17/10/2023
https://www.facebook.com/100063487303757/posts/824095599716676/?mibextid=cr9u03
Бид 3-н хөөрхөн түүх
Тэртээ 2006 он....
Далай лам Монголд айлчилж, драмын 4 залуу ( Эби,Параа,Амгаа,Боогий) цомог гаргаж, Татарын "Бороо" дуу шинээр мэндэлж, хөлбөмбөгийн дэлхийн аварга 3 Ранолдотой болж, Pussycat dolls гэх халуухан охидын хамтлаг шинээр гарч ирсэн үнэхээр дурсамжаар дүүрэн, үйл явдлаар баялаг жил болж байлаа.
Аль ч клуб-д орсон Justin Timberlake -н Sexy back гэдэг дуу явдаг гэж байгаа бас.
Ийм их зүйл нуршихын учир нь 2006 онд эхэлсэн нэгэн гоё түүхийн гэрч болсны учир билээ.
За тэгээд 2006 онд юу болсон бэ? гэж үү?.....
Азаа,Байгалиа,Жаагий гэх томоос том мөрөөдөлтэй эгэл жирийн 3 охин Улаанбаатарын хаа нэгтээ дотноос дотно найзалдаг байлаа.3-лаа их сургуулийн оюутнууд . Аль түрүүлж хичээл нь тарсан нь нөгөө хоёрынхоо сургуулиар орж хичээл тарахыг нь хүлээнэ.Тэгээд л гурвуулаа байгаа мөнгөө нийлүүлж жаахан юм олж идчихээд Улаанбаатарынхаа үзэсгэлэнт гудамжаар зугаалж өгнө шүү дээ.Яагаад тийм их ярих юмтай байдаг байсан юм бүү мэд. Үргэлж л инээгээстэй бодвол их л хөгжилтэй юм ярьдаг байсан байхдаа.Тэр жилийн улиралын хагасаар нэг нь нөхөрт гарахаар болж, нэг нь мэргэжлээ солихоор болж,нөгөө нь төлбөрийн асуудал гарч гурвуулаа сайхан сургууль завсардав аа.Тэглээ гээд зүгээр суусангүй энд тэнд чадахаараа ажил хийнэ.Гэхдээ 3-лаа бас салдаггүй хэвээрээ.3-лаа уулзаад баахан л мөрөөдлөө ярьна.Азаа гоё дэлгүүрийн эзэн болох мөрөөдөлтэй.Байгалиа хамгийн гоё хувцаснуудыг урлаж хатагтай Coco Chanel шиг болох хүсэлтэй.Харин Жаагий хамгийн шилдэг маркетингийн зөвлөгч ,том компани байгуулах мөрөөдөлтэй .3-лаа өөрсдийгөө яг л тийм болсон байгаагаар төсөөлж өөрсдөдөө бөөн л аз жаргалын даавар ялгаруулна.
Нэгэн амралтын өдөр 3-лаа нэгнийдээ санамсаргүй зурагтаар Fashion TV үзээд сууж байтал нэг моделийн өмссөн цасан цагаан өнгийн майкийг Азаа сонирхоод шохоорхоод сүйд болов оо!
Ямар хөөрхөн юм бэ? Би өмсвөл гоё зохино доо гээд л ....
Тэгтэл Байгалиа тоосон шинжгүй
-Би энийг чинь хийж чадах л юм байна ш дээ.Амархан ш дээ гэв.
Азаа тэндээс
-Нээрээ юм уу? Тэгвэл хийгээд өг л дөө л гэж байна.
Дашрамд энэ 3-н Жаагий нь миний бие болно ккк
Гэнэт миний санаанд ээжид гадаадаас дүү нь явуулсан үүнтэй төстэй өнгөтэй бага зэрэг саатай даавуу манайд байгааг саналаа.
