20/10/2024
“භවත් ගෞතමයන් වහන්ස, මිනිසත් බවට පැමිණි මනුෂ්යයන් තුළ යම් යම් ළාමක ස්වභාවයන් ද, උතුම් ස්වභාවයන් ද දකින්ට ලැබෙයි. එයට හේතුව කුමක්ද? ප්රත්යය කුමක්ද? භවත් ගෞතමයන් වහන්ස, අල්ප ආයුෂ ඇති මනුෂ්යයෝ දකින්ට ලැබෙත්. දිගාසිරි විඳින උදවියත් දකින්ට ලැබෙත්. බොහෝ ආබාධ ඇති උදවියත් දකින්ට ලැබෙත්. අල්ප ආබාධ ඇති උදවියත් දකින්ට ලැබෙත්. විරූපී අයත් දකින්ට ලැබෙත්. ඉතාමත් රූප සෝභා ඇති අයත් දකින්ට ලැබෙත්. ස්වල්ප ආනුභාව ඇති අයත් දකින්ට ලැබෙත්. මහේශාක්ය උදවියත් දකින්ට ලැබෙත්. අල්පභෝගී අයත් දකින්ට ලැබෙත්. බොහෝ සැප සම්පත් විඳින අයත් දකින්ට ලැබෙත්. නීච කුලයේ උපන් අයත් දකින්ට ලැබෙත්. උසස් කුලීනයන් ද දකින්ට ලැබෙත්. ප්රඥා රහිත උදවියත් දකින්ට ලැබෙත්. එසේ ම ප්රඥාවන්ත උදවියත් දකින්ට ලැබෙත්. භවත් ගෞතමයන් වහන්ස, මිනිසත් බවට පැමිණි මනුෂ්යයන් තුළ යම් යම් ළාමක ස්වභාවයන් ද, උතුම් ස්වභාවයන් ද දකින්ට ලැබෙයි. එයට හේතුව කුමක්ද? ප්රත්යය කුමක්ද?”
“පින්වත් තරුණය, සත්වයෝ සිටින්නේ කර්මය තමාගේ දෙය කරගෙන ය. කර්මය දායාදය කොටගෙන ය. කර්මය උත්පත්ති ස්ථානය කොටගෙන ය. කර්මය ඤාතියා කොටගෙන ය. කර්මය පිළිසරණ කොටගෙන ය. මේ ළාමක උසස් ස්වභාවයට සත්වයන්ව බෙදන්නේ කර්මය ය.”
(චූළ කම්මවිභංග සූත්රය - ම.නි. 3)
