HLO Clothing

02/01/2026

🩷Happy New Year ပါမင်မင်ကာကာလေးတို့ရေ

🩷2026နှစ်သစ်မှစ၍ နောက်နှစ်ပေါင်းများစွာ

🩷ကျန်းမာခြင်း ချမ်းသာခြင်းတွေနဲ့ပြည့်စုံသော

🩷ဘဝကိုအကြာကြီးပိုင်ဆိုင်နိူင်ကြပါစေ🩷🥰

Photo Crd

21/12/2025

ကျွန်တော်တို့ အမြဲတမ်းကြားနေရတဲ့
စကားက "ကြိုးစားရင် အောင်မြင်မယ်" ဆိုတာပဲ။ ဒါပေမဲ့ အဲ့ဒီ့စကားဟာ တစ်ဝက်ပဲ မှန်တယ်။
တကယ့် လောကဓံ အမှန်တရားကို ရဲရဲပြောရရင်...

"ဉာဏ်ရှိပါဘယ်သူမှ ခင်ဗျားရဲ့ ကြိုးစားမှုကို စိတ်မဝင်စားဘူး၊ ရလဒ်ကိုသာ ကြည့်တယ်"

လူငယ်တွေဟာ တစ်ခါတလေ ကြိုးစားတာကိုပဲ အလုပ်လုပ်တယ် လို့ ထင်ကြတယ်။ ညလုံးပေါက် အလုပ်လုပ်တယ်၊ ပင်ပန်းတယ်။

ဒါပေမဲ့ တကယ့်မေးခွန်းက.. အဲ့ဒီလို ကြိုးစားမှုကနေ တကယ် ထိရောက်တဲ့ ရလဒ်တစ်ခု ထွက်လာရဲ့လား ဆိုတာပဲ။

ကြိုးစားမှုဟာ ခင်ဗျားရဲ့ ခံစားချက် ကို ကောင်းစေတယ်။ "ငါတော့ လုပ်ခဲ့တယ်" လို့ ကိုယ့်ကိုယ်ကိုယ် ကျေနပ်မှုကို ပေးတယ်။ ဒါပေမဲ့ ဈေးကွက် က ဒီခံစားချက်ကို တန်ဖိုးဖြတ်ပေးမှာ မဟုတ်ဘူး။

ရလဒ်ကတော့ လက်တွေ့ တန်ဖိုး ကို ဖော်ပြတယ်။ ဈေးကွက်က ဘာတွေ လိုအပ်နေလဲ၊ ခင်ဗျားက ဘာတွေ ပေးနိုင်လဲ ဆိုတာကို တိုင်းတာတယ်။

ဖောက်သည်က "ညလုံးပေါက် ကြိုးစားရတာ သနားပါတယ်" လို့ ပြောပြီး ငွေပေးချေမှာ မဟုတ်ဘူး။ သူတို့ လိုချင်တာ ပြဿနာ ဖြေရှင်းပြီးသား ရလဒ်ပဲ။

ဒီတော့ ခင်ဗျားတို့ဟာ "ခဲယဉ်းသော အလုပ်" ကို လုပ်မယ့်အစား "စမတ်ကျသော အလုပ်" ကို လုပ်တတ်ဖို့ လိုအပ်တယ်။

ဆင်းရဲသူ၏ အမြင်: အမြဲတမ်း ခန္ဓာကိုယ်အားကိုသာ သုံးပြီး ပင်ပန်းနေတယ်။ "ငါလုပ်နေတယ်" ဆိုတဲ့ ခံစားချက်ကိုပဲ အားကိုးတယ်။

ချမ်းသာသူ၏ အမြင်: အချိန်နည်းနည်းနဲ့ အကြီးမားဆုံး အကျိုးသက်ရောက်မှု (Impact) ရအောင် ကြိုးစားတယ်။ တစ်ခြားလူတွေ၊ စနစ်တွေ၊ ဒါမှမဟုတ် ငွေကို ခိုင်းစားပြီး ရလဒ်ကို ဖန်တီးတယ်။

အချုပ်အနေနဲ့ ကိုယ့်ကိုယ်ကိုယ် မလိမ်ပါနဲ့။ ခင်ဗျားရဲ့ ကြိုးစားမှုကို မှတ်တမ်းတင်ပေးမယ့် ဒိုင်လူကြီး လောကမှာ ဘယ်သူမှ မရှိဘူး။

ခင်ဗျား ပင်ပန်းတာကို စာနာသူတွေ ရှိနိုင်ပေမဲ့၊ ခင်ဗျားရဲ့ ပန်းတိုင်ဆီရောက်အောင် ကူညီပေးနိုင်တာက ထွက်ပေါ်လာတဲ့ ရလဒ်တွေပဲ။

ဒါကြောင့် ကြိုးစားမှုမှာ မနေပါနဲ့၊ ဉာဏ်ရှိရှိနဲ့ ရလဒ်ကို ဦးတည်ပြီး ရှေ့ဆက်လိုက်ပါဗျာ။

05/12/2025

"ပိုက်ဆံစုပါ၊ ဒါမှ ချမ်းသာမယ်" လို့
လူကြီးတွေ သင်ပေးခဲ့ဖူးလား။ စိတ်မကောင်းပါဘူး။ ၂၀၂၅ ခုနှစ်မှာတော့ "ငွေစုသူတွေက အရှုံးသမားတွေ (Savers are Losers)" ဖြစ်သွားပါပြီ။

ဘဏ်ထဲမှာ သိန်း ၁၀၀၀ စုထားရင် ချမ်းသာပြီလို့ ထင်နေပါသလား။ ဒီအချက် (၅) ချက်ကို မသိရင် သင့်ပိုက်ဆံတွေ ရေငွေ့ပျံကုန်ပါလိမ့်မယ်။

၁။ ငွေကြေးဖောင်းပွမှု (Inflation is Theft)

မနှစ်က သိန်း ၁၀၀ တန်တဲ့ ပစ္စည်းက ဒီနှစ်မှာ ၁၅၀ ဖြစ်သွားပြီ။ သင်က ပိုက်ဆံကို ဘဏ်ထဲမှာ သိမ်းထားလိုက်တာနဲ့ သင့်ဝယ်နိုင်စွမ်းအား (Purchasing Power) က
နေ့တိုင်း ကျဆင်းနေတာပါ။ ဒါက "တိတ်တဆိတ် ခိုးယူခံနေရခြင်း" ပါပဲ။

၂။ ငွေစက္ကူဆိုတာ အကြွေးသံသရာ (Currency is Debt)

အစိုးရတွေက ငွေစက္ကူတွေကို လိုသလောက် ရိုက်ထုတ်နေပါတယ်။ ပစ္စည်းတစ်ခု (ရွှေ/မြေ) ရဲ့ အရေအတွက်က အကန့်အသတ်ရှိပေမယ့် ငွေစက္ကူက အကန့်အသတ်မရှိပါဘူး။ ဒါကြောင့် ငွေကို ကိုင်ထားတာက တန်ဖိုးကျမယ့်အရာကို ကိုင်ထားတာပါပဲ။

