19/04/2026
Nandritra ny fotoana niasako, dia matetika aho no nandeha lavitra, ary teo no nitranga ny famitahana maro nataon’ny vadiko sy ny rafozako ahy.
Noho ny asako, indraindray aho tsy eo mandritra ny iray volana.
Rehefa miverina kosa aho dia afaka mijanona ao an-trano mandritra ny roa herinandro eo ho eo.
Izany foana no asako.
Indraindray koa dia ela vao afaka miverina ao an-trano indray aho.
Niara-nonina taminay ny rafozako.
Efa enim-bolana mahery izy no niaraka taminay.
Izy no niara-nipetraka tamin’ny vadiko sy ny zanakay roa, ary nanampy tamin’ny raharaha tao an-trano rehefa tsy eo ny vadiko.
Noho ny fisiany dia nino aho fa voaaro tsara ny tokantranoko saingy niova ny zava-drehetra , indray hariva izay, nilazan’ny zanako lahimaoa, sivy taona hoe :
_“Dada, rehefa ohatr'izao foana no tonga i tonton Charles, dia mijanona ela be ao amin’ny chambre Dada Sy Neny izy miaraka amin’i Neny”
I Charles dia électricien eo akaiky eo, ka isaky ny misy olana amin’ny jiro izahay dia izy no antsoinay.
Tsy tsaroako akory hoe oviana no farany niantsoanay azy…mandra-pitenin’ny zanako an'izay.
Nanontany aho hoe:
_“ Ary Aiza i bebe rehefa tonga izy?”
Hoy izy:
_“Matetika izy ao an-dalantsara na ao amin’ny efitranony ihany ka.”
Nanontany indray aho, tsy te hihevitra zava-dratsy:
_“Mahita an’i Charles ve i bebe rehefa tonga izy?”
Hoy indray izy:
_“Eny, indraindray aza manome sakafo azy mihitsy izy.''
Ny ankizy dia be resaka , fa tsy mandainga kosa… indrindra amin’ny zavatra saropady toy izany.
Ny fomba nilazany izany tamim-pahatokiana dia nahatsapa aho fa misy mampanahy azy.
Ary tamin’ny farany dia nampitandrina izy:
_“Aza lazaina amin’i Neny fa izaho no nilaza izany an.
Raha tsy izany dia kapohiny aho.”
Nataoko tao anaty tiroir ny findaiko hafa, dia nolazaiko izy hiantso ahy raha tonga indray i Charles.
Lasa aho toy ny hoe handeha lavitra indray.
Telo andro taorian’izay, tamin’ny 6 ora hariva, niantso ny zanako:
_“Dada, tonga izy.”
_“Efa ao amin’ny efitranontsika ve izy ireo?” hoy aho.
_“Eny, efa nihinana sakafo Téo amin'ny bébé izy dia niditra tao.”
Minitra vitsy taorian’izay dia efa tonga tao an-trano aho.
Vao nahita ahy ny rafozako aho dia hitako nangovitra bé izy, sady hita ho natahotra.
Niantso mafy ny anaran’ny zanany izy mba hampandre azy.
Nakatoko ny varavarana, dia nandondòna aho.
Hoy ny rafozako amin'ny taitaitra:
_“Angamba nanidy varavarana avy ao anatiny izy , rehefa nandeha nivoaka?”
Rehefa nosokafany ilay izy dia mody hoy izy:
_“Eiii, matory be ndry izany! Nantsoiko imbetsaka fa tsy namaly mihitsy .”
Tao anaty armoire no niafenan’ilay ''Charles électricien”.
Tsy sarotra tamiko ny nahita azy… satria io ihany no toerana mety hiafenana tao.
Tsembo-dratsy izy, ary efa nidina ny patalohany.
Hoy aho taminy:
_“Ok, misaotra tamin’ny zava-drehetra. Afaka mandeha ianao izao.”
Dia nivoaka nihazakazaka izy, na dia tsy naka ny fitaovany akory aza.
Rehefa nihazakazaka izy dia natsipiko nivoaka ny entan’ny vadiko, ary nilazako izy hanaraka azy.
Ny reniny niezaka nanakana ahy, nilaza fa tokony hiresaka sy hifandamina izahay, ary mody nilaza izy fa tsy nahita akory hoe niditra tao an-trano ilay lehilahy.
Izany mihitsy no tian’ny sofiko ho re… saingy tsy nijanona teo aho.
Nankany amin’ny efitranon’ny rafozako koa aho, dia natsipiko daholo ny entany.
Rehefa vita izany, Dia nitalaho teo izy mianaka , dia hoy aho :
_“Noho ny tsy haratsin-toetranareo, zaza sivy taona no nilaza tamiko ny marina.”
Nitomany ny zanako, satria natahotra sao kapohiny rehefa nilaza izany aho.
Nankany amin’ny fitsarana izahay avy eo, ary efa eo am-pisarahana.
Ny hany mbola ifandirana dia ny momba ny ankizy.
Tiany zaraina izy ireo.
Nilaza ny mpisolovavako fa matanjaka ny antontan-taratasy ananako, satria ny zaza mihitsy no nanambara ny marina.
Miezaka miseho ho lehilahy matanjaka aho… nefa ao anatiko dia potika tanteraka💔.
Mitomany irery amin’ny alina aho.
Folo taona niarahana… rava indray mandeha.
Tsy fantatro hoe ahoana no hanombohako indray ny fiainako..
Tsy fantatro raha mendrika ny hiezaka indray ny hitia aho...
Angamba rehefa vita ity rehetra ity, dia handeha lavitra miaraka amin’ny zanako aho… hanomboka fiainana vaovao, lavitry ny fahatsiarovana rehetra.
Nanapa-kevitra aho hanomboka indray… tsy amin’ny fahatezerana, fa amin’ny fanantenana.
Fa angamba mbola misy ny fiadanana sy ny fitiavana marina any aorian’ny ratra.
💎Indraindray ny fitiavana mampitsiky… fa rehefa miova ny endriny, dia mety handentika anao ao anaty haizina tanteraka izy ❤️🙏
▪️▪️▪️▪️▪️▪️▪️▪️▪️▪️▪️▪️▪️▪️
Tianao vé ny hanaraka tantara trangam-piainana hafa toy izao foana ?😊
Manasa anao hi-abonné ny pejy fa maro ny zavatra mety ahaliana anao ao an 🥰, Zarao ihany koa raha tianao😊
Article Mode
