baby Liyana Fb Page එක Follow කරලා තියාගන්න.❤️

25/08/2026

බබාගේ කන විදින්න ආරක්ෂිතම සහ සුදුසුම කාලය වන්නේ මාස 3 ත් 6 ත් අතර කාලයයි.

ඊට ප්‍රධාන හේතු කිහිපයක් තිබෙනවා.

🔘 ප්‍රතිශක්තිකරණ එන්නත් ලබා දී තිබීම: මාස 2 සහ 4 දී ලබා දෙන මූලික එන්නත් (විශේෂයෙන් පිටගැස්ම/Tetanus එන්නත) ලබා දීමෙන් පසු කන විදීම මගින් ආසාදන ඇතිවීමේ අවදානම අවම වේ.

🔘 කන් පෙත්ත හොඳින් වැඩී තිබීම: මේ වයස වන විට කන් පෙත්තේ හැඩය පැහැදිලිව හඳුනාගත හැකි නිසා නිවැරදි ස්ථානයෙන් කන විදීමට පහසු වේ.

🔘 බබා අත්වලින් කන ඇදීමට ඇති ඉඩකඩ අඩු වීම: කුඩා මාසවලදී බබා තවමත් අත්වල චලනයන් පාලනය කිරීමට නොදන්නා බැවින්, කන විදීමෙන් පසු කරාබුව අතින් ඇද ගැලවීමට හෝ තුවාල කර ගැනීමට ඇති ඉඩකඩ අඩුය.

⚠️ කන විදීමේදී සැලකිලිමත් විය යුතු වැදගත් කරුණු.

🔘 සුදුසු තැනක් තෝරාගන්න: පළපුරුදු හෙද නිලධාරිනියක්, වෛද්‍යවරයෙක් හෝ සෞඛ්‍යාරක්ෂිත ක්‍රමවේද අනුගමනය කරන ස්ථානයකින් පමණක් කන විදින්න.

🔘 අමුද්‍රව්‍ය (Material): රත්රන් (Gold), ප්ලැටිනම් (Platinum) හෝ Surgical Steel වලින් සාදන ලද කරාබු භාවිතා කරන්න. නිකල් (Nickel) අඩංගු ආභරණ නිසා සමේ අසාත්මිකතා ඇතිවිය හැක.

🌸කන විදීමෙන් පසු ආරක්ෂාව.

✅දිනපතා කන විදින ලද ස්ථානය පිරිසිදු කර වියළිව තබන්න.

✅ සබන් හෝ වතුර තැවරීමෙන් පසු මෘදු රෙදි කඩකින් තෙත මාත්තු කරන්න.

✅තුවාලය සුව වන තෙක් (සති 4-6 අතර කාලයක්) කරාබුව ගලවන්න එපා.

✅රතු වීම, ඉදිමීම, සැරව ගැලීම හෝ බබා නොනවත්වා හැඬීම වැනි ආසාදන ලක්ෂණ ඇත්නම් වහාම වෛද්‍ය උපදෙස් ලබාගන්න.

-Baby Liyana-
✍ Copy, paste කිරීමට නොව share කිරීමට පමණී.

තවත් මෙවැනි ලිපි කියවන්න Baby Liyana page එක Follow කරලා තියාගන්න.

25/08/2026

පුංචි පැටියා බණ්ඩියෙ ඉද්දී… 💕
අම්මා වැඩිපුරම අහපු favourite song එක මොකක්ද?

Comment එකකින් අපිටත් කියන්න. 🥰

-Baby Liyana-🌸

24/08/2026

දරුවෙකුගේ පළමු පියවර තැබීම සෑම මවුපියෙකුටම ඉතාමත් ප්‍රීතිමත් අවස්ථාවක්. නමුත් බොහෝ දෙනෙක් කරන ලොකුම වරදක් තමයි දරුවාට නියමිත කාලයට කලින්, බලහත්කාරයෙන් ඇවිදවීමට උත්සාහ කිරීම.

🔅බලහත්කාරයෙන් ඇවිදවීමේදී සිදුවන හානි.