Тэгээд л бид гурав ээжийн даавуунаас нууцаар хайчилж аваад Байгалиа маань Chanel-н загварын майкийг урлах ажилдаа орлоо.Дээр нь гоё товч , нэмэлт шигтгээ энэ тэр нэмж оёсон юм даг.Яагаад ч юм тухайн үедээ яг л дуурайгаад бүр илүү ч гоё хийчихсэн байсан санагддаг юм.3-лаа бөөн баяр Азаа бүр их баярласан.Орой нь 3-лаа төлөвлөсөн байсан ёсоороо night club явлаа.Бидний үед интернэт, Facebook хөгжөөгүй байсан цаг шүү .Мэдээж Азаа маань нөгөө майкаа өмсчихсөн.Тухайн үед Hollywood гээд клуб байдаг байлаа ккк.Амралтын өдөр хүн пиг дүүрэн.Бид 3 -г нэг ширээнд шахаж суулгаваа.3- лаа ганц ганц кола авчихсан гол зорилго нь жаахан бүжиглэх.Бидний ширээнд нь шахаж суусан хоёр охин үеийн боловч захиалсан юм, өмссөн хувцасыг нь харахад нэлээн мөнгөлөг бололтой.Яриаг нь сонсоод байхад нэг нь Монголдоо түр ирсэн.Аав нь гадаадын консул болтой.Тэр охин байсхийгээд л Азаа руу ойр ойрхон нүдний булангаар хараад байдаг шүү.Хөгжим түр завсарлах зуур хоорондоо танилцаваа.Гэтэл нөгөө охин:
Азаа руу харснаа
-Чиний майк ямар хөөрхөн юм.Хаанаас авсан юм гэж байна.Гадаад дотоодод байдаг болоод ч тэр үү шулуухан, нүүрэмгий юм.
Азааг дуугарахаас нь өмнө л би
-Манай эгч Англиас явуулсан юм.Хөөрхөн байгаа биз гэтэл
-Аан.харин тийм байна.Надад харин их таалагдаад гэж байна шүү
Би Байгалиа руугаа нүд ирмээд
-Дахиад нэг шинэ байгаа ш дээ.Чи авах юм уу гээд хэлээд хаялаа.Тэгсэн нөгөөх чинь
-Тийм үү.Тэгвэл тэгье л дээ.Үнэ нь хэд юм? гэж байна
Гэнэт үнэ асуунгуут балмагдаад чи гадаадад байдаг хүн үнэ ханшийг нь ойролцоогоор мэдэх байлгүй дээ.Өөрөө л мэдэхгүй юу гээд хэлчихлээ.
Тэгээд маргааш орой Бөхийн өргөөн дээр уулзаж өгөхөөр тохирлоо.
Шууд л тэндээсээ гараад нөгөө майкаа Байгалиа маань оёсон юмдаг.Азаа бид хоёр хадах шошго хайгаад Азаа ахынхаа Америкаас найз нь ирэхдээ бэлэглэсэн шинэ футболканых нь Zara гэсэн шошгыг нь хайчлаад ирж билээ.Маргааш нь нөгөө майкаа хэрэндээ гоё уут саванд хийгээд тохирсон цагтаа яваад очтол нөгөө охин байдаггүй утас нь холбогддоггүй. Гурвуулаа сэтгэлээр жаахан унаад явах гэсэн боловч итгэл гэдэг юм хүнд байгаад байдаг юм билээ.Утас руу нь хүлээж байгаа шүү гээд баахан мсж биччихээд бөхийн өргөөний үүдэнд оройжин л суусан.Уулзья гэсэн цагаас 2 цаг 30 минутын дараа нөгөө охин ашгүй нэг юм залгаж утасных нь цэнэг дууссан байсан одоо очиж явна гээд ярьлаа.Удалгүй нөгөө охин Марк-2 гээд тухайн үедээ л гоёдоо ордог байсан цав цагаан машинтай ирээд 100 доллар өгөөд майкаа авсан.Тэр үед хэлж чадаагүй ч тэр охион чи үнэхээр хоншоортой охин байсан шүү.Гурвуулаа нүдэндээ ч бараг итгээгүй байхаа.100 доллараа дахин дахин барьж үзээд баярлаад л.Тэр орой баяраа тэмдэглээд бөхийн өргөөний хажуу талын жижигхэн паб-д нэг нэг боргио шар айраг,нэг шарсан төмс авч идээд явж байлаа.100 доллараа хаячих вий гээд маргааш болтол сайн хадгалах үүргийг Азаад өгөөд бөөн баяр л салаад явж байлаа.Маргааш нь бараг хар үүрээр шахуу өглөө 7 цагт уулзаад л найман шарга ороод мөнгөө
