19/07/2025
KH | Hodor-ဟိုးဒေါ ( အကြွင်းမဲ့ သစ္စာတရားရဲ့ ပြယုဂ် )
GOT ကြည့်တဲ့ ပရိတ်သတ်တွေရဲ့ အာရုံကို လွယ်လွယ်ဖမ်းစားနိုင်တဲ့ ဇတ်ကောင်တွေထဲမှာ ဟိုးဒေါ လဲ အပါအဝင်ဖြစ်ပါလိမ့်မယ်
ဟိုးဒေါ ဆိုတာနဲ့ Bran Stark နားမှာ သွားလာလှုပ်ရှားနေတဲ့ ခန္ဓာကိုယ် အကြီးကြီးနဲ့ လူတစ်ယောက်ကို ပြေးမြင်ကြမှာပါ
ဟိုးဒေါလို့ ခေါ်ရတာကလဲ သူကိုယ်တိုင်က အဲ့စကားလုံးတစ်လုံးပဲ အမြဲတမ်းရွတ်နေခဲ့တာပါ
သူ့ဘဝ အစ ပိုင်းကနေ စလေ့လာကြည့်ကြရအောင်ပါ။ သူက Winterfell မှာမွေးခဲ့တဲ့ Wylis နာမည်ခံ သာမန် ကောင်လေးတစ်ယောက်ပါပဲ။
တုတ်ခိုင်တဲ့ ခန္ဓာကိုယ်ကြီးနဲ့ ဘဝကို ပျော်ပျော်ရွှင်ရွှင် ဖြတ်သန်းနေခဲ့တာပါ.. ဘယ်ပုံဘယ်နည်းနဲ့ ဟိုးဒေါလို့ပဲ ပြောတော့တာလဲဆိုတာကတော့….
Robert Baratheon ဟာ ၇ ပြည်ထောင်ရဲ့ ဘုရင်အဖြစ် နန်းတတ်ပြီးတာနဲ့ Ned Stark ကို ဘုရင့်လက်ထောက်တော် ခန့်ဖို့ရာ မြောက်ပိုင်းက Winterfell ကို ကိုယ်တိုင်ကြွချီလာပါတယ်.. အဲ့မှာ သူ့ပတ်သတ်ရာ ပတ်သတ်ကြောင်း တွေထဲ မိဖုရားဖြစ်သူ Cersei အပြင် အခြား Lannister တွေလဲ ပါလာတာပေါ့
အဲ့မှာ Lannister မောင်နှမ က နယ်မြေသစ်ရောက်တုန်း မထိမ်းနိုင်မသိမ်းနိုင်နဲ့ အထပ်မြင့်ပေါ်တတ်ပြီး ချစ်ရည်လူး နေတာကို ခုန်ပျံကျော်လွှား ဝါသနာပါတဲ့ Bran က အမှတ်မထင်သွားတွေ့တယ်။
မောင်နှမချင်းဖြစ်နေတာအပြင် ဘုရင်ဖြစ်သူ Robert သိရင် မိုးမီးလောင်မယ်ဆိုတာသိတော့ အစဖျောက်ဖို့ တွန်းချလိုက်ကြရာမှာ Bran ကမသေပဲ လမ်းမလျှောက်နိုင်တဲ့ ဒုက္ခိတ ဖြစ်သွားရှာတယ်
အဲ့မှာ ဟိုးဒေါ ဟာ Bran သွားချင်ရာသွားဖို့ ကူညီပေးဖို့ရာ ဖြစ်လာပါတော့တယ်
အဲ့လိုချိန်မှာ Winterfell မှာ ကျောပိုးပြီးတလှည့် ပွေ့ပြီး တဖုံ သွားလိုရာ လိုက်ပို့ပေးတာက ခိုင်းလို့လုပ်တာမို့ ဘာမှပြောစရာမရှိပါဘူး။ ဘာ အန္တရာယ် ထွေထွေထူးထူးမှ မရှိတဲ့ အခြေနေမျိုးဆိုတော့ လူတိုင်းလုပ်ပေးနိုင်ပါတယ်
ဒါပေမယ့် Theon Greyjoy က Winterfell က သိမ်းလိုက်တဲ့ချိန်မှာ Bran ရယ် Rickon တို့လွှတ်ဖို့အရေး ပါဝင်ကူညီပေးတာကတော့ သူ့ရဲ့ သစ္စာတရား ကို စပြီး အသိမှတ်ပြုရမှာဖြစ်တယ်