၃။ အတိုးနှုန်းက အမှန်တရား မဟုတ်ပါ (Real Interest Rate)

ဘဏ်အတိုးက ၁၀% ရတယ်ဆိုပါစို့။ ဒါပေမဲ့ ကုန်ဈေးနှုန်းက ၂၀% တက်နေရင်၊ သင်က ၁၀% ရှုံးနေတာပါ။ ဂဏန်းတွေ တိုးလာပေမယ့် တန်ဖိုးက လျော့သွားပါတယ်။

၄။ အခွင့်အလမ်းစရိတ် (Opportunity Cost)

ပိုက်ဆံကို ငြိမ်ငြိမ်လေး ထားထားမယ့်အစား၊ ကိုယ်ပိုင်စီးပွားရေး (သို့) ပညာရပ်တစ်ခုခုမှာ ရင်းနှီးမြှုပ်နှံလိုက်ရင် ပြန်ရမယ့် အကျိုးအမြတ်က အဆမတန် များပြားပါတယ်။ ငွေကို "သေတ္တာ" ထဲ ထည့်မထားပါနဲ့၊ "အလုပ်" ခိုင်းပါ။

၅။ သူဌေးတွေ ဘယ်လိုလုပ်လဲ? (Assets over Cash)

တကယ့်သူဌေးတွေက ငွေသား (Cash) အများကြီး မကိုင်ပါဘူး။ ဝင်လာတဲ့ငွေကို ချက်ချင်းပဲ Assets (ရွှေ၊ အိမ်ခြံမြေ၊ ရှယ်ယာ၊ စီးပွားရေး) အဖြစ် ပြောင်းလဲပစ်ကြပါတယ်။

"ငွေစုခြင်း" က ကောင်းပါတယ်။ ဒါပေမဲ့ "စုရုံသက်သက်" ကတော့ သင့်ကို ဖြည်းဖြည်းချင်း မွဲပြာကျစေပါလိမ့်မယ်။



(ပုံလေးကတော့မွေးနေ့လက်ဆောင်ရထားတာလေး)😀

27/11/2025

ငယ်ငယ်ကတည်းက
ကျွန်မတို့အားလုံး "ခြိုးခြံချွေတာပါ။
ငွေစုပါ" ဆိုတဲ့ ဆုံးမစကားတွေကို ကြားလာခဲ့ရပါတယ်။ ငွေစုခြင်းဟာ ကိုယ့်အတွက် လုံခြုံမှုနဲ့ စိတ်အေးချမ်းမှုကို ပေးတဲ့အတွက် ကောင်းမွန်တဲ့ အလေ့အကျင့်တစ်ခုပါ။

ဒါပေမဲ့ ခေတ်မီငွေကြေးလောကရဲ့ လည်ပတ်ပုံကို နားလည်လာတဲ့အခါမှာတော့ ငွေစုရုံသက်သက်ဟာ ကျွန်မတို့ရဲ့ အနာဂတ်အတွက် လုံလောက်တဲ့ အဖြေမဟုတ်တော့ပါဘူး ဆိုတဲ့ အချက်ကို လက်ခံဖို့ လိုအပ်လာပါတယ်။

ငွေစုဆောင်းတယ်ဆိုတာ ငွေကို ဘဏ်စာရင်းတစ်ခု ဒါမှမဟုတ် ဘေးကင်းတဲ့ နေရာတစ်ခုမှာ ထားရှိခြင်းကို ဆိုလိုပါတယ်။ ဒီနည်းလမ်းက ငွေကို ချက်ချင်းမသုံးပစ်မိအောင် ကာကွယ်ပေးပါတယ်။ ဒါပေမဲ့ သူ့မှာ လျှို့ဝှက်ရန်သူကြီးတစ်ယောက် ရှိနေပါတယ်။ အဲ့ဒါကတော့ ငွေကြေးဖောင်းပွမှု (Inflation) ပဲ ဖြစ်ပါတယ်။ ငွေကြေးဖောင်းပွမှုကြောင့် ဒီနေ့ ပိုက်ဆံ ၁ သိန်းနဲ့ ဝယ်နိုင်တဲ့ ပစ္စည်းဟာ နောက်နှစ်မှာ ပိုက်ဆံ ၁ သိန်းနဲ့ ဝယ်လို့မရတော့ပါဘူး။ ဥပမာ - တစ်နှစ်ကို ငွေကြေးဖောင်းပွမှုနှုန်း ၅% ရှိတယ်ဆိုပါစို့။ သင့်ရဲ့ ဘဏ်စုငွေက အတိုး ၁% သာ ရနေမယ်ဆိုရင် သင့်ရဲ့ ပိုက်ဆံတန်ဖိုးဟာ တစ်နှစ်ကို ၄% လျော့ကျသွားတာနဲ့ အတူတူပါပဲ။ ငွေစုဆောင်းခြင်းက သင့်မှာ ပိုက်ဆံ "ရှိနေစေဖို့" အာမခံနိုင်ပေမယ့် အဲ့ဒီပိုက်ဆံရဲ့ "ဝယ်ယူနိုင်စွမ်းတန်ဖိုး မကျဆင်းဖို့" ကိုတော့ အာမခံချက် မပေးပါဘူး။

ရင်းနှီးမြှုပ်နှံခြင်း (Investing) ဆိုတာကတော့ မိမိပိုင်ငွေကို လုပ်ငန်းတစ်ခုခု (ရှယ်ယာ၊ စီးပွားရေးလုပ်ငန်း၊ အိမ်ခြံမြေ စသည်) မှာ ထည့်ဝင်ခြင်းဖြင့် ငွေကနေ ငွေကို ပြန်လည်ထုတ်ပေးနိုင်ဖို့ ကြိုးစားခြင်းကို ဆိုလိုပါတယ်။ ရင်းနှီးမြှုပ်နှံခြင်းရဲ့ အစွမ်းထက်ဆုံး လျှို့ဝှက်ချက်ကတော့ ပေါင်းစပ်အတိုး (Compound Interest) ရရှိခြင်းပဲ ဖြစ်ပါတယ်။ ပေါင်းစပ်အတိုးဆိုတာက မိမိရဲ့ မူလရင်းနှီးငွေအပေါ်မှာ ရရှိတဲ့ အတိုးအပြင်၊ အဲ့ဒီအတိုးတွေပေါ်မှာပါ ထပ်မံအတိုးတွေ ရရှိလာခြင်းကို ဆိုလိုပါတယ်။ ဒါကို "Snowball Effect" လို့လည်း ခေါ်ကြပါတယ်။ အစပိုင်းမှာ ဖြည်းဖြည်းချင်း ကြီးထွားလာပေမယ့် အချိန်ကြာလာတာနဲ့အမျှ အရှိန်အဟုန်ပြင်းစွာ ကြီးထွားလာပြီး ငွေကြေးဖောင်းပွမှုကိုပါ ပြန်လည်တိုက်ထုတ်နိုင်ပါတယ်။ စုဆောင်းခြင်းဟာ မိမိကိုယ်တိုင် ပင်ပန်းစွာ အလုပ်လုပ်ခြင်း ဖြစ်ပြီး၊ ရင်းနှီးမြှုပ်နှံခြင်းကတော့ မိမိရဲ့ငွေကို မိမိအတွက် ပြန်လည်အလုပ်လုပ်ခိုင်းခြင်းပါပဲ။

