05/12/2025
Please like and share po..
"ANG LIWANAG NG LAHAT NG PAG-ASA"
Brgy. 726, Manila City
Isang Belen ng Pagbangon Ang obrang ito ay sumasalamin sa kapanganakan ni Hesus, imbis na bituin,nilagay namin ang araw. Ang pagsikat ng araw ay nagpapahiwatig ng bagong araw, na nagbibigay ng pagkakataong magsimula ulit. Kumakatawan sa pag-asang patuloy na sumisikat kahit matapos ang pinakamadilim na gabi. Iniuugnay rin ng obrang ito ang kapanganakan ng Tagapagligtas sa karanasan ng mga komunidad sa Cebu, Bohol, at iba pang bahagi ng Pilipinas na dumanas ng malalakas na bagyo at mapaminsalang lindol. Sa gitna ng mga guho, pagkawala, at pagsubok, ipinapakita ng Belen na ito na ang pag-asa ay hindi nawawala — ito ay muling isinilang. Ang sanggol sa sabsaban ay ang liwanag Ng lahat ng pag asa. Nagpapaalala sa atin na: -palaging may pag-asa, kahit gaano kahirap ang sitwasyon. May bagong simula sa bawat pagtatapos, may liwanag sa bawat dilim, at may pag-asa sa bawat pagkawasak. Ang obrang ito ay isang alay sa mga nawalan, isang pagpupugay sa mga tumulong, at isang paalala sa lahat: Hangga’t may liwanag, may pag-asa.
