13/02/2021
میرا جسم میری مرضی کے نتائج موصول
فروری کا مہینہ سردیوں کے جانے اور بہار کے آنے کی نوید لے کر آتا ہے ہمیں تو بچپن سے ہی پتہ تھا کہ یہ یوم یک جہتی کشمیر کا مہینہ ہے یا پھر اس میں جشن بہاراں کا آغاز ہوجاتا ہے لیکن کچھ سال سے نئی تہذیب کے گندے انڈوں نے اس میں ویلنٹائن ڈے کی ملاوٹ کردی جس کے بعد ہماری نوجوان نسل بے راہ روی کا شکار ہونا شروع ہوگئی۔ پھر روشن خیالی کی آڑ میں کچھ خواتین نے کسی مخصوص ایجنڈے کے تحت میرا جسم میری مرضی کے نعرے لگائے تو اسلامی مشرقی اقدار میں پروان چڑھنے والی بیٹیوں کے سر شرم سے جھک گئے کیوں کہ ہمارا تعلق ایک ایسے مذہب اور ملک سے ہے جہاں خواتین کا تقدس اور حیا ہر حال میں مقدم ہوتی ہے۔ پھر اس کے بعد سوشل میڈیا اور ٹک ٹاک کے ذریعے ایسا جال بچھایا گیا کہ جس سے بے حیائی اور بے غیرتی میں مہا اضافہ ہوا یہاں تک کہ ایک پوری انڈسٹری وجود میں آگئی۔ پھر اس کی لپیٹ میں سیاستدانوں سے لے کر نام نہاد علما سب آگئے۔ پھر ان گنہ گار نظروں نے میرا جسم میری مرضی والوں کا انجام بھی دیکھنا شروع کردیا۔ اس کے نتائج یوں تو روزانہ موصول ہورہے ہیں لیکن یہاں دو خاص واقعات کا ذکر کرنا لازمی سمجھتی ہوں۔
کچھ روزقبل ایک نجی یونیورسٹی کی طالبہ کے ساتھ پیش آنے والا واقعہ پڑھ کے بہت افسوس ہوا۔ بچی گجرات سے پڑھنے لاہور آئی یہاں عشق کے چکر میں پھنس گئی والدین کے اعتماد کو اس نے ٹھیس پہنچائی غیر محرم کی دوستی کی اور اس دوران اس کی باتوں میں آ کر ناجائز تعلقات قائم کر لیے اور حاملہ ہو گئی پھر والدین سے جھوٹ بول کر فیس کے بہانے پیسے منگوائے اور اسقاط حمل کے دوران موت واقع ہو گئی اور لڑکا لاش پھینک کر فرار ہو گیا لیکن سی سی ٹی وی کیمرے کی مدد سے اس کا پتہ چل گیا اگر یہ کیمرہ نہ ہوتا تو پھر کبھی پتہ بھی نہ چلتا اس بچی کے ساتھ کیا ہوا؟ یہ عشق کے چکر میں گندگی میں اتر گئی اور اسقاط حمل کے چکر میں جان گنوا بیٹھی لڑکا لاش پھینک کر فرار ہو گیا۔
پچیاں تو معصوم ہوتی ہیں والدین ان کو بہت لاڈ پیار سے پالتے ہیں لیکن جب یہ والدین سے الگ ہوتی ہیں تو اسی پیار کے چکر میں کسی کسی نہ کسی بھیڑیے کے ہتھے چڑھ جاتی ہیں اور والدین کی عزت خاک میں ملا جاتی ہیں۔۔
یہاں سوال ایک بچی کا نہیں تمام معاشرے کا ہے جس کو مشرف نے روشن خیالی کے چکر میں بربادی کے دہانے پر لا کھڑا کر دیا ہے
سوچو!
والدین
