A Lo Kya-အလိုကျ

31/12/2025

နှစ်တစ်နှစ်ရဲ့ နောက်ဆုံးရက်ကိုရောက်နေပြီပေါ့နော် ဒီ၂၀၂၅ဆိုတဲ့နှစ်လေးက ကိုယ့်အတွက် မေ့ဖို့ခက်မဲ့နှစ်ပေါ့ ကိုယ့်ကို အပြောင်းအလဲတွေအများကြီးနဲ့တွေ့ကြုံစေခဲ့တယ် ကောင်းတာတွေ ဆိုးတာတွေကို ရင်ဆိုင်ခဲ့ရပြီ ဘယ်လိုနေရမလဲဆိုတာပါ သင်ပေးခဲ့တယ်ပေါ့နော် ကိုယ်ကိုလဲ အများကြီးပြောင်းလဲပေးခဲ့တယ် တကယ်ကို အမှတ်ရပြီ ကျေးဇူတင်နေရမယ် နှစ်တစ်နှစ်ပါ နောက်လာမယ် နှစ်တွေမှာလဲ ဘာတွေပဲကြုံလာလာ အကောင်းဆုံးရင်ဆိုင်ဖြတ်သန်းသွားနိုင်အောင် ကြိုးစားပါ့မယ် goodbye နော်2025 အခုထဲက နှုတ်ဆက်ထားမယ် ညကျရင်မအားမှာစိုးလို့😆😆ပဲခြမ်းတွေလဲ အများကြီးရောင်းကောင်းပါစေ🥰🥰

27/11/2025

စာလေးရေဖို့ မုလာလို့ လိုင်းတက်လဲ မရ
စျေးရောင်းဖို့ လိုင်းလေးတက်မယ်ဆိုလဲ မရနဲ့
ဘဝကြီးက သာယာနေတာ
အခုတော့ စာအုပ်လေးဖတ်ရင်း သတိရသွားလို့
ပဲခြမ်းကြော်တွေ ရောင်းကြောင်းလာပြောတာနော်
မေ့နေကြမှာစိုးလို့😍😍😍

20/11/2025

ပဲခြမ်းကြော်တွေကို ဝယ်စားတဲ့ သူတွေစီက ပြန်ပြောသံလေးတွေက အရမ်းပဲ အားဖြစ်တယ် အရမ်းစားကောင်းတယ် စားလို့ကောင်းတယ်ဆိုတာကြီးပဲ ဒီနေ့လဲ အမတယောက် ပထမဝယ်တာ သူ့အမေက စားကောင်းတယ် ပြောလို့ ထားစားရအောင်ဆိုပြီ ၃ထုပ်ဝယ်သွားတာ ဝယ်တာရက်ပိုင်းနဲ့ ဧည့်သည်လာလို့ ချကျွေးတာ ကိုယ်စားဖို့တောင်မကျန်တော့ဘူးတဲ့ အရမ်းတွေ သဘောကျရတယ် ပစ္စည်းတခုကိုလေ ကိုယ်လဲ အကောင်းသုံးတဲ့သူဆိုတော့ သူများကိုလဲ သုံးစေချင်လို့ ရောင်းတာ အများကြီးမှာထားပြီ မရောင်းရလဲ ကိုယ့်ဘာသာစားကုန်တယ်ဆိုပြီ ဒီပေ့စ်လေးတောင် ဘယ်သူမှ invite မလုပ်ဘဲ စျေးလဲရောင်း ရေးချင်တာလဲရေးတင်လုပ်နေတာ ဒီလိုfeedback ကောင်းတွေပြန်ကြားရတော့ ကျေနပ်သဘောကျရတယ် ကျေးဇူတင်ပါတယ်နော် အားပေးတဲ့သူအားလုံး ကျန်းမာ ချမ်းသာ ကြပါစေရှင့် နောက်လဲ ပစ္စည်းကောင်းလေးတွေ တွေ့ရင် ထပ်ရောင်းဦးမယ်နော် ကိုယ်သုံးရင်း ရောင်းကြည့်ချင်တဲ့ ပစ္စည်းလေး ခေါင်းထဲပေါ်လာလို့ အားပေးကြပါဦးနော်😍😍😍

