Natural Beauty with Afaf

Natural Beauty with Afaf Contact information, map and directions, contact form, opening hours, services, ratings, photos, videos and announcements from Natural Beauty with Afaf, Tripoli.

نشارك معاك تجاربي للمنتجات وعنايتي بجمالي ❤️
نشارك في تجاربي في التغذية صحية ورياضة ❤️
لانه الجمال يبدأ من الداخل 🌟❤️
لست دكتورة ولا اخصائية تجميل 💄
باحثة شغوفة علي منتجات والصحة ❤️
تجاربي شخصية ❤️

نصحية ع السريع 👌👀اضفري شعرك وقت النوم كل يوم 😍😅ح تشوفي الانكسار قل وشعرك يطوال اسرع ومعبي نهايات متاعه 🥰✅️💃 #جمال #جمال...
27/08/2026

نصحية ع السريع 👌👀

اضفري شعرك وقت النوم كل يوم 😍😅

ح تشوفي الانكسار قل وشعرك يطوال اسرع ومعبي نهايات متاعه 🥰✅️💃

#جمال #جمالك #شعر

درت احلي خلطة كركار او كريمة شحم في حياتي لتوا 🤣💃😍👀مازال ح تكون فيه خلطات ثانية اكيد ح نديرها والمرة هيا شريت الزيوت الم...
26/08/2026

درت احلي خلطة كركار او كريمة شحم في حياتي لتوا 🤣💃😍👀

مازال ح تكون فيه خلطات ثانية اكيد ح نديرها والمرة هيا شريت الزيوت الموجودة في الصورة

شريت شحم وقطعته مكعبات ونحيت لحم زايد او اي حاجة غريبة منه

حطيته في طنجرة ع نااار هااادية ومعاه شوية ميه وخليته يذوب وانا نحرك فيه

لين ذاب الشحم وقعدو مكعبات صغيرة بكل مقلية شوية محمرة

صكرت عليه وصفيته بصفاي سناستيل رقيق

في يوم ثاني حطيت الشحم ع نار ومعاه مجموعة اعشاب باش تنحي ريحة الشحم وخليته ع نار هااادية بكل

لمدة اربعين دقيقة ومن غير ماتنحرق الاعشاب

بعدها نحيته من النار وخليته يبرد شوية وبعدها صفيته في شاش طبي باش يشد كل بقايا الاعشاب وعصرته كويس باش تطلع خلاصة الاعشاب في الشحم

خلطت الزيوت مع الشحم ودرت خلطة للوجه والجسم والشعر 💃😍💯👌😎

توا حاليا نجرب فيهم وعطيت منهم لخواتي يجربو معاااي 💃💃👀👌

تفاصيل في الصور 😎👀💯

عمرك سمعتي بكريمة شحم الخروف؟ 😅🤔🤔ايه ايه بالزبط زي ماقلتها كريمة بشحم الحيواني تجي بالخروف او سنم الجمل او شحم من البقر ...
15/08/2026

عمرك سمعتي بكريمة شحم الخروف؟ 😅🤔🤔

ايه ايه بالزبط زي ماقلتها كريمة بشحم الحيواني تجي بالخروف او سنم الجمل او شحم من البقر المهم شحم حيواني

الاجانب طلعت عندهم #ترند اسمها بالانجليزي beef tallow cream يديرو فيها بشحم البقر بالاخص وفوائدها للبشرة مش عادية 🥰😍💃👀

وايمتا زدت بجتث طلع السوادنيين عندهم من زمان ومن تراثهم كريمة الكركار وحتي هيا مصنوعة من شحم الخروف ومع زيوت طبيعية واضافات ثانية ويستخدمو فيها للشعر اكثر شيء 😍👩

انا لاني نحب نجرب وحتي حاجات غريبة نجربها عندي عادي 😅🤣🤣 شريت شحم خروف من شهر فات ودرت كمية بسيطة منها الكريمة 👌👀

بصراحة صدمتني النتيجة 👀👀💯

بشرتي فيها بقع من حب شباب قديمة ولاحظت بدت تختفي تدريجيا الحمد لله والحب في وجهي نقص ودرتها حتي ليديا ولاحظت تصبغات البسيطة الي علي المفاصل بدت تخف 🥰💯👀👌