🔘අස්ථි සහ සන්ධි මත අනවශ්‍ය තෙරපීම: දරුවෙකුගේ පාදවල අස්ථි සහ පේශි පූර්ණ ලෙස ශක්තිමත් වීමට පෙර සිටුවීමට හෝ ඇවිදවීමට යාමෙන් කොඳු ඇට පෙළ, උකුල් සන්ධි සහ පාදවල අස්ථි ඇද වීම් (කකුල් වක ගැසීම්) සිදුවිය හැකිය.

🔘මාංශ පේශි වර්ධනයට බාධා වීම: ඇවිදීමට පෙර බඩගෑම (Crawling) දරුවෙකුගේ අත්, පපුව සහ කොඳු ඇට පෙළේ පේශි ශක්තිමත් කිරීමට ඉතා වැදගත් වේ. බඩගෑම මඟහැර කෙළින්ම ඇවිදීමට යාමෙන් මෙම වර්ධනය මඟහැරී යයි.

🔘සමබරතාවය සහ සම්බන්ධීකරණය පමා වීම: දරුවා තමාගේම උත්සාහයෙන් නැගී සිටීමට උත්සාහ කිරීමෙන් මොළය සහ ශරීරයේ සමබරතාවය (Balance & Coordination) දියුණු වේ. බලහත්කාරයෙන් ඇවිදවීමේදී මෙම ස්වාභාවික පුහුණුව අහිමි වේ.

🔘 Walkers (ඇවිදින කරත්ත) භාවිතයේ අවදානම: Baby Walkers භාවිතය නිසා දරුවා නිවැරදි ලෙස යටි පතුල තබා ඇවිදීම වෙනුවට ඇඟිලි තුඩුවලින් ඇවිදීමට පුරුදු විය හැක. එමෙන්ම මෙය බරපතල අනතුරු සඳහාද මග පාදයි.

🌸මවුපියන් ලෙස ඔබ කළ යුත්තේ කුමක්ද?

🔘 දරුවාට කාලය දෙන්න: සෑම දරුවෙකුගේම වර්ධන වේගය එකිනෙකට වෙනස් වේ. සාමාන්‍යයෙන් දරුවෙකු මාස 9 - 18 අතර කාලය තුළ ස්වාභාවිකවම ඇවිදීමට පටන් ගනී.

🔘 බිම සෙල්ලම් කිරීමට ඉඩ දෙන්න: දරුවාට ආරක්ෂිත ලෙස බිම පෙරළීමට, බඩගෑමට සහ බඩු බාහිරාදිය අල්ලාගෙන නැගී සිටීමට සුදුසු වටපිටාවක් සකසා දෙන්න.

🔘 පාවහන් නොමැතිව තබන්න: ගෙදර ඇතුළතදී පාවහන් නොමැතිව පයින් ඇවිදීමට ඉඩ දීමෙන් පාදවල පේශි ශක්තිමත් වන අතර සමබරතාවය තබා ගැනීමට ලෙහෙසි වේ.

දරුවාගේ ශරීරය සූදානම් වූ පසු ඔවුන් ස්වාභාවිකවම තනිවම පියවර තබනු ඇත. අනවශ්‍ය ලෙස කලබල නොවී ඔවුන්ගේ ස්වාභාවික වර්ධනයට සහාය දක්වමු ❤️

-Baby Liyana-
✍ Copy, paste කිරීමට නොව share කිරීමට පමණී.

තවත් ලිපි කියවන්න Baby Liyana page එක Follow කරලා තියාගන්න ❤️

21/08/2026

සුට්ටන් කාලේ 🥰🧿

19/08/2026

දරුවෙක් අඬලා හෝ තදින් මුරණ්ඩු වෙලා (Tantrums) යමක් ඉල්ලද්දී ගොඩක් මව්පියන්ට හිතෙන්නේ "අනේ පව්, ඇඬුවා ඇතිනේ" කියලා ඒ ඉල්ලන දේ ඉක්මනින්ම අරන් දෙන්නයි. ඒත් ඇත්තටම එහෙම කිරීම දරුවාගේ අනාගත හැසිරීමට නිවැරදි බලපෑමක්ද කරන්නේ?

🔘 අඬද්දී ඉල්ලන දේ දුන්නොත් මොකද වෙන්නේ?