11/11/2025

ပဲခြမ်းကြော်
စာကလေးကြော်
ပဲလွန်းကြော်တွေ ပြန်ရောက်ပါပြီး အမျိုးအပေါင်းသူတော်ကောင်းတို့ရှင်😍😍
ဝယ်ယူအားပေးနိုင်ကြပါပြီနော်
ဒီရက်ထဲ လိုင်းတွေကမရ အပြင်သင်တန်းတခုတက်နေတော့ မအားတာနဲ့ အခုမှ တင်ရတော့တယ်
စျေးကိုတော့ ပဲခြမ်းကြော်လေးကို ၅၀၀လောက်တက်ခွင့်ပေးပါနော် ပဲခြမ်းစျေးတွေတက်လို့ပါတဲ့ ကျန်တာကတော့ ပုံမှန်အတိုင်းပါပဲရှင့် စားဖူးတဲ့ သူတိုင်းကောင်းတယ်လို့ အပြောခံရတဲ့ ပဲကြော်တွေပါနော် မှာယူအားပေးကြပါဦး
အားပေးမှုအတွက်လဲ ကျေးဇူတင်ပါတယ်
အေးချမ်းစွာ အိပ်စက်အနားယူနိုင်တဲ့ မင်္ဂလာညချမ်းဖြစ်ပါစေ❤️❤️❤️

09/11/2025

အိပ်ခါနီးမှ လိုင်းရတော့ ဘာမှမတင်ရတော့ဘူးပေါ့ ဒီနေ့ ပဲခြမ်းတွေ ပြန်ရတာလေး တင်မလို့ အေးတာပဲ အိပ်ပြီ😄

09/11/2025

“နှိုင်းစရာ မဟုတ်တာတွေကို မနှိုင်းယှဉ်ပါနဲ့”

🔳 ရယ်စရာဟာသတစ်ခု ရှိတယ်။

တစ်ယောက်ယောက်က မင်းကိုကျော်ပြီး တခြားလူကို ရွေးသွားလို့ စိတ်မညစ်နဲ့တဲ့။ ပျားရည်က ငှက်ပျောသီးထက် ပိုချိုတယ် ဆိုတာကို မျောက်တွေ နားလည်အောင် မင်းရှင်းပြလို့ မရဘူးတဲ့။

ရည်းစားက ထားသွားတာတို့၊ တတိယလူ ပေါ်လာတာတို့၊ ကိုယ့်ပြန်မကြိုက်တာတို့ကြောင့် အသည်းကွဲနေသူတွေအတွက်ပေါ့ 😝

🔳 အတည်ဆက်ပြောရရင် တကယ်တမ်း လူ့ဘဝမှာ ပျော်ရွှင်ချင်တယ်ဆို ယှဉ်စရာ မဟုတ်တာတွေကို မနှိုင်းယှဉ်ကြဖို့ သိပ်အရေးကြီးတယ်။

🔳 လူဆိုတာ အသိုင်းအဝိုင်းနဲ့ နေရတယ်။ အဲဒီအခါ အများနဲ့ ကိုယ်နဲ့ကို နှိုင်းယှဉ်ကြတယ်။ ငါ ဘယ်အနေအထား ရှိနေလဲ၊ ဘယ်အခြေအနေ ရောက်နေလဲ အကဲဖြတ်ကြတယ်။ သဘာဝပဲလို့တောင် ပြောရမယ်။ ကျွန်တော်တို့ရဲ့ ဗီဇစိတ်မှာ ပါလာပြီးသား။

အဲဒီလို နှိုင်းကြည့်မှလည်း လွဲနေရင် ပြင်မိမယ်။ နောက်ကျနေရင် အရှိန်မြှင့်ပြီး လိုက်မယ်။ အောက်အရမ်းရောက်ရင် ကိုယ့်ကိုယ်ကိုယ် ပြန်ဆွဲတင်မယ်။

🔳 သို့သော် မဇ္ဈိမ ပဋိပဒါ ဆိုသလိုပဲ အစွန်းမရောက်ဖို့ကသာ အဓိကကျဆုံးပဲ။ နှိုင်းယှဉ်တာ မကောင်းဘူး ဆိုလို့ လုံးဝမနှိုင်းယှဉ်ဘဲရော နေလို့ရသလား။ မရဘူး။ အလွန်အမင်း နှိုင်းယှဉ်နေရင်၊ ငှက်ပျောသီးနဲ့ ပျားရည်လို နှိုင်းစရာ မဟုတ်တာကို နှိုင်းနေရင်ရော ပျော်ရပါ့မလား။ ပျော်ရမှာ မဟုတ်ဘူး။