ونزيدك زيادة استخدمها حتي لشعري بعد الغسل وبعد لا نحط كريمة ترطيب ع شعري ونحط شوية من كريمة الشحم وزيت جوجوبا لكي يحفظ الرطوبة داخل الشعر والي لقيته شعري صح مولي مترطب افضل بهلبا والشعرة رجعت فيها المرونة والحيوية 🥰😍👩

من تبي تعرف طريقة الكريمة تكتب في تعليقات ✅️

جربي حمام قدمين بالملح 10 دقايق وشوفي النتيجة 💯✅️💃مرات بعد يوم طويل ومتعب حمام لرجليك يساعدك تسترخي وترتاحي 👌حمام القدمي...
20/07/2026

جربي حمام قدمين بالملح 10 دقايق وشوفي النتيجة 💯✅️💃

مرات بعد يوم طويل ومتعب حمام لرجليك يساعدك تسترخي وترتاحي 👌

حمام القدمين بالملح من الطقوس القديمة المستخدمة في ثقافات هلبا للاسترخاء والراحة

الطريقة:

🛁 عبي اي كروانة عندك بمية دافية
🧂 ضيفي 2–3 كاشيك كبير من الملح الانجليزي او ملح البحري الخشن
🌿 تقدري تضيفي قطرات من أي زيت عطري زي اللافندر او المسك

حطي رجليك فيها الميه لمدة 10 الي 20 دقيقة وبعدها طلعي رجليك وجففيهم وحطي عليهم زيت جوز هند او زيت زيتون للترطيب 👩👍

فوائد الحمام:

💛 يساعد الحمام علي إرخاء عضلات الرجلين
💛 يعطيك راحة واسترخاء
💛 يسحب منك السموم والتوتر
💛 يقلل من طاقة السلبية

العناية بنفسك مش حاجة زايدة ولا رفاهية هيا أساسية ليك باش تحسي بنفسك جميلة وترفعي طاقتك وتغيري جوك وتزيدي إحساس الأنوثة عندك 💃💯♥️♥️

10/07/2026

لاحظتو الكبار في السن برا محافظين ع روحهم اكثر من الي في ليبيا؟ 🤔

السر متاعهم بسيط جدا والي هو الحركة اليومية والرياضة!

حني في العادة الي يوصل سن الخمسين يقول خلاص بنتقاعد وبنقعد في الحوش وصغاري يساعدوني خلاص انا كبرت!

قداش سمعتوه مرة الكلام هو وتصدقو التفكير هادا وعدم الحركة هو الي يخليك تكبر مش التقدم في العمر الطبيعي!

لو تحافظ علي حركتك اليومية بالمشي او رياضة خفيفة مش شرط ساعاتين رفع حديد ومع اكل كويس وتخليك تخدم وتطلع وتدير الحاجات الي تحبها ح تقعد صحتك تمام ❤️💯

اليابانيين عندهم مبدأ الايكي غاي يعني تخدم في شيء تحبه وزي مانعرفو عندهم عدد كبير من المعمرين في السن لانهم يستمرو يعيشو مهما كان عمرهم ♥️💯

يطلعو ويتلاقو مع اصدقائهم، يديرو هوايات الي يحبوها، ياكلو الاكل الي يحبوه، يشتغلو في العمل الي يحبوه ، يتحركو ديما 💯👌

كل النقاط هيا تخلي نفسيتك كويسة ومرتاحة وهكي تعكس علي صحتك بشكل كويس 💯👌

حتي الصينيين في افلام ديما يورو فيهم يديرو في تمارين صينية في الحدائق الكبيرة ويكونو كبار في العمر وهادا السر متاعهم في الحفاظ علي صحة جيدة تدعمك في حياتك ♥️💯

الحركة بركة احفظوها هادي وحتي الرسول صلي الله عليه وسلم قال علمو صغاركم ركوب الخيل والسباحة لانه عارف الرياضات هيا ممارستها في جميع الأعمار تدعم صحتك ونفسيتك ♥️👌💯

هل تعرفي فايدة #التنفس بشكل واعي خلال يومك؟ 🤔ايمتا تتوتري او تقلقي جسمك يخش تلقائيا في وضعية القتال او الهروب، فقلبك يد...
06/07/2026

