26/03/2026
💡ကိုရီးယားထမင်းသုပ် (Bibimbap)အကြောင်း သိကောင်းစရာ
안녕하세요 (မင်္ဂလာပါရှင့်) 🙏
"နေခြည်ကင်မ်ချီ (Nay Chi Kimchi)" ရဲ့ ချစ်ရတဲ့သူတွေအတွက် ဒီနေ့တော့ လူကြိုက်အများဆုံး ကိုရီးယားအစားအစာတစ်ခုဖြစ်တဲ့ "Bibimbap" အကြောင်းလေး မျှဝေပေးချင်ပါတယ်ရှင့်။
ကိုရီးယားလို "Bibim (비빔)" ဆိုတာ "နယ်တာ/သုပ်တာ" လို့ အဓိပ္ပာယ်ရပြီး "Bap (밥)" ဆိုတာကတော့ "ထမင်း" ပါ။ ဒါကြောင့် ပေါင်းစပ်လိုက်ရင်တော့ "ထမင်းသုပ်" ပေါ့ရှင့်။
Bibimbap ရဲ့ ထူးခြားချက် (၅) ချက်
၁။ အရောင်အသွေးစုံလင်မှု
ရိုးရာအရ ထမင်းသုပ်ထဲမှာ အဖြူ၊ အမည်း၊ အစိမ်း၊ အနီနဲ့ အဝါ ဆိုပြီး အရောင် (၅) မျိုး ပါဝင်အောင် ပြင်ဆင်လေ့ရှိပါတယ်။ ဒါဟာ ခန္ဓာကိုယ်ရဲ့ အင်္ဂါအစိတ်အပိုင်းတွေကို အကျိုးပြုတယ်လို့ ယူဆကြလို့ပါရှင့်။
၂။ ကျန်းမာရေးနဲ့ ညီညွတ်ခြင်း
အသားအနည်းငယ်နဲ့အတူ လတ်ဆတ်တဲ့ ဟင်းသီးဟင်းရွက်မျိုးစုံ ပါဝင်တာမို့ အာဟာရဓာတ် အပြည့်အဝရစေတဲ့ Diet Food တစ်ခုလည်း ဖြစ်ပါတယ်ရှင့်။
၃။ အဓိကအရသာ (Gochujang)
ကိုရီးယားငရုတ်သီးအနှစ် (Gochujang) နဲ့ နှမ်းဆီမွှေးမွှေးလေးက ထမင်းသုပ်ရဲ့ အသက်ပါပဲ။
၄။ ကင်မ်ချီနဲ့ အတွဲအစပ်
Bibimbapစားတဲ့အခါ ဘေးကနေ ကင်မ်ချီစပ်စပ်လေး ကို (Banchan)အရံဟင်း အဖြစ် တွဲစားမှသာ အရသာအပြည့်အဝ ရတာပါရှင့်။
၅။ ဘယ်လိုသုပ်မလဲ
ကိုရီးယားလူမျိုးတွေကတော့ ထမင်းသုပ်ကို ဇွန်းနဲ့ပဲ သေချာနှံ့အောင် နယ်ပြီး စားလေ့ရှိကြပါတယ်ရှင့်။
ကာကာတို့လည်း အိမ်မှာ ထမင်းဖြူလေးကို ရေခဲသေတ္တာထဲက ဟင်းကြွင်းလေးတွေရယ်၊ ဟင်းသီးဟင်းရွက်လေးတွေ၊ ကြက်ဥကြော်လေး
တစ်လုံးနဲ့ "နေခြည်ကင်မ်ချီ" လေးထည့်ပြီး ကိုရီးယားစတိုင် ထမင်းသုပ်လေး နယ်စားကြည့်ကြပါဦးနော်။ 🥰
Homemade စစ်စစ်ရဲ့ အရသာကို မြည်းစမ်းကြည့်ဖို့ဆိုရင် အခုပဲ "နေခြည်ကင်မ်ချီလေး"ကို မှာယူလိုက်ပါဦးနော်။
주문해 주세요!
(မှာယူပေးကြပါဦးရှင့်)