ဒါကြောင့် လောကမှာ အရေးကြီးဆုံးဟာ Self-awareness ပဲလို့ မကြာခဏ ပြောတာ။ မိမိကိုယ်မိမိ သိရှိဖို့ဟာ အင်မတန် အရေးပါတယ်။ အရာအားလုံးရဲ့ အစဟာ အဲဒါပဲ။

🔳 မျောက်အတွက်ကတော့ ငှက်ပျောသီးဟာ အချိုမြိန်ဆုံး ဖြစ်မှာပေါ့။ ကိုယ့်အတွက်ကျ ပျားရည်က ပိုချိုချင် ချိုနေမယ်။ ဘာလို့ဆိုတော့ ကိုယ်က မျောက်မှ မဟုတ်တာ။

မျောက်ကိုသွားပြီးတော့လည်း နင် အကောင်းမကြိုက်တတ်လိုက်တာ ပြောလို့ မရဘူးလေ။ သူက မျောက်ကိုး။ လူမှ မဟုတ်တာ။ (မျောက်နဲ့လူ ဘယ်သူပိုမြင့်မြတ်တယ် မဆိုလိုဘူးနော်။ သတ္တဝါတစ်မျိုးစီလိုပဲ သဘောထားပြီး ဖတ်)

🔳 အဓိကက ကိုယ့်ကိုယ်ကိုယ် သိဖို့ပဲ။ ကိုယ့်ပုံစံအတိုင်း ခိုင်ခိုင်မာမာ ရှင်သန်နေထိုင်ဖို့ပဲ။

အပေါ်က ဥပမာအတိုင်း ဆက်ပြောရရင် မျောက်က ပျားရည်လိုက်လျက်လို့ သူ ပျော်မှာမဟုတ်ဘူး။ လူကလည်း ငှက်ပျောသီးချည်းပဲ စားနေလို့ မဖြစ်ဘူး။

ကိုယ့်အကြိုက်ကိုယ်သိ။ ကိုယ့်လမ်းကိုယ်လျှောက်။ လမ်းမတူသူတွေနဲ့ သွားမနှိုင်းနဲ့။ ဒါ အဓိကပဲ။

🔳 ဒီကာလအတွင်း လူပေါင်းများစွာနဲ့ ထိတွေ့စကားပြောရတယ်။ ကိုယ်ယုံကြည်တဲ့လမ်းကို လျှောက်နေသူတွေပေါ့။

သူတို့မှာလည်း မိသားစုဘဝတွေ ရှိတယ်။ ပိုက်ဆံလိုချင်တယ်။ အောင်မြင်ချင်တယ်။ ရာထူးတိုးချင်တယ်။ လူတွေပဲကိုး။ သို့သော် လတ်တလောမှာတော့ ရပ်တန့်နေရတယ်။

အဲဒီအခါ ရှေ့ဆက်သွားခွင့် ရနေတဲ့သူတွေကို ကြည့်ပြီး နှိုင်းယှဉ်မိတယ်။ သိမ်ငယ်စိတ်တွေ ဖြစ်တယ်။ ကိုယ့်ဘဝကိုယ် မကျေနပ်တာတွေ၊ အားမရတာတွေ ဖြစ်လာတယ်။ ကျွန်တော်လည်း ဒီလိုပဲ။

🔳 ကိုယ့်ကိုယ်ကိုယ် ပြန်ပြန်မေးကြည့်ရတယ်။ ငါ့ဘဝကို ဘယ်လိုဖြစ်ချင်တာလဲ။ ဘယ်လိုရှင်သန်ချင်တာလဲ။

လူများစု ဒုက္ခပင်လယ်ဝေနေချိန်မှာ ကိုယ်နဲ့ မဆိုင်သလို သဘောထားပြီး ကိုယ့်တစ်ကိုယ်စာ ရှင်သန်ရေးကိုပဲ လုပ်နေရရင် ငါပျော်မလား။