هل تعرفي فايدة #التنفس بشكل واعي خلال يومك؟ 🤔

ايمتا تتوتري او تقلقي جسمك يخش تلقائيا في وضعية القتال او الهروب، فقلبك يدق بسرعة ويرتفع ضغط دمك ويولي التنفس متاعك سطحي وسريع! 😵‍💫😵‍💫

باهي شن الحل؟
#التنفس بالشوية عليك وبكل بطىء وبعمق يوقف التوتر متاعك بشكل فوري 💚

ايمتا تتنفسي ببطء بالذات ايمتا الزفير أطول من الشهيق هادا الي يصير داخل #جسمك:

✨ يهدي الجهاز #العصبي ويقلل إفراز هرمونات التوتر زي الكورتيزول
✨ ينخفض معدل نبضات القلب تدريجيًا
✨ تتحسن جودة الأكسجين الواصل للدماغ، فيصبح التفكير أوضح
✨ يقلل الشعور بالقلق والانفعال
✨ ترتخى العضلات ويخف التشنج
✨ يتحسن #الهضم لأن الجسم ينتقل إلى وضعية "الراحة والهضم"
✨ يساعد على #النوم بشكل أفضل إذا تنفستي بعمق قبل النوم

🌸 جربي التمرين هو:

▪️ خودي شهيق من الأنف لمدة 4 ثوانٍ
▪️ طلعي الزفير ببطء من الفم لمدة 6 إلى 8 ثوانٍ
▪️ كرري النمط هو للتنفس من 3 إلى 5 دقائق

مش لازم يكون #النفس عمق هلبا المهم خوديه بالراحة والهدوء وبدون اي مجهود عليك ✅️

مرات نفس عميق واحد يهديك ويخليك تعيشي يومك براحة اكثر ❤️

احفظيه البوست عندك وارجعيله ايمتا تحسي انك محتاجة راحة سريعة من التوتر والقلق 🥰💯

03/07/2026

عمرك سمعت انه لبس النحاس يخفف الألم في الجسم؟ 🤔

من الحضارات المصرية القديمة، إلى الطب الصيني والطب الهندي (الأيورفيدا)، كان النحاس يُعتبر أكثر من مجرد معدن للزينة... كان يستخدم كمعدن يحمل خصائص داعمة لتوازن الجسم

🔸 علاش النحاس تحديدًا؟
النحاس معدن موصل ممتاز للكهرباء والحرارة، وجسم الإنسان يعمل أيضًا بإشارات كهربائية دقيقة تتحكم في الأعصاب والعضلات والقلب. لهذا اعتقدت العديد من الحضارات القديمة أن وجود النحاس لاصق علي الجلد يساعد على دعم التوازن الحيوي للجسم

🌿 النحاس مربوط بالفوائد هادي:

• الشعور بالراحة والاسترخاء
• دعم التوازن العام للجسم
• المساعدة في تخفيف بعض الآلام عند بعض الأشخاص
• تعزيز الإحساس بالحيوية

النحاس لو ح تلبسيه ضروري يكون 100% طبيعي ومش مطلي 💯👀

شخصيا انا مدايرة حلقة من النحاس نحط فيها علي رأسي ايمتا نحس فيه بيبدأ يوجع فيا وبصراحة ايه يخفف في الألم وخلال اليوم الألم يختفي او نحتاج نلبس الحلقة يومين لكي يختفي الصداع 💯✅️🥰

الحق في لبس زي خاتم او حديدة ما استمريتش في لبس وقطع النحاس انا درتهم بروحي من خيط نحاس شريته 🥰✅️

طريقة خبزة الساوردو للمبتدئين 🥖بعد ما جهزنا الخميرة الطبيعية (الساوردو)، نقدروا نديروا بيها خبزة لذيذة، هشة من الداخل وم...
17/06/2026

طريقة خبزة الساوردو للمبتدئين 🥖

بعد ما جهزنا الخميرة الطبيعية (الساوردو)، نقدروا نديروا بيها خبزة لذيذة، هشة من الداخل ومقرمشة من الخارج، وبمكونات بسيطة متوفرة في كل حوش ❤️

المكونات ✅️

- 4 أكواب دقيق أبيض او اي نوع دقيق تفضليه
- 1 كوب خميرة طبيعية نشطة (بعد ما يتضاعف حجمها)
- 1 كوب ماء فاتر تقريبًا
- 1 ملعقة صغيرة ملح

⚠️ ملاحظة: نوع الدقيق يختلف من شركة لأخرى، فمرات تحتاجي زيادة من 2 إلى 4 ملاعق ماء إذا حسيتِي العجينة ناشفة

كيف نعرف أن الخميرة الطبيعية جاهزة؟ 🤔

خوذي ملعقة صغيرة من الخميرة وحطيها في كوب ماء.

