09/10/2024
Нялх Сэнгүм Сэддоржийн эсрэг Энхболд.
За бүгдээрээ нүүрс гэдэг юмаа ойлгомоор байна. Ялангуяа ил уурхайгаар олборлож байгаа тохирлдолд зардал харьцангуй бага, нүүрсний хэрэглээ их учраас ашиг орлого өндөр. Өмнөговь дахь орон нутгийн Тавантолгой компанийн өнгөрсөн оны ашиг гэхэд 500 тэрбум төгрөг. Гэтэл үүнийг хэдхэн бирд захиран зарцуулж, хилийн чанадад казино тоглож, орон нутгийг атгаж, орсон гарсныг цагдаж суухаас гадна мөргөцөг, дэнж, толгойгоор нь хулгайлж зөөдөг. Хулгайн хэргийг нь анх илчилж, АТГ-т албан бичиг илгээх зориг гаргасан, гишүүн асан Л.Энхболдыг улс төрийн шахаанд оруулж, ул долоохыг шаардсан ч өнөөх нь бууж өгөхгүй гэдгээ мэдэгдсэн. Тэгсэн атал Өмнөговийнхон нэрийг нь хэлэхээс ч айж, ТомАх гэж өөр зуураа шивнэлддэг Ажнай Бат-Эрдэнийн тэжээвэр гөлөг болох Р.Сэддорж өдгөө УИХ-ын Эдийн засгийн байнгын хорооны дарга болоод амжсан гэж байгаа. Р.Сэддорж өнөөдөр энэ улсын хэтэвчийг захиран тооцоолох том эрх бүхий Эдийн засгийн байнгын хорооны дарга хийх боловсролтой юу? Үгүй. Өмнөговьд дунд сургууль төгсөж, Хан-Уул хэмээх хувийн сургууль дүүргэн, Удирдлагын академид сурсан нэртэй. Гэтэл нөгөө Лондон, Калифорни, Австралид эдийн засагчаар төгссөн залуус хаачсан болоод Сэддорж ингэж цойлдог билээ гэсэн асуулт гарч ирнэ. Ажнай корпорацийн төслийн менежэрээс ажлаа эхэлсэн энэ хүн Өмнөговийн уул уурхай хариуцсан орлогч, Засаг дарга болтлоо крандуулсаар байгаад одоо нисдэг тэргээр зөөлгөн төрийн ордон дээр бууж, УИХ-ын хамгийн чухал байнгын хороог удирдах эрхтэй болсон. Яаж энд хүрэв эээ? Ажнай Бат-Эрдэнэ хэмээх арван толгойт атгаалжин хар мангаст үнэнч зүтгэж, үүдийг нь сахисаар өөдөө гарсан байх юм. Тэгэхдээ Тавантолгойн нүүрсний мөнгөөр энэ хүртэл явжээ. Энэ мэтээр Монголын ард түмний, тэр дундаа өмнөговьчуудын амьдралд нэмэр болох учиртай Тавантолгой хэдхэн хүний гараар самруулж байх юм. Үүний эсрэг дуугарч чаддаг цөөн хүний нэг болох Л.Энхболд өдгөө Өмнөговьд нэр дэвшиж байна. Түүний 2018 онд гишүүн байхдаа нүүрсний хулгайг нь илчлэн АТГ-т өгсөн албан тоот хаана байна? Тоостой шүүгээнд мартагдсан. Гэтэл нүүрс гэдэг чинь юу билээ? Нүүрснээс хий, зэсээс эхлээд 32 нэр төрлийн нэн хэрэгцээтэй бүтээгдэхүүн гаргаж авдаг. Тийм байтал нүүрсний мафичид нүүрс одоо хэнд ч хэрэггүй болчихлоо гэж улин донгодож тархи угаадаг. Ийм л байна. Хориод жил ухуулж, усаа зөөлгөж, хөрсөө эвдүүлж байгаа Өмнөговь Гонконг биш гэхэд Эрээн шиг хөгжихгүй байгаагийн цаана хүрз гишгэж, ил, далд ухаж зөөхөөс өөр юу ч мэддэггүй, ченжийн сэтгэхүйтэй, чихгүй дүлий хар толгойнууд тэнд буглаад суучихсанд байгаа юм. Ядаж энэ нүүрсний бүлэглэлтэй үзэлцсээр байгаад мухар нүхэнд шахагдаад, муу муухайгаар гүтгүүлж байгаа Энхболдтойгоо хүч хавсраад хүрэн нүүрсэндээ эзэн болж, хөгжил гэдгийн зах зухаас атгаж болдоггүй юм уу?