ဖမ်းမိရင် အသက်ဘေး မလွှတ်နိုင်မှန်းသိလျက်နဲ့ Bran ကိုလက်ဆွဲလှည်းလေးပေါ်တင်ပြေးခဲ့သူဖြစ်တယ်။ သူနဲ့ အတူတူ အသက်ကိုစွန့် ကာကွယ်သွားတဲ့သူကတော့ အရိုင်းစိုင်း တစ်ဖြစ်လှဲ Osha ပါ
Theon ရဲ့ အဖွဲ့တွေ တဟုန်ထိုး လိုက်ရှာနေတဲ့ကြားက Bran ကိုဆွဲပြီး တနေရာကနေ တနေရာ ပတ်ပြေးနေရတာ ဘယ်လောက်ပင်ပန်းမလဲ တွေးကြည့်ရုံနဲ့တင် ကြက်သီးထစရာကောင်းလှတယ်
ဒါပေမယ့် သူလုပ်နိုင်ခဲ့တဲ့အပြင် Bran ရဲ့ဝေယျာဝစ္စ တွေကိုပါ မငြီးမငြူလုပ်ပေးခဲ့တယ်
ဒီလို ဒုက္ခတွေကြားထဲ သူ့သခင်လေးနဲ့တူတူ ရုန်းကန် ရှင်သန်ခဲ့ကြရင်း နောက်ပိုင်းမှာ Bran ဟာ သူ့ရဲ့ဖြစ်တည်မှု အရင်းခံ သဘောတရားကို နားလည်ပြီး သူဘာလုပ်ရမလဲ ဆိုတာကို သဘောပေါက်ခဲ့တယ်
တကယ်တော့ Bran ဟာ ကမ္ဘာကြီးရဲ့ မှတ်ညဏ်အဖြစ် မွေးဖွားလာသူလို့ ခေါ်လို့ရပါတယ်.. သူဟာ လူတိုင်းရဲ့ အတိတ်က အဖြစ်အပျက်တွေကို ခဏ အာရုံခံကြည့်ရုံနဲ့တင် သိနိုင်ပြီး သက်ရှိသတ္တဝါတိုင်း ကို ဝင်ပူးကပ်ပြီး လိုရာလုပ်ဆောင်ခိုင်းနိုင်ပါတယ်
Bran ဟာ သူ့မွေးရာပါ အစွမ်းနဲ့အတူ ပါလာတဲ့တာဝန်တွေကို လက်ဆင့်ကမ်း သယ်ပိုးဖို့ရာ ကမ္ဘာ့မြောက်ဖျား ( Three-Eyed Raven’s Cave) ထိခရီးနှင်ဖို့လိုလာပါတော့တယ်
သွားရမယ့်ခရီးက ရေခဲတံတိုင်းကြီးအလွန် လူသူအရောက်အပေါက်နဲလှတဲ့ ဟိုးမြောက်ဖျားထိ .. လမ်းမှာတွေ့ကြုံနိုင်တဲ့ အန္တရာယ်ဆိုတာလဲ စဉ်းတောင်မစားနိုင်လောက်တဲ့ထိများပြားတယ် ..
ဟိုးဒေါတွက် အဲ့လို မိုင်ရာချီမယ့် ခရီးရှည်ကြီး ဒီတိုင်းလမ်းလျောက်ရုံပဲလားဆိုတော့ မဟုတ်ဘူးရယ်.. Bran ကိုဆွဲသွားရမှာ…
ဒါပေမယ့် ပြန်လမ်းမသေချာတဲ့ ခရီးကို သူ မငြင်းပဲ လိုလိုလားလား လုပ်ပေးခဲ့ပြန်တယ်
ဒီလိုနဲ့ ဒုက္ခခံ လာကြရင်း Bran ရဲ့ ဦးတည်ရာ မျက်သုံးလုံး ကျီးကန်းဂူ ကို ရောက်လာကြတယ်ဆိုပါတော့.. အဲ့မှာ Bran ဟာ သင်ယူစရာတွေ သင်ယူနေချိန် The Night King က လဲ သူတို့ Location ကိုသိသွားလို့ ဝင်တိုက်ပါတော့တယ်
Night King က ဂူထဲဝင်ရောက်လာချိန်မှာ Bran နဲ့သူ့ဆရာတို့ရဲ့ စိတ်ဝိဉာည်တွေ ဟာ အတိတ် က Winterfell ကိုရောက်နေကြတယ်။ အဲ့ချိန်မှာ တိုက်တိုက်ဆိုင်ဆိုင် ဟိုးဒေါ်ဖြစ်လာမယ့် Wylis ဟာလဲ Bran ရဲ့ မြင်ကွင်းထဲမှာရှိနေတယ်