إذا طفت فوق الماء معناها جاهزة للاستعمال.

إذا نزلت للقاع خليها وقت أطول حتى تنشط أكثر

المرحلة الأولى: خلط العجينة ✅️

1. في صونية كبير حطي الماء والخميرة وقلبيهم كويس
2. ضيفي الدقيق وخلطي حتى يختفي الدقيق الجاف
3. غطي الصونية وخليها ترتاح 30 دقيقة

هذه الراحة تساعد الدقيق على امتصاص الماء وتسهّل تكوين عجينة قوية 💪

المرحلة الثانية: إضافة الملح ✅️

ضيفي الملح واعجني من 3 إلى 5 دقائق بس

عجينة الساوردو تكون طرية وتلصق شوية في اليد، فما تزيديش دقيق هلبا لين تولي شادة روحها

المرحلة الثالثة: الطيات والتخمير ✅️

خلال أول ساعة ونصف إلى ساعتين:

- بعد 30 دقيقة ارفعي جزء من العجينة واطويها ع الباقي كرري الحركة هادي 4 مرات
- بعد 30 دقيقة ديري نفس الشيء قيمي جزء من العجينة واطويه ع الباقي وديري 4 طيات
- بعد 30 دقيقة كرري نفس العملية

بعدها غطي العجينة وخليها تكمل التخمير برا في المطبخ مش في الثلاجة

ايمتا نعرف أن التخمير الأول كمل؟ 🤔

العجينة مش لازم أنه يتضاعف حجمها بالكامل

المهم أنه تلاحظي:
✔ زيادة واضحة في الحجم.
✔ فيها فقاعات هواء.
✔ ملمسها أخف وأكثر انتفاخًا.

مهم جدًا في صيف ليبيا ☀️

في الجو الحار التخمير يكون أسرع بهلبا

كان حرارة مطبخك مرتفعة معناها تحتاج العجينة من 3 إلى 5 ساعات تقريبًا بس

المرحلة الرابعة: تشكيل الخبزة ✅️

فرغي العجينة بالشوية على سطح مرشوش بالدقيق

شكليها على هيئة كرة وخليها ترتاح 20 دقيقة
بعدها عاودي تشكيلها بالشكل النهائي الي تبيه

المرحلة الخامسة: التخمير الأخير ✅️

حطي العجينة في سلة تخمير أو مصفاة مبطنة بقماشة مرشوشة بالدقيق او كنينكس مطبخ مرشوش بالدقيق

خليها من 45 دقيقة إلى ساعة ونصف حسب حرارة الجو

كان المطبخ سخون هلبا راقبيها باستمرار

المرحلة السادسة: الخبز ✅️

1. سخني الفرن على أعلى درجة حرارة (230 إلى 250 درجة).
2. حطي الطاجين أو داتش اوفين ثقيل داخل الفرن وهو يسخن
3. اقلبي العجينة على ورق الزبدة
4. ديري شق في العجينة من الوسط بموس حاد

حطيها في الفرن الخبزة ✅️

- دقيقة مع بخار أو مغطية 20
- بعدين 20 إلى 25 دقيقة بدون غطاء

لين يولي اللون ذهبي مايل للبني

بعد الفرن ✅️

خليها الخبزة تبرد لمدة ساعة او اكثر لين تطيب بالكامل من الداخل ماتقصيهاش طول!

نصائح للمبتدئين

✔ ماتستخدميش الخميرة قبل ما يتضاعف حجمها

✔ في الصيف راقبي العجينة اكثر من التركيز ع الوقت

✔ كان لصقت العجينة عادي هذا طبيعي

✔ مع كل تجربة ح تعرفي اكثر وشوفي اكثر من فيديو وبوست ليها

Address

Tripoli

Website

Alerts

Be the first to know and let us send you an email when Natural Beauty with Afaf posts news and promotions. Your email address will not be used for any other purpose, and you can unsubscribe at any time.

Shortcuts

Share