Khar Nway

21/08/2026

❤️

တဖြေးဖြေးနဲ့
အသက်အရွယ်တစ်ခု ရလာတော့

တိတ်ဆိတ်အေးချမ်းမှုကိုသာ
မက်မောလာတယ်

ဘယ်အရာမှ မမြဲဘူးဆိုတာကို
အကြိမ်ကြိမ် ကြုံတွေ့ခဲ့ရတော့

ကိုယ့်ကိုယ်ကိုယ်သာ အားကိုးရာဆိုတာကို
နှလုံးသွင်းတတ်လာတယ်

ရေစက်ရှိသလောက်ပဲ ကြုံတွေ့ရမှာမို့
ဘယ်သူနဲ့ပဲဖြစ်ဖြစ်

ဆုံစည်းခွင့် ရတုန်းလေးမှာ စိတ်ကလေးကို
အတတ်နိုင်ဆုံး ဖြူအောင်ထားဖြစ်တယ်

ခွင့်လွှတ်နိုင်သလောက် ခွင့်လွှတ်ပြီး
ခွင့်မလွှတ်နိုင်တော့ရင် မပတ်သက်ခြင်းဖြင့်သာ
ကိုယ့်စိတ်အေးချမ်းမှုကို ရွေးချယ်ဖြစ်ခဲ့ပါတယ်..။

21/08/2026

❤️

အသစ်ဆိုတာ အမြဲတွေ့ကြုံနေရမှာပဲ
စိတ်ယိုင်ခြင်း မယိုင်ခြင်းက
သစ္စာနဲ့ ကိုယ်ကျင့်တရား အပေါ်မှာပဲမူတည်တာ"

02/02/2026

#စီးလက်စရထား မကောင်းဘူးထင်လို့
နောက်ရထားသစ်ပြောင်းစီးချင်ခဲ့ရင်
ကိုယ့်ကိုခရီးဆုံးထိ ခေါ်ဆောင်သွားမယ့်
ရထားကြီးဖြစ်ဖို့လိုတယ်
နားလက်စအကိုင်းမကောင်းဘူးထင်လို့
နောက်အကိုင်းသစ်ပြောင်းနားချင်တဲ့အခါ
ကိုယ့်အတွက်သီးသန့်နားခွင့်ပြုတဲ့
သစ်ပင်ကြီးဖြစ်ဖို့လိုတယ်
ယုံကြည်ရာအရပ်မှာဘဝကိုမြုပ်နှံနိုင်သလို
အားသန်ရာပုခုံးမှာဘဲမှေးစက်နားခိုနိုင်တယ်
တစ်ခုပါဘဲ........
ကိုယ်ရွေးချယ်လိုက်တဲ့ရထားသစ်မှာ
ကိုယ့်ထက်အရေးကြီးတဲ့
ခရီးသည်ရှိလာတဲ့အခါ
ကိုယ်ယုံကြည်နားခိုလိုက်တဲ့
အကိုင်းသစ်မှာ
ကိုယ့်ထက်နေရာပေးရမယ့်
ငှက်တစ်ကောင်ပေါ်လာတဲ့အခါ
ဘယ်လိုလုပ်မလဲ
တွေးကြည့်တာနဲ့တင်အဖြေရခတ်ပါလိမ့်မယ်
အဲ့အခါထားခဲ့တဲ့ရထားဟောင်းကြီးကမတွေ့နိုင်လောက်အောင်
ဝေးသွားခဲ့ပြီ
ခုစွန့်ပစ်ချင်တဲ့အဟောင်းဟာတစ်ချိန်ကအသစ်အစမ်းဖြစ်သလို
အခုအထင်ကြီးနေတဲ့အသစ်အစမ်းဟာလည်း
တစ်ချိန်ရောက်ရင်အဟောင်းဖြစ်သွားမှာဘဲ
လက်ရှိပန်းချီကားကိုတောင်ဘယ်လိုပုံဖော်ရေးဆွဲရမှန်းမသိဘဲ
တခြားအသစ်တစ်ခု
ထပ်‌ပုံဖော်မယ်ဆိုတာ
လက်ရှိကောင်းခြင်းဆိုးခြင်းသိတဲ့သူကိုတန်ဖိုးထားပါ
ငါးကင်ထက်ငါးစိမ်းကပိုမချိုနိုင်


အနားကလူဆိုတာ
အရာ"ကိုယ့်အပေါ်ကောင်းတဲ့သူပါ

29/01/2026

ဆေးလိပ်နံ့မခံနိုင်ရင် ဆေးလိပ်မသောက်တဲ့
ယောက်ျားကိုသာရှာပါ..။

အရက်သောက်တာမကြိုက်ရင် အရက်မသောက်တတ်တဲ့ယောက်ျားကိုသာရှာပါ ။

ကွမ်းစားတာမကြိုက်ရင် ကွမ်းမစားတတ်တဲ့
ယောက်ျားကိုသာရှာပါ ။

ထိုအရာတစ်ခုခုကို ပြုလုပ်နေကြ ယောက်ျားတစ်ယောက်ကို ပြောင်းလဲခိုင်းဖို့ကြိုးစားမနေပါနဲ့ ။

ယောက်ျားရော မိန်းမရောအတူတူပါပဲ ကိုယ့်ကိုယ်ကိုပြောင်းလဲတာဟာ ပညာရှိဖြစ်ပြီး သူများကိုပြောင်းလဲဖို့ကြိုးစားတာက အရူးနဲ့တူပါတယ် ။

သူမင်းကို ချစ်လို့ ပြောင်းလဲခဲ့ရင်တောင် တစ်ချိန်
စကားများတဲ့အခါ အဲဒီပြောင်းလဲပေးခဲ့တဲ့ အရာကို
အေကြာင်းပြပြီး မင်းကို နှစ်ဆအနိုင်ယူလိမ့်မယ်...
ပြီးတဲ့အခါ နှစ်ဆပို လုပ်ပြလိမ့်မယ် ...။

ဒါကြောင့် သူများကိုပြောင်းလဲမယ့်အစား ကိုယ့်ကိုယ်ကို ပြောင်းလဲပြီး ကိုယ်လက်မခံနိုင်ရင် အစကတည်းက ပြုပြင်ဖို့ မကြိုးစားပါနဲ့ ။
ဗီဇဆိုတဲ့ အရာက ပြင်ရ အခက်ဆုံးမို့လို့ပါ...။


#ဘဝစာပေ
#စာပေကြိုက်သူများ
#ကောင်းမှုတစ်ခုနေ့စဉ်ပြုပါ