දරුවෙක් අඬලා යමක් ඉල්ලන සෑම අවස්ථාවකදීම අපි ඒ දේ ලබා දුන්නොත්, දරුවාගේ මොළයට යන පණිවිඩය තමයි "මට ඕන දෙයක් ලබාගන්න තියෙන හොඳම ක්‍රමය ඇඬීම සහ මුරණ්ඩු වීම" යන්නයි. කාලයත් එක්ක මෙය පුරුද්දක් බවට පත්වී දරුවාගේ හැසිරීම පාලනය කිරීමට අපහසු විය හැක.

🔘 මේ වෙලාවට මව්පියන් විදිහට නිවැරදිව ක්‍රියා කරන්නේ කොහොමද?

1. සන්සුන්ව සිටින්න (Stay Calm)

දරුවා කෑගසා අඬන විට ඔබත් කෝපයට පත් වීමෙන් ගැටලුව වැඩි වේ. සන්සුන්ව, ස්ථාවරව සිටින්න.

2. ඇඬීමට නෙවෙයි, හැඟීමට අවධානය දෙන්න.

"ඔයාට ඒ සෙල්ලම් බඩුව ඕන කියලා මට තේරෙනවා, ඒත් දැන් අපිට ඒක ගන්න බෑ" වැනි වචනවලින් දරුවාගේ හැඟීම තේරුම් ගෙන ඇති බව පෙන්වන්න. නමුත් තීරණය වෙනස් නොකරන්න.

3. "නැහැ" යන්න ස්ථිරව කියන්න (Be Consistent).

එක් වරක් "බැහැ" යැයි පැවසුවහොත්, දරුවා කොපමණ ඇඬුවත් එම තීරණයේ සිටින්න. අඬන නිසා අදහස වෙනස් කළහොත් දරුවා එම "ඇඬීමේ උපක්‍රමය" නිතර භාවිතා කරනු ඇත.

4. අවධානය වෙනත් දෙසකට යොමු කරන්න (Distraction)

විශේෂයෙන් කුඩා බබාලට අඬන අවස්ථාවේදී වෙනත් ආකර්ෂණීය දෙයක්, සින්දුවක් හෝ වෙනත් ක්‍රියාකාරකමක් පෙන්වා අවධානය වෙනතකට යොමු කරන්න.

5. සන්සුන් වූ පසු පැහැදිලි කරන්න.

දරුවා අඬන අතරතුර උපදෙස් දීමෙන් ඵලක් නැත. ඇඬීම නවත්වා සන්සුන් වූ පසු, අඬන්නේ නැතිව ඉල්ලන විට සවන් දෙන බවත්, ඇතැම් දේවල් ලබා දිය නොහැකි හේතුවත් සරලව වටහා දෙන්න.

6. නිවැරදි හැසිරීම අගය කරන්න.

දරුවා යම් දෙයක් අඬන්නේ නැතිව ඉවසීමෙන් ඉල්ලන විට හෝ ඔබ කියන දේ අසා සිටින විට ඔහුව/ඇයව අගය කරන්න (Positive Reinforcement).

🌸 මතක තබා ගන්න.

දරුවෙකුට "නැහැ" යන්න දරාගැනීමේ හැකියාව (Self-regulation & Patience) කුඩා කාලයේදීම පුරුදු කිරීම, ඔවුන්ගේ අනාගත පෞරුෂ වර්ධනයට ඉතාමත් වැදගත් වේ. ආදරය පෙන්වීම යනු දරුවා ඉල්ලන සෑම දෙයක්ම ලබාදීම නෙවෙයි! ❤️

-Baby Liyana-
✍ Copy, paste කිරීමට නොව share කිරීමට පමණී.

19/08/2026

අපේ අම්මලා ගොඩක් වෙලාවට හිතන්නේ බබා එක්ක සැමවෙලාවෙම කවුරුහරි සෙල්ලම් කරන්න ඕනේ කියලයි. ඒත් දන්නවද? බබා තනියම සෙල්ලම් කරන්න (Independent Play) පුරුදු වෙන එක එයාගේ අනාගතයට ඉතාම වැදගත් කුසලතාවයක්!

තනියම සෙල්ලම් කරනවා කියන්නේ බබාව කොන් කිරීමක්වත්, අතහැර දැමීමක්වත් නෙවෙයි. ඒක බබාගේ වර්ධනයට ලැබෙන විශාල රුකුලක්.

🌸තනියම සෙල්ලම් කිරීමෙන් බබාට ලැබෙන වාසි.