ငွေစုဆောင်းသူအဖြစ်မှ ရင်းနှီးမြှုပ်နှံသူအဖြစ် ပြောင်းလဲဖို့ အကြီးမားဆုံးအတားအဆီးက "ငွေဆုံးရှုံးမှာ ကြောက်တဲ့စိတ်" ပဲ ဖြစ်ပါတယ်။ ဒီခံစားချက်ကို ကျော်လွှားဖို့အတွက် ပထမဦးဆုံး နည်းနည်းချင်း စတင်ပြီး ပုံမှန် မြှုပ်နှံသွားတဲ့ အလေ့အကျင့် (Dollar-Cost Averaging) ကို လုပ်ပါ။ မရင်းနှီးခင်မှာ မိမိမြှုပ်နှံမယ့် နယ်ပယ်၊ စနစ်အကြောင်းကို သေချာစွာ လေ့လာပါ။ မသိနားမလည်ဘဲ လုပ်ခြင်းကသာ အန္တရာယ်ရှိပါတယ်။ ရင်းနှီးမြှုပ်နှံမှုကို မရှိမဖြစ် ပေးရမယ့် လစဉ်ဘေလ်တစ်ခုလို သတ်မှတ်ပြီး ဝင်ငွေရတာနဲ့ အရင်ဆုံး သီးသန့်ဖယ်ထားဖို့လည်း လိုအပ်ပါတယ်။

နိဂုံးချုပ်အနေနဲ့ ပြောရမယ်ဆိုရင်... ငွေစုဆောင်းခြင်းဟာ ငွေကြေးတည်ဆောက်မှုရဲ့ အုတ်မြစ်ဖြစ်ပါတယ်။ ဒါပေမဲ့ ရင်းနှီးမြှုပ်နှံခြင်းကတော့ အဲ့ဒီအုတ်မြစ်ပေါ်မှာ အနာဂတ်ရဲ့ အဆောက်အအုံကို တည်ဆောက်ခြင်းပါပဲ။ ရင်းနှီးမြှုပ်နှံတတ်ခြင်းကသာ ကိုယ့်ကို စစ်မှန်တဲ့ ငွေကြေးလွတ်လပ်မှုဆီကို အမြန်ဆုံး ခေါ်ဆောင်သွားနိုင်မှာ ဖြစ်ပါတယ်နော်။

04/11/2025

🌕တန်ဆောင်းမုန်းလပြည့်နေ့🌕

ဒီနေ့မှာတော့ မြန်မာလူမျိုးတွေရဲ့ နေ့ထူးနေ့မြတ်လေးတစ်ရက်ဖြစ်တဲ့ တန်ဆောင်မုန်းလပြည့်နေ့ ဖြစ်ပါတယ်။ တန်ဆောင်းမုန်းလပြည့်နေ့ကို သာမညဖလ အခါတော်နေ့လို့လည်းခေါ်လို့ရပါတယ်။ ဗုဒ္ဓမြတ်စွာဘုရားက အဇာတသတ်မင်းကို အမှူးပြုပြီး ပရိသတ်တွေကို သာမညဖလသုတ္တန်တရားဟောကြား ပေးတာကို အစွဲပြုပြီး ခေါ်ဆိုရခြင်းဖြစ်ပါတယ်

(သာမညဖလ ဆိုတာ ရဟန်းပြုရခြင်းအကျိုးလို့ အဓိပ္ပာယ်ရပါတယ်။)

တန်ဆောင်တိုင်ပွဲတော်ကို တန်ဆောင်မုန်းလဆန်း ၁၄ရက်နေ့မှာ တန်ဆောင်မုန်းလပြည့်ကျော် ၁ရက်နေ့အထိ ကျင်းပကြပါတယ်🥳

တန်ဆောင်မုန်းလမှာ ကျင်းပတဲ့ပွဲတော်တွေကတော့

(၁)တန်ဆောင်တိုင်မီးထွန်းပွဲတော်

တန်ဆောင်တိုင်မီးထွန်းပွဲတော်ဆိုတာ (တန်ဆောင်=မီးတိုင်း ၊ မုန်း=ပျံ့နှံစေသည်) ဆီးမီးအလင်းများကို ပျံနှံစေသည်လို့ အဓိပ္ပာယ်ရပါတယ်။

(၂)ကထိန်သင်္ကန်းအလှူပွဲ

ကထိန်ဆိုတာက မြဲမြံခြင်း၊ခိုင်ခံခြင်းလို့ ခေါ်လို့ရတယ်။ ကထိန်သင်္ကန်းက အလွန်မြင့်မြတ်တဲ့သင်္ကန်းဖြစ်ပါတယ်။ ဝါတွင်းကာလအတွင်း ခရီးအဝေးမထွက်နိုင်တဲ့ နေရာတစ်နေရာတည်းမှာ ဝါဆိုတော်မူတဲ့ ဘုန်းဘုန်းများသာ ကထိန်သင်္ကန်းကို ရခွင့်ရှိပါတယ်။ ကထိန်သင်္ကန်းရတဲ့ ဘုန်းဘုန်းတွေက မြတ်စွာဘုရားချမှတ်ထားတဲ့ ဝိနည်းစည်းကမ်းအများကြီးထဲက တစ်ချို့ကို တပေါင်းလပြည့်ထိ ငါးလကင်းလွတ်နိုင်ပါတယ်။ ဒါ့အပြင် ပစ္စည်းလေးပါးပဒေသာပင်များပြုလုပ်၍ စုပေါင်းဘုံကထိန်လည်း ရှိပါတယ်။

(၃)ကျီးမနိုးပွဲ

ညမှောင်ချိန်မှာ ကိုယ့်ရပ်ရွာကအိမ်တွေဆီက ပစ္စည်းတွေကို အပျော်သဘောနဲ့ ခိုးယူပြီး တခြား အိမ်၊လမ်း၊ရပ်ကွက်တွေမှာ ထားပစ်ကြရင်း စနောက်လေ့ရှိတဲ့ မြန်မာတို့ရဲ့ ချစ်စရာဓလေ့လေးတစ်ခုဖြစ်ပါတယ်။ စောစောထတတ်တဲ့ ကျီးကန်းလေးတွေရဲ့ အိပ်ယာထချိန်မတိုင်ခင် အပြီးလုပ်ရတာကြောင့် ကျီးမနိုးပွဲလို့ခေါ်ဆိုကြပါတယ်။ နောက်ပိုင်းတွေမှာတော့ သူခိုးကြီးညလို့လည်း ခေါ်ကြပါတယ်။

