دار نزار الليتيم للأزياء التقليدية

10/08/2026

معآ للاصالة. معآ للتراث 🌹🌹🌹
🌟مع مصمم الازياء التقليدية نزار الليتيم
🏛🏛🏛دار نزار الليتيم 🏛🏛🏛
🌟أصالة الماضي 🌟و عز الحاضر. 🌟و فخر الغد ⭐️
الاطلالة من دار نزار الليتيم
☎️0922111207
☎️0923000356
☎️0925173240
☎️0912123256
☎️0912111207
📍📍📍طرابلس طريق قرجي بجانب السفارة العراقية
📍📍📍طرابلس أبومشماشه امام الجردينة

13/07/2026

* 🏛️كملو البوقالة 🏛️
على أول ما بديت
وعلى النبي صليت
وعلى صحاب العشرة ناديت
وقلت يا خالقي غيث كل مغيث.
* يا سيد عيني عزروني بيك
بعد ما عزروني شاركوني فيك
أنت محبس وأنا وريدة فيه
وأنا خاتم ذهب وأنت فصيص فيه.
* اخطّمت عليه
لقيته يفصل في العكري
قلتله يا شباب فصل على قدي
قال لي حتى اتجي عندي
اندير تاج الذهب ونزيد من عندي.
* للّتي فاطمة يا للّتي فطّوم
لاك في السمي قنطرة
لاك في الوطى سلّوم
نخدم عليك ولو في بلاد الروم.

12/07/2026

🏛️ كملو البوقالة 🏛️

ﺑننشدك ﻳﺎ ﻓﺎﻃﻤﺔ ﺍﻟﻌﺮﺑﻴﺔ
ﺭﻳﺘﻴﺶ ﺳﻤﺢ ﺍﻟﺰﻭﻝ ﻓﻲ ﺳﻮﺭﻳﺔ ؟
ﻗﺎﻟﺖ : ﺧﻄﻢ ﻭﺭﻳﺘﻪ ﻻﺑﺲ ﺯﺑﻮﻥ ﻓﻮﻕ
ﻣﻦ ﺳﻮﺭﻳﺘﻪ.
ﻭﻳﺎ ﺇﻣﻴﻤﺘﻲ ﺷﻤﺲ ﺍﻟﻀﺤﻰ ﺣﺮﻗــﺎﺗﻪ ﻟﻮﻻ ﺍﻟﺤﺸﻮﻣــﺔ ﻧﻤﺪﻟﻪ ﺣﻮﻟِﻴـﺎ
بننشدك يا حنونة ..ريتيش حد الزين سود عيونه؟
قالت: ريته مقعمز مع جيله وعالي صيته.. بو مضحك قنين ما نهار نسيته... يا خالقي حجب عليه وصونه

بننشدك يا ليمة.. ريتيش سمح الزول والتبسيمة؟
قالت: ريته وحتى الورق رفرف بعد لاقيته...
يا ريتني مشموم في طاقيته ...والا رفيق العمر ديما ديما🌸🌸🌸🌸آه وقالت ريته،، في وقفته حتى الزهر دريته
ياريتني وردة على سوريته والا عشير العمر يقعد ديما ❤️❤️

11/07/2026

*تكميلة البوقالة:*

جي وراء حوشنا يزرع في الكسبر قال قولوا لبنت الناس تصبر
انا نعرف والناس تشكر
جيت خاطمة لقيت الغزال يصلي
لاقدرت نخطم لاقدرت نوللي
طقيت علي باب الحوش طقه علي طقه
طلعلي الغالي بوفرملة زرقاء
قالي يدور الفلك ونتلاقا بعد الفرقه
اسمك علي واسم عدي عالي
ياعقد الجوهر يامنقش خلخالي
دير روحك طبيب وتعالي شوف حالي
مصطفي ناره ماتنطفي
امه تقول نجيه ووخيته تقول علييه
وزينة تقول لم سعدي بيه

*والخير جايك يا بنت الأصول*
يجيك العريس من بعيد محمول
رزق وهناء وعمر طويل
ويفرح قلبك الفرح الكبير
وتلبسي الذهب وترقصي في الدار
ويسمعوا بيك القريب والجار

يا رب تطلع فال خير عليك ❤️

ناض البخت يا شطورة، نية صافية والفرج قريب.

11/07/2026

10/07/2026

🏛️كملو البوقالة 🏛️
جي وراء حوشنا يزرع في الكسبر قال قولوا لبنت الناس تصبر انا نعرف والناس تشكر

جيت خاطمة لقيت الغزال يصلي لاقدرت نخطم لاقدرت نوللي

طقيت علي باب الحوش طقه علي طقه
طلعلي الغالي بوفرملة زرقاء قالي يدور الفلك ونتلاقا بعد الفرقه

اسمك علي واسم عدي عالي ياعقد الجوهر يامنقش خلخالي دير روحك طبيب وتعالي شوف حالي

مصطفي ناره ماتنطفي امه تقول نجيه ووخيته تقول علييه. وزينة تقول لم سعدي بيه

10/07/2026

البوقالة الطرابلسية..

بيدي قطعت اللحم .. وبيدي حطيت بزاره
وبودني سمعت القول .. وبعيني شفت من قاله
ياداير الخير ليا وليه .. ياداير الشر وقعه فيه ..

طقيت علي باب الجنان فتح البسباس
الفل والياسمين قالوا علاش !
اني ما نعيش مع القصير المقطوف بين الناس
نعيش مع كامل الطول سمح اللباس .
.
إدوو إدوو كلامكم ما يساوي الريح
اني سعدي مليح .. وقنديلي ضاوي
اللي يبنيه البناي يطيح
واللي نبنيه اني في العلالي .