01/09/2025
#19 LAGUNA 😘
KABADO NA: RAMIL HERNANDEZ, IPINATITIGIL ANG FLOOD CONTROL PROJECTS NG DATING 2ND DISTRICT CONGRESSMAN; PERO DATING CONG, ASAWA NIYA?
Sa isang Facebook video, ibinahagi ni dating Laguna Governor at kasalukuyang 2nd District Rep. Ramil Hernandez na nakipagpulong siya sa mga opisyal ng Department of Public Works and Highways (DPWH) upang ipasuspinde ang implementasyon ng flood control projects sa kaniyang distrito na posibleng puno ng anomalya.
Aniya, ang naturang hakbang ay upang pag-aralang mabuti at siguraduhin na maayos ang pagkakagawa ng mga proyekto.
Matatandaang bago maupo bilang kongresista si Ramil, ang kaniyang asawang si Ruth Hernandez ang nanungkulan bilang representatibo ng Ikalawang Distrito mula 2019 hanggang 2025.
Tanong ng mga Lagunense, bakit ngayon lamang naisipan ni Ramil na suriin ang flood control projects sa kaniyang distrito kung kailan mainit itong pinag-uusapan.
Komento naman ng iba, posibleng ginawa ito ni Ramil upang pagtakpan ang mga anomalya sa mga proyekto ng kaniyang asawa noong panahong ito ang nakaupo bilang kongresista.