(၄)နိဗ္ဗာန်‌ဈေးပွဲတော်

ကိုယ်လှူချင်တဲ့ပစ္စည်းကို ဆိုင်ခန်းလေးလုပ်ပြီး မဲလိုက်လေးတွေလုပ် မဲကျတဲ့စာရွက်က အလှူပစ္စည်းကိုရတာကြောင့် စိတ်လှုပ်ရှားပြီးပျော်စရာကောင်းတဲ့ ဓလေ့တစ်ခုပဲ ဖြစ်ပါတယ်။

(၅)ပံ့သကူပစ်ပွဲတော်

ပံ့သကူ=စွန့်ပစ်ထားသည်ကို ကောက်ယူခြင်းလို့ အဓိပ္ပာယ်ရပါတယ်။ ဒီပွဲတော်ကို ကျင်းပနိုင်ဖို့ လှူမယ့်သူက ကိုယ်လှူချင်ရာပစ္စည်းကို လမ်းမတွေပေါ်၊လမ်း‌ဘေးတွေမှာ တိတ်တိတ်လေးပစ်ထားပြီး အမှတ်မထင်တွေ့တဲ့သူက ကောက်ယူသုံးစွဲလို့ရပါတယ်။

(၆)မယ်ဇလီဖူးသုပ်ဝေငှပွဲတော်

တန်ဆောင်းမုန်းလပြည့်နေ့မှာ မယ်ဇလီဖူးသုပ်စားရင် ဆေးပေါင်းခတယ်လို့ သတ်မှတ်ထားတာမို့လို့ တန်ဆောင်မုန်းလပြည့်ညမှာ မယ်ဇလီဖူးသုပ်စားကြပါတယ်။

မြန်မာဆယ့်နှစ်လရာသီထဲမှာ တန်ဆောင်မုန်းလက ပွဲတော်အမျိုးအစားအများဆုံးလို့တောင် ပြောနိုင်ပါတယ်။ အဲ့ဒီတော့ တန်ဆောင်တိုင်လပြည့်နေ့မှာ စိတ်ချမ်းသာ ၊ ကိုယ်ကျန်းမာပြီး ပျော်ရွှင်စရာနေ့လေးကို ပိုင်ဆိုင်နိုင်ပါစေလို့ HLO Clothing မှ ဆုမွန်ကောင်းတောင်းလိုက်ပါတယ်ခ။


