29/08/2026
Sabay sabay po tayo manalangin.🙏
Panalangin para sa Kaligtasan sa Malakas na Ulan at mga kalamidad.🙏
PANGINOON NAMING DIYOS,
Lumapit po kami sa Inyo ngayong gabi na may buong pagtitiwala. Habang malakas ang ulan at hangin, hinihiling namin ang Inyong makapangyarihang kamay na protektahan kami at ang aming pamilya.
Panginoon, ingatan Mo po ang aming tahanan. Ilayo Mo kami sa baha, kidlat, malakas na hangin, pagguho, at anumang panganib. Ingatan Mo rin po ang aming mga kapitbahay, mga mahal sa buhay, at lahat ng taong nasa lugar na apektado ng ulan.
Bigyan Mo po kami ng kapayapaan sa puso. Kapag natatakot kami, ipaalala Mo sa amin na hindi Mo kami iniiwan. Kapag nag-aalala kami, bigyan Mo kami ng lakas at karunungan na gumawa ng tamang hakbang para sa aming kaligtasan.
Panginoon, lalo Mo pong ingatan ang aming mga anak. Ilagay Mo po sila sa ilalim ng Iyong proteksyon at panatilihin silang ligtas at malayo sa anumang kapahamakan.
Gabayan Mo rin po ang mga taong nagtatrabaho at tumutulong sa panahon ng bagyo—mga rescuer, responders, drivers, health workers, at lahat ng nagsasakripisyo para sa kaligtasan ng iba.
At Panginoon, hinihiling namin na humupa na ang malakas na ulan at hangin sa tamang panahon. Bigyan Mo po kami ng isang mapayapa at ligtas na gabi.
Panginoon, Ikaw ang aming kanlungan at lakas. Sa Iyo kami nagtitiwala.
Amen and Amen 🙏❤️