солиулж аваад тэгээд яг яахаа мэдэхээ байчихсан.Дахиад төлөвлөгөө байхгүй ккк.Тэндээ тэгээд 3-лаа нухацтай яриа хийлээ.Ерөөсөө энэ мөнгөө өсгөе ооё.Ер нь юм оёод зарвал ч зарах юм байна гээд л.Тэгээд юу оёх уу гээд ярьлаа.Үнэндээ хүний залуу нас зоригтой шүү! Байгалиа маань юбка оёноо л гэж байна.Тэгээд л шууд Нарантуулын микронд суугаад явлаа.Азаагаа мөнгөө алдаваа гээд бас үглээстэй ккк.Нарантуулаар баахан явлаа.Явж явж хар өнгийн уналттай силкэндүү дээрээ биластиктай материал сонголоо.Тэрүүгээрээ дөнгөж бөгс давсан мини загвартай юбка оёхоор болов.Бүх мөнгөөрөө материал аваад Байгалиа маань бүтэн долоо хоног оёод 25 юбка бэлэн болголоо.Азаа бид хоёр ойр зуур юманд туслаад,уут сав гээд бас л завгүй.Хөөхрөн царайлаг,гоё оонзтой гээд л Азаадаа нэгийг нь өмсүүлж аваад Нарантуул руугаа явлаа даа.Наймаа хийдэг эгч нар тоож ч хардаггүй.Бараг үдээс хойш боллоо.Шар хөдлөөд өөрсдөө зарна гээд 25 юбкаа хувааж бариад зогслоо.Орой ганцхан ширхэг юбка зарсан.Учир нь олон размер оёхоо мэдэхгүй өөрсдийн хэмжээгээрээ нэг л размер оёчихсон.Хөөрхөн байгаа биз ккк.
За тэгээд бүх урам зориг хуга ккк.
Гэтэл лангууных нь ойролцоо зогсож байсан дотуур хувцас зардаг эгч дуудаж байна шүү.Эгч ч гэж дээ хөөрхий тухайн үедээ 25,26 тай бидэндээ л эгч байсан байх л даа.Та хэд хаанаас наад юбкаа авсан юм л гэж байна.Үнэнээ л хэллээ.Өөрсдөө оёсон юм гээд.Эгч жаахан үл тоосон шинжтэй аваад ир харъя гэж байна.Задлаад нэлээн үзэж байснаа -
-Өөрсдөө оёсон гэдэг чинь үнэн үү л гэж байна
- Үнэн л гэлээ
- Тэгээд бөөний үнэ чинь хэд юм гэж байна? -
Бөөний үнэ гэж байхгүй.15000 мянга гэтэл
-За яахав.Над дээр тоолоод үлдээчих.Гэхдээ зарагдвал 2000- г нь би авна шүү гэж байна
- Юу ч бодсонгүй тэг л гэлээ.Юбкаа тоолж үлдээчихээд 3- н өлсөж халтайсан хүн нэг зарсан юбканыхаа мөнгөөр Хаан хуушуур орж хоол идчихээд урам муутайхан гэр гэртээ харьлаа.
7 хонолоо таг.Бүтэлгүйтсэн 3 хайран 100 доллар.Зүгээр өөрсдөдөө гоё юм авдаг байж.Хэн ер нь мөнгөө өсгөе гэж санаа гаргасан юм, эсвэл зүгээр майкаа л оёдог байж энэ тэр гээд хурган бие биенээ буруутгаастай.Тэгээд хаашдаа өнгөрсөн гээд бараг мартаж байтал нэг өдөр нөгөө эгч залгаж байна шүү.
-Сайн уу? хүүхдээ.бүгдийг нь зарчихсан шүү.Ирээд мөнгөө ав гэж байна.Тэр эгч бас их сайн хүн байжээ одоо бодоход.Зарчихаад мөнгө төгрөг өгөөгүй бол бас яах юм тэ? Бүр падаан ч бичиж өгч аваагүй шүү дээ.Бөөн баяр микрондоо суугаад давхиад очно биз дээ.Нөгөө эгч юбка бүрээс өөрийнхөө 2000 төгрөгний ашгаа аваад үлдсэнийг нь яг тоолоод өгч билээ.