#တန်ဆောင်မုန်းလပြည့်နေ့

27/10/2025

Hello

မင်မင်မအားလို့

Post မတင်ဖြစ်တာ

တော်တော်ကြာသွားပြီနော်

အထည်တွေရှိနေပါသေးတယ်လို့

လာပြောတာ

ကုန်သွားတယ်ထင်မှာစိုးလို့ပါ

ချစ်ကာကာတို့😍

06/10/2025

* #သီတင်းကျွတ်လပြည့်နေ့ (သို့) အဘိဓမ္မာ အခါတော်နေ့ (သို့) ပဝါရဏာနေ့ * 🪷🪷
~~~~~~~~~~~~~~~~~~~~~~

မြတ်ဗုဒ္ဓဒေသနာအရ သီတင်းကျွတ်လပြည့်နေ့ကို အဘိဓမ္မာအခါတော်နေ့အဖြစ် ပညာရှင်တို့ သတ်မှတ်ခဲ့ကြသည်။ အကြောင်းက နတ်ပြည်၌ နတ်ပရိတ်များ အဘိဓမ္မာဒေသနာ အကျယ်ဟောကြားပြီး ဆုံးသောနေ့သည် သီတင်းကျွတ်လပြည့်နေ့ ဖြစ်သည်။ စန္ဒကူးတော၌ အရှင်သာရိပုတ္တရာအား အဘိဓမ္မာဒေသနာ အကျဉ်း ဟောကြားပြီးဆုံးသော နေ့သည်လည်း သီတင်းကျွတ်လပြည့်နေ့ ဖြစ်သည်။ အရှင်သာရိပုတ္တရာက တပည့်ငါးရာတို့အား အဘိဓမ္မာ ဒေသနာကို မကျဉ်းမကျယ် အလယ်အလတ် ဟောကြားပြီးဆုံးသော နေ့သည်လည်း သီတင်းကျွတ်လပြည့်နေ့ ဖြစ်သည်။

မြတ်ဘုရားရှင်သည် မဟာသက္ကရာဇ် (၁၀၉) ခုနှစ်၊ ဝါဆိုလပြည့် ညနေချမ်း၌ သာ၀တ္ထိပြည်အနီး ကောသလမင်း၏ ဥယျာဉ်မှူး ``ကဏ္ဍ´´သည် ဘုရားရှင် မိန့်ကြားချက်အတိုင်း စိုက်ပျိုးအပ်သော ကဏ္ဍမ္ဗသရက်ဖြူပင်အနီးတွင် တိတ္ထိတို့ကို နှိပ်နင်းတော်မူရန် ရေမီးအစုံစုံ တန်ခိုးပြာဋိဟာ ပြပွဲကြီးကို အဆန်းတကြယ် ဖန်ဆင်းပြတော်မူသည်။

ထိုပွဲအပြီးတွင် မယ်တော်ဟောင်းနတ်သားအား အဘိဓမ္မာဒေသနာဖြင့် ကျေးဇူးဆပ်ရန် ခြေလှမ်း နှစ်လှမ်းဖြင့်သာ တာဝတိ ံသာ နတ်ပြည်သို့ ကြွသွားတော်မူသည်။ ပရိသတ်က ဘုရားရှင်ကို မမြင်တွေ့တော့၍ အရှင်အနုရုဒ္ဓါ မထေရ်အား မေးမြန်းရာ မထေရ်မြတ်ရှင်းပြမှ အကြောင်းစုံသိကြရသည်။ ပရိသတ်ကြီးက ဘုရားရှင်ကို မဖူးရဘဲ မပြန်ဟု တိုင်ပင်ကြကာ ထိုနေရာမှာပဲ ယာယီတဲနန်းထိုးကာ နေကြလေသည်။

သီတင်းကျွတ် ခါနီးမှ အရှင်မဟာမောဂ္ဂလန်ထံမှ တစ်ဆင့် ဘုရားရှင် သင်္ကဿနဂိုရ်မြို့သို့ ကြွဆင်းတော်မူမည့်အကြောင်း သိရသဖြင့် သင်္ကဿနဂိုရ်မြို့ကနေ သွားရောက်ကြိုဆိုကြသည်။

ဘုရားရှင်သည် တာ၀တိ ံသာပြည် မဏ္ဍုကမ္ဗလာ မြကျောက်ဖျာ၌ မယ်တော်ဟောင်း သန္တုသိတအမှူးရှိသော နတ်ဗြဟ္မာတို့အား ဝါတွင်းသုံးလ နေ့ညမစဲ အဘိဓမ္မာတရားကို ဟောကြားတော်မူရာ သီတင်းကျွတ်လပြည့်နေ့၌ ပြီးဆုံးလေသည်။ သီတင်းကျွတ်လပြည့်နေ့၌ သိကြားမင်းအား လူ့ပြည်ပြန်တော့မည့် အကြောင်း နှုတ်ဆက်စကား မိန့်ကြားရာ သိကြားမင်းက ရွှေစောင်းတန်း၊ ငွေစောင်းတန်း၊ ပတ္တမြားစောင်းတန်း၊ စောင်းတန်းသုံးသွယ်တို့ကို ဖန်တီးပေးသည်။ လက်ျာဘက်ရွှေစောင်းတန်းက နတ်များအဖို့ ရည်ရွယ်သည်။ လက်ဝဲဘက်ငွေစောင်းတန်းက ဗြဟ္မာများအတွက် ရည်ရွယ်သည်။ ပတ္တမြားစောင်းတန်းက ဘုရားရှင်အတွက် ရည်ရွယ်သည်။ စောင်းတန်းတို့၏ မုခ်ဦးက မြင်းမိုရ်တောင်ထိပ်မှာရှိ၍ အခြေက သင်္ကဿနဂိုရ်မြို့ တံခါး၀မှာ ရှိသည်။

မြတ်ဘုရားရှင်သည် လူ့ပြည်ဆင်းခါနီး မြင်းမိုရ်တောင်ထိပ်တွင်ရပ်လျက် ရေအစုံမီးအစုံ တန်ခိုးပြာဋိဟာတို့ကို ပြတော်မူ၍ ထက်ကောင်းကင်သို့ ကြည့်တော်မူသောအခါ အကနိဋ္ဌဗြဟ္မာပြည်တိုင်အောင် အဆီးအတားမရှိ ဟင်းလင်းဖြစ်သွားတော့၏။ အောက်ကိုကြည့်သောအခါ အဝီစိငရဲတိုင်အောင် အပိတ်အပင်အတားအဆီးမရှိ ဟင်းလင်းပြင် ဖြစ်သွားတော့၏။
ထိုအခါ သမယတွင် ပြည်သူပြည်သားအပေါင်းတို့က မီးရှူးမီးတိုင်များ၊ မီးပန်းများ၊ ဆီမီးများ၊ ပန်း၊ ရေချမ်းများဖြင့် ကပ်လှူပူဇော်ကြသည်။

တာ၀တိ ံသာ နတ်ပြည်ရှိ စူဠာမဏိစေတီတော်ကိုလည်း ပူဇော်သည့် အထိမ်းအမှတ်ဖြင့် မီးပုံးများပြုလုပ်၍ ကောင်းကင်သို့လွှတ်တင် ပူဇော်ကြသည်။ ထိုကဲ့သို့ပူဇော်ကြသည်ကို အကြောင်းပြုကာ ယနေ့ခေတ်အခါတိုင်အောင် မြန်မာတစ်နိုင်ငံလုံး၌ နှစ်စဉ်ကျင်းပ ပြုလုပ်မြဲ ဖြစ်သည်။

ယင်းအဘိဓမ္မာသည် ဓမ္မသင်္ဂဏီ၊ ဝိဘင်း၊ ဓာတုကထာ၊ ပုဂ္ဂလပညတ်၊ ကထာ၀တ္ထု၊ ယမိုက်၊ ပဋ္ဌာန်းဟူ၍ ခုနစ်ကျမ်းရှိသည့် ကုသိုလ်၊ အကုသိုလ် စသော တရားတို့ကို အကျဉ်းချုပ်အားဖြင့် ဟောကြားတော်မူသော ကျမ်းကို "ဓမ္မသင်္ဂဏီကျမ်း" ဟု ခေါ်သည်။