Bran ရဲ့ ခန္ဓာကိုယ်ရှိနေတဲ့ ဂူထဲ Night King ဝင်လာတော့ Bran ကို ကူညီနေတဲ့ မိတ်ဆွေတွေက Bran ကို လှုပ်နိုးပြီး ဟိုးဒေါကို ဝင်ပူးဖို့ ပြောနေကြတယ်
အဲ့အသံကို Winterfell ရောက်နေတဲ့ Bran ရဲ့ စိတ်ဝိဉာည်က ကြားပြီး ဝင်ပူးလိုက်တာမှာ ရှုပ်ထွေးသွားပြီး ဟိုးဒေါ ရဲ့ ပစ္စုပန် ခန္ဓာကိုယ်ရော ဟိုးဒေါ ငယ်ဘဝ ခန္ဓာကိုယ် ကိုပါ ဝင်ပူးမိသွားတယ်
အဲ့လိုနဲ့ အပြင်လောကမှာ ပြေးကြလွှားကြရင်း ဂူပေါက်တံခါးဝအရောက်မှာ ဟိုးဒေါကို အထဲက ဖုတ်ကောင်တွေ ထွက်မလာနိုင်အောင် တံခါးကိုထိမ်းထားဖို့ တစ်ယောက်က လှမ်းအော်လိုက်ပါတယ်
ဟိုးဒေါ ဟာ Hold The Door ကိုအဆက်မပြတ်အော်ရင်း ဂူပေါက်ကြီးကို သူ့ကိုယ်လုံးကြီးနဲ့ပိတ်ပြီး Bran တို့လွှတ်အောင် ကကွယ်ပေးနေချိန်မှာ
သူ့ငယ်ဘဝ ခန္ဓာကိုယ်ကလဲ လှဲကျသွားပြီး Hold the door ကိုလိုက်အော်နေပါတော့တယ်
Hold the door အော်ရင်း တဖြည်းဖြည်း Hold Door, အဲ့ကနေ Hodor ပဲအော်နိုင်ပြီး အဲ့လို ဟိုးဒေါလို့ပဲ အော်တတ်ပါတော့တယ်
အဲ့တော့ သူ ဟိုးဒေါလို့ အော်ရတာဟာ သူသေခါနီး အဖြစ်အပျက်နဲ့ ချိတ်ဆက်သွားတာမို့ Time Travel ပုံစံဖြစ်သွားတယ်ထင်ပါတယ်..
ဒါကတော့ ဒီအဖြစ်ပျက်ကို နားလည်တဲ့ပုံစံ တင်ဆက်ပေးထားတာပါ.. ပိုနားလည်တဲ့ ပုံစံရှိရင်လဲ Comment မှာ Sharing လုပ်ပေးသွားဖို့ တောင်းဆိုပါတယ်
ဟိုးဒေါဟာ ဓါးကိုင်သူရဲကောင်းလဲ မဖြစ်ခဲ့သလို ဘာရာထူးမှလဲ မရခဲ့ရှာဘူး။ ဒါပေမယ့် သူလုပ်ရမယ့် တာဝန်ကို အဆုံးထိပေးဆပ်ပြီး ထမ်းဆောင်သွားခဲ့ပြီး သူ့ရဲ့ သစ္စာတရားကို အထင်ရှားဆုံးပြသသွားတယ်လို့ ခံစားမိပါတယ်
တခုဖြေသာစရာကတော့ သူအဲ့လို ထမ်းဆောင်ပေးခဲ့သူ Bran ဟာ တိုင်းပြည်အကျိုးကို တကယ်ထမ်းဆောင်နိုင်မယ့်သူဖြစ်တာကြောင့် သူပေးဆပ်ခဲ့ရတာဟာ Bran တစ်ယောက်ထဲတွက် မဟုတ်ပဲ အများတွက် ဖြစ်ခဲ့တာပါ
ဟိုးဒေါရဲ့ ရလိုစိတ်နဲ့မဟုတ်ပဲ ဒုက္ခဆင်းရဲထဲ ခုန်ဆင်း ရုန်းကန်ပေးခဲ့တဲ့ စိတ်ဓါတ်လေး သဘောကျလို့ Share ပေးလိုက်ပါတယ်ဗျ