ငါ့စာကို ဖတ်ပါတယ်၊ ငါ့ကို လေးစားပါတယ် ဆိုတဲ့ လူငယ်တွေ လမ်းပျောက်နေကြတယ်။ သူတို့အနာဂတ်အတွက် သူတို့ကိုယ်တိုင် တိုက်ပွဲဝင်နေကြတယ်။ အဲဒီအချိန်မှာ ငါ လက်ပိုက်ကြည့်နေခဲ့ပြီး အခြေအနေတွေ အေးဆေးဖြစ်သွားတော့မှ လူငယ်တွေကို ကျွန်တော် ဘယ်လိုချစ်တယ်၊ ကောင်းစေချင်ပါတယ် စင်ပေါ်တက်ပြောမယ့် စာရေးဆရာမျိုး ငါဖြစ်ချင်သလား။

ငါ လွတ်လပ်ချင်တယ်။ ဆဲဖို့ ဆိုဖို့ ဝေဖန်ဖို့ မပြောနဲ့၊ ရီအက်ရှင်လေး ပေးမိရင်တောင် ဖမ်းခံရနိုင်တဲ့ အကျဉ်းထောင်ထဲ ငါနေချင်သလား။

ဒီမေးခွန်းတွေ မေးလိုက်တဲ့အခါ ကိုယ် ဘာဆက်လုပ်ရမလဲ ရှင်းရှင်းလင်းလင်း ဖြစ်သွားတယ်။

ဘယ်သူကမှလည်း အတင်းအကြပ် ခိုင်းခဲ့တာမဟုတ်။ နောက်ပြန်လှည့်လို့ ရခဲ့တဲ့ အခွင့်အရေးတွေလည်း မြောက်များစွာ။ လွန်ခဲ့တဲ့ ၅ နှစ်ကို နောက်ပြန်ဆုတ်ပေးပြီး မင်း အခု ၅ နှစ်အတွင်း ဘာတွေဖြစ်မယ် သိပြီးပြီ၊ ဒါဆို ဒီလမ်းကို လျှောက်ဦးမှာလား မေး။ နှစ်ခါမစဉ်းစားဘူး။ လျှောက်ဦးမယ်လို့ပဲ ဖြေမှာ။

🔳 ပျားရည်ကြိုက်တဲ့သူ ကြိုက်မှာပဲ။ ငှက်ပျောသီး ကြိုက်တဲ့သူလည်း ရှိမှာပဲ။ တူကြတာမှ မဟုတ်တာ။ ကိုယ့်အကြိုက်ကိုယ်သိပြီး ကိုယ်စားချင်တာ စားရဖို့သာ အရေးကြီးဆုံး ဖြစ်လိမ့်မယ် ထင်တယ်။

သူတို့များ ပျော်ရွှင်နေလိုက်တာ ဆိုပြီး သူတို့စားနေတဲ့ ငှက်ပျောသီး ကိုယ်လိုက်မစားနဲ့။ ပျော်ရမှာ မဟုတ်ဘူး။ ကိုယ်စားနေတဲ့ ပျားရည် သူတို့လာစားလို့လည်း ပါးစပ်ထဲ ချိုမှာမဟုတ်ဘူး။

🔳 အပေါ်မှာ ရေးခဲ့သလို၊ လူဆိုတာ နှိုင်းယှဉ်တတ်တဲ့ သတ္တဝါပါပဲ။ တစ်ခါတလေတော့လည်း တွေဝေတာ၊ အားငယ်တာ၊ သိမ်ငယ်တာ၊ နောက်ကျနေပြီထင်တာ စသဖြင့် ခံစားကြရပါလိမ့်မယ်။

အဲဒီအခါတိုင်း ဒီဥပမာလေးကို သတိရလိုက်ပါ။ ကိုယ်ဘယ်လိုလူ ဖြစ်ချင်တာလဲ ရှင်းအောင်ပြန်မေးပါ။

🔳 နှိုင်းစရာ မဟုတ်တာတွေကို မနှိုင်းတော့တဲ့နေ့မှာ ကျွန်တော်တို့ ကိုယ့်လမ်းကိုယ် ဖြောင့်ဖြောင့်တန်းတန်း လျှောက်နိုင်လာကြမှာ ဖြစ်ပါတယ်။

ဒေါက်တာ ဖြိုးသီဟ
၄.၁၁.၂၀၂၅

07/11/2025

ငါ ညစာမစားတော့ဘူး ဆိုတဲ့စိတ်နဲ့ နေလည်စာကို အဝကြိတ်နေတာ ညမှ ဘယ်လိုစိတ်လာမလဲမသိဘူး😄😄