ခန္ဓာ စသော တရားတို့ကို သုတ္တန်နည်း၊ အဘိဓမ္မာနည်းတို့ဖြင့် အမေးအဖြေပြုလုပ်ကာ အကျယ် ဝေဖန်ဟောကြားသော ကျမ်းကို "ဝိဘင်း ကျမ်း" ဟု ခေါ်သည်။

ဓာတ်အမျိုးမျိုး ဟောကြားသောကျမ်းကို "ဓာတုကထာ" ဟုခေါ်သည်။ ပုဂ္ဂိုလ် အမျိုးတို့ကို ခွဲခြားသတ်မှတ် အမည်တပ်၍ ဟောကြားသောကျမ်းကို "ပုဂ္ဂလပညတ်" ဟု ခေါ်သည်။ အယူဝါဒနှင့်ဆိုင်သော စကားတို့၏ တည်ရာဖြစ်၍ အဘိဓမ္မာ အနှစ်သာရတို့နှင့် ပြည့်စုံသောကျမ်းကို "ကထာ၀တ္ထု" ဟု ခေါ်သည်။ အနုလုံနှင့် ပဋိလုံ၊ ပုစ္ဆာနှင့်ဝိသဇ္ဇာနာ၊ သန္နိဋ္ဌာန်နှင့် သံသယအစုံစုံပြု၍ ဟောကြားတော်မူသော ကျမ်းကို "ယမိုက်ကျမ်း" ဟုခေါ်သည်။ အကြောင်းအမျိုးမျိုးကို ဟောတော်မူသောကျမ်း၊ ကုသိုလ် စသောတရားတို့ကို နှစ်ဆယ်လေးပစ္စည်းဖြင့် ဝေဖန်သော ကျမ်း၊ သဗ္ဗညုတဥာဏ်တော်၏ ကျက်စားရာဖြစ်သော ကျမ်းကို "ပဋ္ဌာန်းကျမ်း" ဟု ခေါ်သည်။

အဘိဓမ္မာတရားသည် အမိကျေးဇူးဆပ် တရားဖြစ်ခြင်း၊ နတ်ပြည်၌ဟောကြားခြင်း၊ သုံးလကြာမျှဟောရခြင်း၊ ပကတိဘုရားနှင့် နိမ္မိတဘုရားတို့ တစ်လှည့်စီဟောကြားခြင်း ဟု ထူးခြားချက် လေးမျိုးနှင့်ပြည့်စုံသော တရားဖြစ်သည်။ ပါဠိ၏ နက်နဲခြင်း၊ သဘောအဓိပ္ပာယ်၏ နက်နဲခြင်း၊ ဟောကြားပုံအစီအစဉ်၏ နက်နဲခြင်း ဥာဏ်တော်၏ နက်နဲခြင်း စသော ဂမ္ဘီရလေးမျိုးနှင့် ပြည့်စုံသော တရားဖြစ်သည်။

အဘိဓမ္မာတရားတော်ကို သင်ယူခြင်း၊ ကြားနာခြင်း၊ ရွတ်ဖတ်ပူဇော်ခြင်းကြောင့် လင်းနို့သား ရဟန်း ငါးရာကဲ့သို့ နမရူပပရိစ္ဆေဒ ဥာဏ်ရင့်သန်ခြင်း၊ မဂ်ဖိုလ်နိဗ္ဗာန်ရရန် အကြောင်း အထောက်အပံ့ကောင်း ဖြစ်ခြင်း၊ ဘေးဥပါဒ်အန္တရယ် ကင်းဝေးခြင်း၊ ကျက်သရေမင်္ဂလာ အဖြာဖြာနှင့် ပြည့်စုံခြင်း ဟူသော အကျိုးထူး တရားများ ရရှိနိုင်သည်။

သီတင်းကျွတ် လပြည့်နေ့တွင် ပုရိမဝါမှ ထမြောက်ကြသော သံဃာတော် အရှင်မြတ်များသည် မိမိတို့အချင်းချင်း အပြစ်ကြီးငယ်ရှိပါက သည်းခံခွင့်လွတ်ရန်၊ လမ်းမှန်ကိုညွန်ပြရန်၊ သွန်သင်ဆုံးမရန် တောင်းပန်ကြပြီး ပဝါရဏာ ပြုကြပါသည်။

ထို့ကြောင့် သီတင်းကျွတ် လပြည့်နေ့ကို ပဝါရဏာနေ့ဟုလည်း ခေါ်ကြပါသည်။

ဤသို့ ထူးခြားသော၊ ဗုဒ္ဓဘာသာ၀င်တို့၏ နေ့ထူးနေ့မြတ်ဖြစ်သော သီတင်းကျွတ်လပြည့်နေ့ ဥပုသ်နေ့မှာ ဒါန၊ သီလ၊ ဘာ၀နာ ကုသိုလ်ကောင်းမှုများ အထူးပြုနိုင်ကြပါစေကြောင်း ဆုမွန်ကောင်း တောင်းရင်း သီတင်းကျွတ်လပြည့်နေ့ (သို့) အဘိဓမ္မာ အခါတော်နေ့ (သို့) ပဝါရဏာနေ့ အကြောင်း
သိကောင်းစရာ အဖြာဖြာကို ဝေမျှရင်း ကုသိုလ်ယူပါသည် 🙏🙏

CrdOrginalUploader
အဘိဓမ္မာအခါတော်နေ့
သီတင်းကျွတ်လပြည့်

05/10/2025

❤️‍🩹 #မင်မင်၏မျှော်လင့်ချက်လေးတစ်ခု

❤️‍🩹Video views အတိုင်းသာရောင်းရပါလို၏

😬😜

❤️‍🩹အဲ့ဆိုရင်မင်မင်သူဌေးဖြစ်ပြီ

ဒီသီတင်းကျွတ်မှာ😬

17/09/2025

ချစ်သောလေးတို့အတွက်

အဆင်သစ်လေးတွေလာပြီနော်

ပို့စ်တောင်သေချာမတင်ရ‌သေးဘူး

Messenger ကနေကော ဖုန်းနဲ့ကော

အားပေးကြလို့အရောင်လေးစုံတုန်း

ရွေးထားကြပါ ချစ်ကာကာလေးတို့ရေ

ဒီတခေါက် XL ဆိုဒ် ပါ

ထပ်တိုးထုတ်ထားပေးတယ်နော်🥰

သီတင်းကျွတ် Promotion အနေနဲ့

အရင်တခေါက်ထက်ဈေးနည်းနည်း

ချထားပေးတယ်နော်😬🩷

Premium Digital စပန့်

🌸M size 23500 ရင် 38,39 တင် 46 (lb 90 to120)

🌸L size 24500 ရင် 42 တင် 50 (lb 120 to 140)

🌸XL size 25500 ရင် 46 တင် 54 lb 140 to 170)

#အားပေးမှုအတွက်ကျေးဇူးတင်ပါတယ်ခ

07/09/2025

#အဆင်သစ်ကလေးတွေ
#ဖြည်းဖြည်းချင်းပြမယ်‌နော်သဲလေးတို့
#ကိုယ်ထုတ်ကိုယ်ကြိုက်😜

Check out Nang Htwe Linn’s post.

06/09/2025

#တော်သလင်းလပြည့်နေ့ ၏ #ထူးခြားချက်များ
+++++++++++++++

တော်သလင်း (တဝ်သလင်း) သည် မြန်မာပြက္ခဒိန်၏ ခြောက်လမြောက် ဖြစ်ပြီး ဩဂုတ်နှင့်စက်တင်ဘာလအတွင်း ကျရောက်သည်။ တော်သလင်းလတွင် ရက် ၃၀ ရှိပြီး ရက်စုံသောလဖြစ်သည်။

