14/10/2024
محبوبِ سبحانی، قطبِ ربانی، شہنشاہِ بغداد، پیرانِ پیر دستگیر، سیدنا شیخ عبدالقادر جیلانی رحمۃ اللہ علیہ کے چاہنے والوں اور آپ کی بارگاہ سے وابستگی کی سعادت رکھنے والے تمام محبانِ غوث الورٰی کو بڑی گیارہویں شریف کی ساعتیں مبارک ہوں۔
یا ربِ کریم! تیرے محبوب ولی، پیرانِ پیر سیدنا شیخ عبدالقادر جیلانی رحمۃ اللہ علیہ کے صدقے ہماری دعاؤں کو قبول فرما۔
اے رب العالمین! ہمیں تیری بارگاہ میں عاجزی کے ساتھ دعا مانگنے کی توفیق عطا فرما۔ ہمیں غوث الاعظم دستگیر رحمۃ اللہ علیہ کی محبت میں ایسا مستغرق فرما کہ ہماری زندگی ان کے نقشِ قدم پر گزرے۔ ہمارے دلوں میں ان کے ادب اور تعظیم کا چراغ ہمیشہ روشن فرما دے، اور ہمیں ان کے چاہنے والوں میں شامل عطا فرما۔
یا اللہ! ہم کمزور ہیں، تو ہمیں ایمان کی پختگی اور عقیدے کی مضبوطی عطا فرما۔ ہمارے دلوں کو پاکیزگی سے بھر دے اور ہماری مشکلات کو آسانیوں میں بدل دے۔ ہمیں وہ ہمت اور حوصلہ عطا فرما کہ ہم غوثِ پاک کی تعلیمات پر عمل کر سکیں اور ان کی سچی نسبت کے ساتھ جینے کا سلیقہ سیکھ سکیں۔
اے مالکِ دو جہاں! بروز حشر ہمیں غوث الاعظم رحمۃ اللہ علیہ کے وفادار غلاموں میں اُٹھا، ان کی بارگاہ میں ہماری سفارش قبول ہو اور ہمیں ان کی دائمی محبت نصیب عطا فرما۔
قادری کر، قادری رکھ، قادریوں میں اُٹھا
قدر عبدالقادر، قدرت نما کے واسطے
آمین یا رب العالمین، بجاہ النبی الامین ﷺ