02/11/2025

၅မိနစ်လောက်စလုပ်ကြည့်မယ်
ကိုယ်ဆိုတဲ့ လူက လုပ်သင့်တယ် လုပ်ရမယ့်အလုပ်ဆို
အချိန်အရမ်းယူတတ်တာ
ရေဆန်ကို တွန်းမတက်ချင်ဘူးပေါ့နော်
မလုပ်လဲရတယ် လုပ်တာများရင်လဲ
ကောင်းကျိုးမရှိတဲ့ အလုပ်ဆို
သိပ်လုပ်ချင်တာ
အချိန်ဖြုန်းတာပေါ့နော်
ရေစုန်လိုက်ချင်တာ
အဲ့လို့အချိန်တွေ
လုပ်သင့်တာလုပ်ရမှာကို
မလုပ်ချင်တဲ့ အချိန်တွေဆို
ငါ ၅မိနစ်လောက်စလုပ်ကြည့်မယ်
ဆိုတဲ့ စကားလေးနဲ့စလုပ်ဖြစ်အောင်ကြိုးစားနေတယ်
အခုလဲ အိမ်ရှင်မဘဝနဲ့ ၁၀ကျော်နေလာခဲ့မိတော့
အလုပ်နဲ့တွဲလုပ်ရတဲ့အခါ
အလုပ်ကိုထက် အိမ်အလုပ်ကို
ပိုအာရုံစိုက်မိနေတော့
အလုပ်က ရှေ့မရောက်ဘူးဖြစ်နေတယ်
အဲ့လိုဖြစ်လေ စိတ်ကနေလို့မကောင်းလေနဲ့
သံသရာလည်နေတာကို
ကိုယ်ဘာသာ သတိထားမိလာတယ်
အဲ့တော့ ကလေးတွေ ကျောင်းမသွားခင် သူတို့တွက်ပြင်ဆင်ရင် အရေးကြီးတဲ့ အိမ်အလုပ်တွေကိုပါ
တပါတည်းလုပ်ပြီ
ကလေးတွေကျောင်းသွားတာနဲ့
ကိုယ့်အလုပ်ကိုစလုပ်နိုင်အောင်
လုပ်ထားရတယ်
ကိုယ့်ဘဝမှာ အကြောက်ဆုံးနဲ့ သတိမမူမိတဲ့
အရာတခုက ကွေးသောလက်မဆန့်မီ
ဆန့်သောလက်မကွေးမီဆိုတဲ့ စကားလေးပဲ
ကိုယ့်ကို ဘယ်သူမှ သိဖို့မလိုဘူး
ကိုယ်ဘာသာသိပြီ ကိုယ်ကိုယ်ကို
နားလည်လက်ခံပြီ ဘယ်အချိန်ပြန်ကြည့်ကြည့်
ကိုယ်ကိုယ်ကို မရှက်ရတဲ့သူပဲ ဖြစ်ချင်တော့တယ်
မနက်ဖြန်ဆိုတာ ဝေးသေးတယ်တဲ့
ကြားထဲမှာ နောင်ဘဝဆိုတာလေး
ခြားထားတယ်တဲ့ တကယ်ကို
တွေးကြည့်ရင် ကြောက်စရာလို့ခံစားရပေမယ့်
ဒီလိုလေးသိလာတာကပဲ
ကိုယ်အတွက်ပြင်ဆင်ချိန် ရလိုက်သလိုပါပဲ
အရာအားလုံးကို ကျေးဇူတင်တတ်နေပြီး
အခုလက်ရှိကို
ပျော်ရွှင်စွာဖြတ်သန်းနိုင်အောင်
ကြိုးစားနေတယ်
မဖြစ်လာသေးတာတွေကို
တွေးမကြောက်တော့ပဲ
ဖြစ်ပျက်သဘောတရားလေးကို
နှလုံးသွင်းပြီး
အဆင်ပြေပျော်ရွှင်စွာ
ဖြတ်သန်းသွားနိုင်အောင် ကြိုးစားရဦးမယ်
ခံစားချက်စာလေးတွေ ရေးခွင့်ရလို့
အားလုံးကို ကျေးဇူတင်ပါတယ်နော်😍😍

25/10/2025