အမည်ရင်းမြစ်
တော် ဆိုသည်မှာ မြင့်မြတ်သည်၊ အထွတ်အထိပ် ဖြစ်သည်၊ အထက်ကောင်းကင် ဖြစ်သည်ဟူ၍ လည်းကောင်း၊ သလင်း ဆိုသည်မှာ သာလင်းမှ လာ၍ သာယာထွန်းလင်းဟူသော အဓိပ္ပာယ်ရှိသည်ဟူ၍လည်းကောင်း ကြံဆကြသည်။ သို့သော် အင်းဝခေတ်နှောင်းပိုင်းတွင် သစ်ဆင်းလဟူသောအရေးအသားကို ပျို့ကဗျာများ၌တွေ့ရပြန်သည်။ ယင်းကို အချို့သောပညာရှင်တို့က သစ်ဖောင် ဝါးဖောင်များ စုန်ဆင်းသောလဟု အဓိပ္ပာယ်ကောက်ကြသည်။ သို့ရာတွင် စာဆို ဦးအောင်ကြီး ၏လူးတားတွင် တိုင်လေးစင် ၏ထိပ်ဖျားမှ ပိုက်ခင်းထားသော ရေပြင်ပေါ်သို့ခုန်ဆင်းသည့်ပျော်ပွဲသဘင်ကို အခိုင်အမာ ဖော်ပြထားသောကြောင့် ပန်းလုသဘင်၊ သစ်ဆင်းရင် သောပွဲတော်ကို အစွဲပြု၍ သစ်ဆင်းလဟု ခေါ်ကြောင်း အဆိုကို အများကလက်ခံကြသည်။ ဤအချက်ကို လှေသင်းဝင်မင်းက သဘာမတူသည့်အပြင် တော်သလင်း ၏ဇာစ်မြစ်ကိုကြံဆရာ၌ ကောသိတုံအလံ ဟူသောပါဠိမှ ဆင်းသက်၍ တော်သလင်းဟူသော စကားဖြစ်လာသည်ဟု ဆိုသည်။ တော်သလင်းကို ရာသီအားဖြင့် ကန်ရာသီဟုခေါ်သည်။ ကန်ရာသီကား ကညာကိုစွဲခေါ်ခြင်းဖြစ်သည်။ ကညာသည် ယောက်ျားကိုနှစ်သက်စေခြင်း သဒ္ဒါသည် ပါဠိ၌ တောသဟူ၍လည်း ရှိသည်။ တောသမှတော်သလင်းသို့ရွေ့လျားသည်ဟု လှေသင်း အတွင်းဝန်က မိန့်ဆိုသည်။

'သလင်' သည် 'ကြည်လင် သန့်ရှင်းခြင်း' ကို ရည်ညွှန်းပြီး 'တဝ်' မှာ “အမြင့်”အားရည်ညွှန်းသည် ဖြစ်သောကြောင့် 'မိုးကောင်းကင်' ဟုအဓိပ္ပာယ်ရပေသည်။ ထို့ကြောင့် တဝ်သလင်းမှာ 'မိုးကောင်းကင် ကြည်လင်သာယာသည်' ဟူသောအနက်ကို ဆောင်လေသည်။ လေပြင်း မိုးပြင်း တိုက်ခတ် ရွာသွန်းသောကာလ ပြီးဆုံးလေပြီ ဟုလည်းဆိုလိုသည်။ ခရစ် ၁၆ ရာစုနှစ် အတွင်းက ယခုလအား 'သစ်ဆင်း' လို့လည်း ခေါ်ခဲ့ဖူးသည့်အထောက်အထားများ ရှိခဲ့သည်။

ပွဲတော်များ
ရေကန်၊ မြစ်ကမ်းစပ်များတွင် လေးတိုင်စင်ဆောက်၍ စင်ပေါ်မှ ကခုန် မြူးထူးပြီး ရေထဲကို ခုန်ချသည့်ပျော်ရွှင်ပွဲ၊ လှေပွဲများကို ကျင်းပကြသည်။ ကောက်စိုက်ချိန်ကာလအတွင်း အလုပ်ပင်ပန်းခဲ့ကြသည့် တောင်သူများ အလုပ်ပြီးမြောက်ကုန်ဆုံး၍ မြူးထူး ပျော်ပါးသည့်လ ဟုလည်းဆိုနိုင်သည်။ အထိမ်းအမှတ် ပန်းအနေဖြင့် ယင်းမာပန်း (Chukrosia tabulais) ကိုသတ်မှတ်သည်။

တော်သလင်းလသည် မြန်မာဓလေ့ရာသီပွဲတော် အစဉ်အလာအရ လှေပြိုင်ပွဲ ကျင်းပသည့်လဖြစ်သည်။ ဤလတွင် မြစ်ချောင်းတို့၌ လှိုင်းလေကင်းရှင်းပြီး ရေပြင်မှာ သင်ဖြူးဖျာ ခင်းထားသကဲ့သို့ ပြေပြစ်ငြိမ်သက်စွာ ရှိတတ်ရာ "တော်သလင်း မြစ်တွင်း သင်ဖြူးခင်း"ဟု ဆိုရိုး ရှိသည်။ ထို့ကြောင့် ဤလတွင် လှေပြိုင်ပွဲများ ကျင်းပကြသည်။ ရှေးက လှေပြိုင်ပွဲများကို ဘုရင်မင်းမြတ်ကိုယ်တိုင် ကြွရောက်ရှုစားတော်မူလေ့ရှိသည်။ လှေလှော်သားတို့အား ဆုတော်လာဘ်တော်များလည်း ချီးမြှင့်လေ့ရှိသည်။

တော်သလင်းလသည် မိုးနှောင်းပိုင်း ကာလဖြစ်၍ ရွာသောမိုးသည် လယ်ကန်သင်းများ ကျိုးအောင် သည်းသည်းမည်းမည်း ရွာတတ်သည်။ "တော်သလင်းမိုး ကန်သင်းကျိုး" ဟူ၍ ဆိုရိုးရှိသည်။ မိုးများသဖြင့် စပါးကိုပင် နေလှန်းပြီးမှ ထမင်းချက်ရသည်။ ထို့ကြောင့် ရှေးစာဆိုတို့က "တော်သလင်းတိမ်ညို စားဖိုသည်ဆင်းရဲ မိုးမသဲ" ဟု ဆိုရိုးပြုခဲ့ကြသည်။

တော်သလင်းလတွင် ဗုဒ္ဓဘာသာဝင်တို့၏ နေ့ကောင်းနေ့မြတ် ဖြစ်သော တော်သလင်းလပြည့်နေ့တွင် ဂရုဓမ္မအခါတော်နေ့ ကျင်းပကြပြီး ကျောင်းကန်ဘုရားများတွင် ငါးပါးသီလ ဥပုသ်သီတင်း စောင့်ထိန်းကြခြင်း ဖြစ်သည်။

ဂရုဓမ္မအခါတော်နေ့
တော်သလင်းလပြည့် ဂရုဓမ္မအခါတော်နေ့ ဖြစ်ပေါ်လာရခြင်းမှာလည်း မြတ်စွာဘုရားလက်ထက်တော်ကပင် ဖြစ်သည်။ မြတ်ဗုဒ္ဓဟောကြားသော တိကနိပါတ်ကုရုဓမ္မဇာတ်တော်၌ ကုရုတိုင်း ဣန္ဒပတ္တန နဂိုရ်ပြည်နှင့် ကလိင်္ဂတိုင်း ဒန္တုပူရပြည် နှစ်ပြည်ထောင် ရှိကြသည်။ ကုရုတိုင်း ဣန္ဒပတ္တန နဂိုရ်ပြည်သည် မိုးလေဝသမှန်ပြီး သာယာဝပြော၏။