1. නිර්මාණශීලීත්වය සහ කල්පනා ශක්තිය වැඩිවීම (Enhances Creativity)

අන් අයගේ මැදිහත්වීමක් නැතිව තමන්ගේම ලෝකයක සෙල්ලම් බඩු තෝරාගනිමින්, ඒවායෙන් අලුත් දේවල් නිර්මාණය කරන්න බබා පෙළඹෙනවා.

2. තනිවම ගැටලු විසඳීමේ හැකියාව (Problem Solving Skills)

බ්ලොක් එකක් උඩින් තව එකක් තියන්නේ කොහොමද, වැටුණු සෙල්ලම් බඩුව ආපසු ගන්නේ කොහොමද වැනි පුංචි ගැටලු තනියම විසඳගන්න බබා උත්සාහ කරනවා.

3. ආත්ම විශ්වාසය සහ ස්වාධීනත්වය (Self-Confidence & Independence)

"මටත් තනියම දෙයක් කරන්න පුළුවන්" කියන හැඟීම බබා තුළ ඇති වෙනවා. මෙය අනාගතයේදී ස්වාධීන පුද්ගලයෙකු වීමට පදනම දමනවා.

4. අවධානය සහ එකඟතාවය වර්ධනය වීම (Focus & Concentration)

බාහිර බාධා නැතිව එකම දේක ටික වේලාවක් නිරත වීමෙන් බබාගේ අවධානය පවත්වා ගැනීමේ හැකියාව වැඩි වෙනවා.

5. තමන්ගේ හැඟීම් පාලනය කරගැනීමට පුරුදු වීම (Self-Regulation)

තනිකම හෝ පාලුව දැනෙන අවස්ථාවලදී තමන්වම අශ්වසා ගැනීමටත් (Self-soothing), තමන්ගේ කාලය සතුටින් ගත කිරීමටත් බබා ඉගෙන ගන්නවා.

🌸අම්මලාට සහ තාත්තලාට ලැබෙන සහනය.

බබා තනියම සෙල්ලම් කරන අතරතුර අම්මාට ගෙදර දොරේ වැඩක් කරගැනීමට හෝ පුංචි විවේකයක් (Self-care time) ලබාගැනීමට කාලය ලැබෙනවා.

බබා ඕනවට වඩා දෙමාපියන් මතම යැපීම (Clingy nature) අඩු වෙනවා.

🔘බබාව Independent Play සඳහා පුරුදු කරන්නේ කොහොමද?

1. ආරක්ෂිත පරිසරයක් සාදන්න: බබා සෙල්ලම් කරන ස්ථානයේ තුවාල විය හැකි දේවල් නොමැති බව තහවුරු කරගන්න.

2. වයසට ගැලපෙන සෙල්ලම් බඩු: ප්ලාස්ටික් බ්ලොක්ස්, සින්පල් පසල්, චිත්‍ර ඇඳීමේ පොත් වැනි බබාට තනියම යමක් කළ හැකි සෙල්ලම් බඩු ලබාදෙන්න.

3. ටිකෙන් ටික පටන් ගන්න: මුලින්ම විනාඩි 5-10කින් පටන් ගෙන හෙමින් හෙමින් කාලය වැඩි කරන්න.

4. ළඟින් සිටින්න, ඒත් මැදිහත් නොවන්න: බබාගේ පෙනෙන මානයේ සිටින්න, නමුත් බබා සෙල්ලම් කරන ආකාරයට මැදිහත් නොවී නිහඬව නිරීක්ෂණය කරන්න.

📌 මතක තබාගන්න: Independent Play කියන්නේ එක පාරටම කරන්න පුළුවන් දෙයක් නෙවෙයි. ඒ සඳහා ඉවසීම සහ පුහුණුව අවශ්‍යයි.

ඔයාගේ බබාත් තනියම සෙල්ලම් කරන්න කැමතිද? එයා ආසම සෙල්ලම් බඩුව මොකක්ද? කමෙන්ට් එකක් දාගෙන යන්න! ⬇️

-Baby Liyana-
✍ copy , paste කිරීමට නොව share කිරීමට පමණී.

