03/08/2022
Jusko kaluoi
DRIVER SANG RAIDER 150 NAHULOG SA DALAN KAG NAKABUNGGO SA SALAKYAN NGA GINAMANEHO SANG ISA KA BARANGAY CHAIRMAN SA HIMAMAYLAN, PATAY!
Dead on arrival sa hospital ang driver sang Raider 150 matapos ini ma-aksidente sa dalan sang Brgy. Suay, Himamaylan City.
Base sa imbestigasyon, ang driver sang Raider 150 halin sa Kabankalan City kag magapadulong sa Himamaylan City samtang ang driver sang Mitsubishi Adventure ang padulong naman sa ciudad sang Kabankalan.
Sang nakalab-ot ang driver sang Raider 150 sa ginlutaran sang aksidente, hinali nalang ini nahulog sa dalan kag nakabunggo sa Mitsubishi Adventure.
Naangkon sang pilas sa ulo ang driver sang Raider 150 kag gindala sa hospital apang nabawian gid ini sang kabuhi.
Ang driver sang Raider 150 ginkilala kay Virgil Serilla y Villamin, 22-anyos, residente sang Brgy. Talaban, ciudad sang Himamaylan.
Samtang, ang driver sang Mitsubishi Adventure ginkilala kay Eustaquio Genise y Villanueva, Barangay Chairman sang Brgy. Aguisan, ciudad sang Himamaylan, 53-anyos.
Ini nga balita ginadul-ong sang:
MCCMC | August 3, 2022
Via Winston Villanueva