ကလိင်္ဂတိုင်း ဒန္တုပူရပြည်ကား မိုးလေဝသ မမှန်သဖြင့် ငတ်မွတ်ခေါင်းပါး ဒုဗ္ဘိက္ခန္တရကပ် ကျရောက်နေလျက် ပြည်သူများ သေဆုံးနေကြသည်။ ကုရုတိုင်း ဣန္ဒပတ္တန နဂိုရ်ပြည့်ရှင် ကောရဗျဘုရင်၌ ဆင်ဖြူတော်ရှိနေ၍ မိုးရွာသည်ဟု ကလိင်္ဂတိုင်း ဒန္တုပူရပြည့်ရှင် ကလိင်္ဂမင်းက ကောရဗျဘုရင်မင်းထံ ဆင်ဖြူတော်ကို အလှူခံလေသည်။ ကောရဗျမင်းကလည်း ဆင်ဖြူတော်ကို လှူလိုက်သည်။ ဒန္တုပူရပြည်၌ ဆင်ဖြူတော် ရောက်လာသော်လည်း မိုးမရွာသဖြင့် ကောရဗျမင်းထံ ဆင်ဖြူတော်ကို ပြန်ပို့ကာ မိုးရွာစေသော နည်းများရှိလျှင် ပေးပါဟု ကောရဗျမင်းထံ တောင်းဆိုပြန်သည်။

ကောရဗျဘုရင်က သူနှင့် ကုရုတိုင်းသုပြည်သားများ ကျင့်သုံးသော

သူ့အသက်ကို သတ်ဖြတ်ခြင်းမှ ရှောင်ကြဉ်ခြင်း၊
သူတစ်ပါးဥစ္စာခိုးယူခြင်းမှ ရှောင်ကြဉ်ခြင်း၊
သူတစ်ပါး သားမယားတို့ကို ကာမဂုဏ် ကျူးလွန်ခြင်းမှ ရှောင်ကြဉ်ခြင်း၊
မဟုတ်မမှန် ပြောဆိုခြင်းမှ ရှောင်ကြဉ်ခြင်း၊
အရက်သေစာ သောက်စားခြင်းမှ ရှောင်ကြဉ်ခြင်း တို့ဖြစ်သော ဂရုဓမ္မ ငါးပါးသီလကို ရွှေပေလွှာ၌ ရေးပေးလိုက်သည်။
ဒန္တုပူရဘုရင်နှင့် ကလိင်္ဂတိုင်းသူပြည်သားတို့သည် ငါးပါးသီလကို တော်သလင်းလမှာ ရရှိကြကာ ဤလမှစ၍ ဆောက်တည်ကြ၏။ မိုးလေဝသ မှန်ကန်လာပြီး ဆန်ရေစပါး စားနပ်ရိက္ခာ ပေါများကာ သာယာဝပြောလာ၏။ ကုရုတိုင်းသူပြည်သားတို့၏ အမြဲမပြတ် စောင့်ထိန်းကြသည့် ငါးပါးသီလကို အကြောင်းပြု၍ တော်သလင်းလပြည့်နေ့ကို သူတော်ကောင်းများ အလေးဂရုပြုကျင့်သုံး ဆောက်တည်ကြသော ကုရုဓမ္မမှ ဂရုဓမ္မအခါတော်နေ့ဟု ဗုဒ္ဓဘာသာဝင်များ မှတ်ယူကြသည်။

03/09/2025

🥰၁။ ဆိုင်နေရာကောင်းခြင်းဟာ
ဆိုင်ကြီးတာ ငယ်တာထက် ပိုအရေးကြီးတယ်။

၂။ ရောင်းကုန်ရဲ့ အရည်အသွေးဟာ
ဆိုင်နေရာထက် ပိုအရေးကြီးနေတတ် ပြန်တယ်။
👌
၃။ စကားချိုချိုသာသာ စျေးရောင်းတတ်ခြင်းဟာ
အရေးကြီးပါတယ်။
ဖောက်သည်ကို ပိုမြဲစေပါတယ်။

၄။ အရင်းအနှီး နည်းတာကို စိုးရိမ်ခြင်းထက်၊
ယုံကြည်မှု နည်းတာကို ပိုစိုးရိမ်သင့်ပါတယ်။

၅။ ဆိုင်ကို လှလှပပ ခင်းကျင်းတတ်ခြင်းဟာ
အရေးကြီးပေမဲ့ နည်းနည်း ရှုပ်ပွနေတဲ့ ဆိုင်ငယ်
ကလေးက ပိုရောင်းကောင်းနေတတ်ပါတယ်။
စျေးချိုတယ်ဆိုတာကို ဝယ်ယူသူများက
ထင်မြင်သွားစေလို့ပါ။

၆။ ဝယ်သူကို တောက်လျှောက်လိုက်ကပ်နေတာမျိုး၊
မဝယ်မချင်းတိုက်တွန်းနေတာမျိုးရှောင်ကြဉ်ပါ။

၇။ ပိုက်ဆံ တစ်ကျပ်သုံးနိုင်တဲ့ သူကိုလည်း
ပိုက်ဆံ တစ်ရာသုံးနိုင်တဲ့သူလိုပဲ မျှမျှတတ ဆက်ဆံ
ပါ ။

၈။ ငွေလည်ပတ်မှု မြန်ဆန်ပါစေ။

၉။ ဝယ်သူရဲ့ ရှေ့မှာ ဆိုင်ဝန်ထမ်းတွေကို
ဆဲဆိုအပြစ်တင်ခြင်းဟာ ဝယ်သူကို မောင်းထုတ်
တာပါ။

၁၀။ နည်းနည်း၊ များများ လက်ကားဖောက်သည်ကို
အမျိုးလို သဘောထားပါ။
တတ်နိုင်သမျှ သူတို့ရဲ့တောင်းဆိုချက်ကို
ဖြည့်ဆည်း ပေးပါ။

၁၁။ ရောင်းကုန်ပစ္စည်း ပြတ်သွားတယ်ဆိုတာ
ဖောက်သည်ကို လျစ်လျူရှုတာ ၊
စော်ကားတာနဲ့ အတူတူပဲ။

၁၂။ စျေးနူန်းတစ်ခုတည်း ဖြစ်ပါစေ ။
တစ်ခုခုကြောင့် စျေးလျှော့ရောင်း ခြင်းဟာ
စိတ်ရှုပ်ထွေးမူကို ဖြစ်စေတတ်ပါတယ်။
ကတိကို ထိခိုက်နိုင်စေပါတယ်။

၁၃။ ဘယ်သူ့ကိုမှ အတင်းရောင်းချခြင်း မပြုပါနဲ့ ။
ဝယ်သူ ကြိုက်တဲ့ပစ္စည်းဟာ
ဝယ်သူ အကျိုးရှိစေတဲ့ ပစ္စည်းလည်း ဖြစ်ပါစေ ။

၁၄။ စက္ကူ တစ်ရွက်ပဲဖြစ်ဖြစ်၊
လက်ဆောင်ကို လူတိုင်းနှစ်သက်တတ်ကြပါတယ်။

၁၅။ ကလေးများဟာ ကျေးဇူးရှင်ပါ။
ဝယ်သူများက ကလေးကို ခေါ်ဆောင်လာတာပဲ
ဖြစ်ဖြစ်၊
ကလေးစျေးလာဝယ်တာပဲ ဖြစ်ဖြစ် အထူးဂရုစိုက်
ပေးပါ။
(ကလေးကို လွှတ်တာတောင် ဖြစ်ကတတ်ဆန်း
မလုပ်ဘူး) ဆိုတာ သိပါစေ။

၁၆။ အသစ်ထွင်ပါ။
ဝယ်သူကို ဆွဲဆောင်နိုင်အောင်အမြဲ ကြိုးစားပါ။

၁၇။ အရောင်းအဝယ် ကြီးကြီးသေးသေး
အစွမ်းကုန် ကြိုးစားပါ။
ဆိုင်တစ်ခုလုံး ရှင်သန်နေပါစေ။
ဝယ်သူ များလာအောင်
ဆွဲဆောင်နိုင်ကြပါလိမ့်တယ်။

Credit