19/08/2026

අපේ පුංචි පැටවුන්ට මාස 6 පිරුණාම අපි අලුතින් කෑම හඳුන්වා දෙන්න පටන් ගන්නවානේ. ගොඩක් අම්මලාට තියෙන ලොකුම ප්‍රශ්නයක් තමයි "කෑම එකේ රහක් නෑනේ, ලුණු ටිකක් දැම්මාට කමක් නැද්ද?" කියන එක.
නමුත් වයස අවුරුද්දක් (මාස 12ක්) පිරෙන තෙක් බබාගේ කිසිම ආහාරයකට ලුණු (Salt) එකතු නොකළ යුතුය.

මාස 12ට අඩු බබුන්ට ලුණු නොදිය යුත්තේ ඇයි?

🔘 වකුගඩු වලට වෙන බලපෑම: කුඩා බබුන්ගේ වකුගඩු තවමත් සම්පූර්ණයෙන් වර්ධනය වී නැත. වැඩිපුර ලුණු ශරීරගත වීමෙන් වකුගඩු මත අධික පීඩනයක් ඇති වේ.

🔘ලේ ධමනි සහ හදවත: කුඩා කාලයේදීම ලුණු පුරුදු කිරීමෙන් පසුකාලීනව අධි රුධිර පීඩනය (High BP) වැනි තත්ත්වයන් ඇතිවීමේ අවදානම වැඩි වේ.

🔘ස්වාභාවික රසය හඳුනාගැනීම: බබාට ආහාරවල ස්වාභාවික රසය විඳින්න ඉඩ දෙන්න. වැඩිහිටියන්ට වගේ කෑමට ලුණු, සීනි ඕනේ කියලා බබාලා හිතන්නේ නෑ!

📊 වයස අනුව බබාට දිනකට අවශ්‍ය වන උපරිම ලුණු ප්‍රමාණය:

✅ මාස 0 - 12 - ලුණු එකතු නොකළ යුතුයි.
(දිනකට 0.4g වඩා අඩු ප්‍රමාණයක් මව්කිරි/ formula මගින් ස්වභාවිකව ලැබේ.)

✅ අවුරුදු 1 - 3 දක්වා - තේ හැදි 1/2 කට වඩා අඩුවෙන්
( දිනකට 2g )

✅ අවුරුදු 4 - 6 දක්වා - තේ හැදි 1/2 කට ආසන්නව
( දිනකට 3g )

⚠️ අම්මිලා විශේෂයෙන් පරීක්ෂා කළ යුතු දේ.

අපි ලුණු එකතු නොකළත්, වෙළඳපොලෙන් ගන්නා ඇතැම් කෑම වර්ගවල සැඟවුණු ලුණු (Hidden Salt) තියෙන්න පුළුවන්. ඒ නිසා මේවා බබාලාට දීමෙන් වළකින්න:

• චීස් සහ බටර් (Unsalted Butter පමණක් භාවිත කරන්න)

•සීනි අදික බිස්කට් වර්ග.

•ටින් කළ ආහාර (Canned foods) සහ සෝස් වර්ග
පැකට් කළ ක්ෂණික ආහාර (Instant soups, noodles, chips)

💡 ලුණු නැතුව කෑම රස කරන්නේ කොහොමද?

•කුරුඳු, එනසාල්, කරාබුනැටි වැනි ස්වාභාවික කුළුබඩු ස්වල්පයක් එකතු කරන්න.

•සුදුලූනු, ඉඟුරු, කොත්තමල්ලි කොළ, ගෝල්ඩන් ඔලිව් ඔයිල් හෝ එළඟිතෙල් ස්වල්පයක් එක්කරන්න.

• එළවළු, පලතුරු තම්බා ගත් ස්වාභාවික රසය බබාට හුරු කරන්න.

ඔබේ පුංචි පැටවාගේ අනාගත සෞඛ්‍ය සම්පන්න ජීවිතයට අද තබන මේ පුංචි පියවර ගොඩක් වැදගත් වේවි! ❤️

-Baby Liyana-
✍Copy , paste කිරීමට නොව share කිරීමට පමණී.

Baby Liyana

28/08/2026

27/08/2026

26/08/2026

25/08/2026

25/08/2026

24/08/2026

21/08/2026

19/08/2026

19/08/2026

19/08/2026

Address

Website

Alerts

Shortcuts

Share

Category

Listing takedown request