27/11/2018
$17,18 9-12 years
$16,03 5-8 years
البضاعة من البوست اللي قبله
السلام عليكم
لو حد ييبي يشري بضاعة اطفال من تركيا انا نقدر نساعدك
بضاعة الاطفال ومحلات الجملة علي طريقي للجامعة
تمام كيف يتم الموضوع
انا نصور بضاعة المحلات وانحط اسعارها علي النت والبضاعة اللي تعجبك انت قولي عليها وانا نشحنها لك
اول حاجة لازم تعرفوها انه البضاعة جملة بعض المحلات او المصانع يقولك عادي اشري اي حاجة وارفعها وبعضهم يقولك لا لازم تشري البضاعة اللي في المحل كلها
المهم كيف طريقة التخليص والشحن
اول شي لازم تختار شركة الشحن اللي تبيها فيه شركة دانش وفيه المتوكل وغيرها وتفتح معاهم حساب بالبلاش وتسئلهم علي تكلفة الشحن معاهم اللي تكلف اتنين دينار علي الكيلو
بعدين متلا تبي تشري بضاعة شنو الخطوات
اول حاة تمشي تحط الفلوس قيمة البضاعة في حسابك متع الشركة وتعطيني رقم الكود وتقوللهم انه في بضاعة بتوصل نوعيتها كدا وعددها كدا
بعدها انا حنمشي لالي صاحب المصنع ونعطيه الطلبية ورقم حسابك وهوا حيتصل بالشركة ويتأكد انه فيه فلوس حق البضاعة وبعدها حيجهز الطلبية وتاني يوم توصل البضاعة للشركة الشحن
شركة الشحن حتتأكد من انه البضاعة نفس اللي طلبته ونفس العدد لو كل شئ تمام حيسلمو الفلوس الي صاحب المصنع
وانت تراجي بضاعتك لين توصل في العادة في شحنة تطلع كل شهر علي حسب الشركة انت تقدر تتصل بالشركة وتسئلهم امتي طالعة الشحنة
فيه نقطة مهمة لما تختار بضاعة لازم يوصل عددها للكمية محرزة للشحن متلا الكبابيط لازم تشري 20 سيريا وكل سيريا اربعة او خمسة قطع باش صاحب المحل يوصلها الي شركة الشحن الشئ الاخر لما الدير طلبية كبيرة مع محل تقدر عادي تشري شوية قطع من محلات الجملة التانية وهما عادي يوصلوها مع طلبيتك الكبيرة
والا اداشريت كمية كمحرزة يشحنوها بروحهم
وكدالك فيه الضريبة التركية شركات الليبية ماتشحنش في البضاعة الا ادا دفعت الضريبة موضوع قانوني يعني
الكبابيط هما اغلي حاجات متوفرة في السوق انشاءالله خلال الاسبوع هدا تو نعرض بضاعة مصنع تاني او محل تاني حاجات رخيصة وحتعجبكم
