01/06/2026
"BANG INIG NA SIN ALLAH IN HAMBUUK TAU HA KABUHI MU, AYAW MU NA APASA."
Ha mga kababaihan makakitah sin video ini sin hambuuk babai diyupang sin coastguard ha Raffy Tulfo, hambuuk lang sana in kabayaan ku tumtumun niyu... Bang mabayah na mig kaniyu in hambuuk tau, ayaw niyu na lugusa magbalik kaniyu.
8 tahun dihil niya in katan para ha usug kalasahan niya. Ha walu tahun yadtu, durah sila nangarap, limabay panandas, timangis, iban timibuuk family. Habang in usug ha duty bilang hambuuk coastguard, siya in kiyabin nag iipat ha anak nila iban nagtatagad bang kuhnu makauwi in usug kalasahan niya.
Bukun maluhay in kabuhi nila. Sah, nagstay siya. Way siya minig ha mga waktu wayruun pa na prove in usug. Way siya nagsurrender bisan mahunit na in katan.
Hanggang dimatung in adlaw napinda in kabiyaksahan niya.
Awun kiyakilahan in usug. Hambuuk babai duwa bulan niya pa lang kiyakilahan. Duwa bulan hipuh sin kilig, sweet talks, iban puro malilingkat memories in kikitah nila.
Didtu, PIYAGGANTIH NIYA IN WALU TAHUN.
Piyaggantih niya in babai himunung kaniya iban family niya pa babai duwa bulan pa lang kiyakilahan.
Sah, awn kita subay tumtumun...
Masul, in pag ig sin hambuuk tau hinang sin Allah para i-protect kita pa mga tau dih ikarayaw katuh.
Pasal bang in hambuuk tau kaya taykuran in walu tahun paglasa iban anak para ha selfish happiness, marai bukun siya in naka Qadar kaymu para magstay pa kahinapusan.
Masakit taymaun. Sobra in sakit.
Sah, awn mga tau igun sin Allah bukun pasal way kaw halgah kaniya, sah pasal awun mga tau paigun niya ha kabuhi natuh para tabangun kaw ha mas pinakamasakit manjari maghappen na pwede nila pa ikadihil kaymu.
Dumatung da in waktu, bang magaan na balik in jantung mu, kahatihan mu ra bang maytah piyasaran sin Allah malawah siya ha kabuhi mu. In Shaa Allah!
Pasal awn mga tau bukun gift katuh. Sah masul, hambuuk adja sila lesson dumatung ha kabuhi.
Tumtuma, in tau bunnal malasa kaymu, dih ipaggantih in walu tahun para ha duwa bulan. 💯
Angkanda, please... Bang siya dih na malasa kaymu, bang kiyapasakitan niya na kaw landuh... Ayaw na siya apasa balik. Let him go. Pasal bukun mu deserve maglasa iban magstay ha tau dih na kaw kakitaan ha future niya. 📌
-Rose🌹