Та яаж зарсан юм? гээд асуусан чинь
-Хүмүүс уг нь сонирхоод их асуугаад байсан ч размер байхгүй болохоор удлаа.Уг нь таарсан хүндээ үнэхээр хөөрхөн харагддаг юм байна лээ.Харин нэг өдөр СУИС-н оюутнууд нэг арга хэмжээнд оролцох гээд гоёмсог ганган юм хайж яваад тэр эгчийн лангууны хажуугаар зөрж явахдаа анзаарч хараад таалагдаад бөөн баяр болоод бүгдийг нь авчихсан гэсэн
2006 онд СУИС-н охидууд хар биластиктай мини юбкаар гоёсон байгаа даа.Зарим нэг залуучууд Хүүе ямар хөөрхөн юбкатай охин бэ? гэж харж дурлаад авч суусан байгаа даа.Хар биластиктай мини юбкатай СУИС-Н 2006 оны охидууд та нар үнэн хайр жүү....ккк .Гялтгар хар мини юбкатай СУИС-н охидууд минь та хэд бид гурвын залуу насны мөрөөдлийг дэмжсэн хамгийн том хөгжөөн дэмжигчид шүү
За тэгээд нөгөө эгч хэлж байна шүү.
-Хар өмд эрэлттэй байнаа.Жаахан чимэг оруулаад гоё оёод ирвэл би зараад өгий гэж байна шүү.Гол нь Монголдоо оёсон гэж мэдэгдүүлж болохгүй.Одоо зараад байгаа энэ өмднүүд яг ижилхэн загвар муутай л гэж байна.Тэр эгч бас мэдрэмжтэй тэгэж байгаад.
За тэгээд болъё энэ тэр гэж байсан гурав чинь өмд оёхоор боллоо.
Тэгээд юмаа судлаад, өөрсөддөө Baigalia's Friends гээд нэр мэр өгчихсөн аая лагаа.
Тэгэж байтал Байгалиа маань гадагшаа явах гээд виз өгчихсөн байсан нь гэнэт бүтээд бид гурвын мөрөөдөл түр зогссон юм даа.
Байгалиа маань явж,Азаа бид хоёр нь энд бусдын л адил амьдралаа босгож цаг хугацаа урссаар л.Хамгийн сонин нь Байгалиа яваад ямар ч холбоо байхгүй арваад жил.Азаа бид хоёр нь эхэндээ их санана уйлна гомдоно.Сүүлдээ дурсана бас битүүхэн хүлээнэ.Facebookees үе үе хайна ккк.
Гэтэл 2017 оны байхаа намрын нэг өдөр Азаа маань нэлээн дуу чанга ярьж байна шүү.Цаа чинь холбоо барьсан.Дараа долоо хоногт ирнэ гэнэ гээд.Бид хоёр бөөн л орилоон чарлаан догдлол болов.
Ирэх өдөр нь ойртсоор л .Хамт явж тосно гээд эртнээс яриад л байлаа Азаа бид хоёр.Яг ирэх өдөр нь миний жаахан гомдол ч юм уу хэдэр зан хөдлөөд, орчин үед юм хөгжсөн байхад холбоо ч бариагүй ер нь уулзах ч үгүй гээд гэртээ үлдчихлээ.Азаа маань зөөлхөн юм болохоор битгий тэг гээд намайг аргадаж нэг үзээд загнаж нэг үзээд тэгээд аргагүй буух цаг нь дөхөөд гараад явлаа.Яг гараад явчихсан чинь дотор сонин болоод Азаа руугаа залгаад хамт явъя гээд л уйлчихлаа.Хоёулаа 10 жил уулзаагүй гээд найзынхаа хамгийн дуртай 10 цэцгээр баглаа боолгоод онгоцны буудал явлаа даа.Онгоцны буудал нүүчихсэн юм шиг л байсан.Ямар ч удаан явав.10 жил хүлээсэн мөртлөө онгоцноос буугаад гарч ирэх 10 минут ямар урт байсан гээч.
Хүлээсэн мөч ирсэн.Онгоцны буудал дээр бид хэд муухан киноноос л илүү юм хийсэн.ккк.
Тэр ирсэн.Бид гурвын залуу нас, мөрөөдөл бас хамт ирсэн.......
Жич:
Дараа нь ээж маань хувцас хийлгэх гээд нөгөө даавуугаа гаргаж ирж үзсэнээ
-Энэ одоо ийм жаахан байсан бил үү? Надад юм хийж хүрэхгүй юм байна даа гээд л яриад байдаг юм.
Би наана нь дотроо 100 доллараа бодоод , Baigalia's Friends - н 5 жилийн төлөвлөгөөг гараараа зураад будаад сууж байлаа гэж.....
Replay 2006....... гэж
За тэгээд бид гурвыг хэн нь хэн бэ? гэдгийг таагаарай.
