23/12/2023
#အချစ်ဆုံး ချစ်ခင်ပွန်း ဖတ်ကြည့်ပေးပါ....
#မိသားစုအတွက်အပြုံး
#မိန်းမ ရော့မင်းကြိုက်တာဝယ်
ကြိုက်တာသုံးဆိုတဲ့၊
စကားထက်....
မိန်းမ အပြင်အတူသွားကြမယ်လေ
ပြင်ဆင်လိုက်၊
ဘာလိုချင်လည်း လိုက်ဝယ်ပေးမယ်ဆိုတဲ့၊
စကား အသုံးပြုမှုလေးက
ပိုနွေးထွေးကျေနပ်စေရတာပါ။
#မိန်းမ စားနှင့်ကွာ ဝမ်းမှမဆုံတာဆိုတဲ့၊
စကားထက်.....
မိန်းမခဏတော့စောင့်ပေးနော်၊
ဗိုက်ဆာပေမယ့်
အလုပ်မပီးသေးလို့ပါဆိုတဲ့၊
စကားအသွားအလာလေးက
ပိုစိတ်ကျေနပ်စေရတာပါ။
#မိန်းမ အိမ်အသုံးစရိတ်က
ကုန်လှချည်လားဆိုတဲ့၊
စကားထက်.....
မိန်းမကုန်စျေးနှုန်း
အခြအနေဘယ်လိုလဲ၊
လောက်အောင် ချင့်ချိန်ဝယ်ကြည့်ပေါ့ကွာ
မလောက်ရင်ပြောပေါ့ဆိုတဲ့၊
စကားလုံးလေးတွေရဲ့ ချုပ်ထိန်းသွားမှုက
ပိုမလာတဲ့ အသုံးစရိတ်နောက်မှာ
စိတ်သက်သာရာ ရစေတာပါ။
#မိန်းမ အချေအတင်မဖြစ်ချင်ဘူးကွာ
ဆိုတဲ့၊စကားထက်.....
မိန်းမ ဘာအလိုမကျတာရှိလည်း
ညှိနှိုင်းကြမယ်ပြောကြည့်ဆိုတဲ့
၁၀မိနစ္စာ
အချိန်ပေးလမ်းဖွင့်မှုက
ပိုအကျိုးသက်ရောက်စေတာပါ။
#မိန်းမ ပင်ပန်းတယ်ကွာ
အဆင်ပြေပြေနေရအောင်ဆိုတဲ့၊
စကားထက်.....
မိန်းမဒီနေ့တော့
ဘယ်လုပ်ငန်း ဘယ်အကြောင်းအရာမှာ
အဆင်ပြေတယ်မပြေဘူးဆိုပီး
သူငယ်ချင်းနဲ့ပြောသလို
ရင်ဖွင့်ချပြောပြလိုက်တာက
နှစ်ဦးနှစ်ဖက်စိတ်အဖုအထစ်
ပြေလျော့စေတာပါ။
#မိန်းမ ပြင်ပြင်ဆင်ဆင်နေစမ်းပါဆိုတဲ့၊
စကားထက်.....
မိန်းမနေကောင်းကျန်းမာရဲ့လား၊
ဘာတွေစိတ်တိုင်းမကျတာရှိလည်းလို့
တစ်လမှာ တစ်ကြိမ်လောက်မေးလိုက်ရင်ကို
စကားများရန်ဖြစ်တယ်ဆိုတာမရှိသလောက်
နည်းပါးလာမှာပါ။
#မိန်းမသားတိုင်းက
ခင်ပွန်းဝေယျာဝစ္စ
၊သားသမီးဝေယျာဝစ္စ၊
မိဘရှိရင်မိဘဝေယျာဝစ္စ၊
အိမ်မှုကိစ္စ၊အကုန်
တာဝန်ယူလုပ်ကိုင်နေရတာမို့
ငွေရှာရုံနဲ့တာဝန်ကျေပီမထင်ပါနဲ့၊
ပြည့်စုံအောင်ထားပေးနိုင်ရုံနဲ့
ပြီးမြောက်ပီမထင်ပါနဲ့၊
လိုလေသေးမရှိဖြည့်ဆည်းပေးရုံနဲ့
မလိုအပ်တာမရှိတော့ဘူးမထင်ပါနဲ့။
#စကားတစ်ခွန်းက
လက်ဆောင်တစ်ခုထက်
ပိုတန်ဖိုးရှိပါတယ်၊
စကားကအားဖြစ်စေတာနေရာ
အတော်များများမှာမို့၊
ကိုယ့်မိသားစုအေးချမ်းမှုဟာ
ကိုယ့်စကားတစ်ခွန်းပေါ်
မူတည်နေတာမေ့မထားပါနဲ့။
#ကိုယ်ပင်ပန်းသလို
တနေကုန်မနားတမ်း
မျက်လုံးထဲချွေးဝင်သည်ထိ၊
ဝေယျာဝစ္စတွေလုပ်နေရတဲ့မှီခိုဇနီးသည်ဟာ၊
သူ့ကိုပြန်မှီခိုနေသူတွေအတွက်
သူ့အပြုံးဟာအရေးပါတာမို့။
#အိမ်ထောင်တစ်ခုမှာ.....
ဘယ်သူက
ဘယ်သူ့ကို
ပိုပြုံးနိုင်စေနေတာလဲ?????
